Ann Mamma Thai kitchen by 張秀玲

營業中

休息中

今晚約咗屋企人去Ann Mamma食泰國菜，4個人叫咗7樣嘢+甜品，這間泰國菜的食物水準超差，價錢算貴但食物用料和制作都在正常水準之下，侍應服務態度更差勁，不是一兩個侍應無禮貌而是全間鋪的侍應都是一樣態度惡劣，粗聲粗氣，我哋6點到餐廳，食咗唔夠一個鐘就放張單喺我哋枱面催埋單，但無人排隊等枱，訂位時又沒有說要分時段或限時交枱。炸蝦餅都算彈牙但炸得太油膩， 柚子沙律 柚子數量很少而且水汪汪， 泰式豬手炆得太爛又唔入味，似用高速煲求其炆淋就算，十足煲湯肥豬肉一樣。大蝦炒金邊粉更糟糕，唔知點解啲可粉炒到全部碎濕濕，全碟無一條可粉長過2吋，蝦算正常，但炒得唔夠熱，好似求其將所有食 材落鑊兜兩嘢就算。芒果糯米飯是我食過眾多間最差的一間，芒果完全唔香味怪怪，唔知間鋪個老品點解可以入到啲咁難食嘅芒果？ 糯米飯更加唔洗講煮到一pat嘢，完全唔似食緊糯米飯，價錢$58, 我喺吉之島買的絕對好食過佢。其它嘢很一般，很多泰國餐廳的食物做得比佢好，飲品還可以，泰式奶茶算做得唔錯。對這間Ann Mamma 泰國餐廳很失望，以後絕對不會再光顧。