影片
更多
2023-08-23
81 瀏覽
一班朋友gathering,好多時都離唔開打邊爐,今次我地就想來點不一樣,食蒸海鮮粥底鍋,感覺食得無咁大負擔,又健康d.朋友就做晒功課,搵到呢間叫小漁港海鮮坊.鮮蒸,鮮味火鍋.佢係只有打電話同wtapps 訂位, 溫馨一提, 必須必須必須提前訂位, 唔好唸住walkin ,因為呢間野只係開下午5點至晚上12點,基本上佢只可以分兩場客人,所以無訂位都一定食唔到.我地當日訂左7點半,6位, 我地準時到達,已經見到坐滿左9成人,氣氛好好,而且店內有好多中國特色既擺設,有種不一樣既感覺.一坐低我地就揀左每位$318既”是日廚師智選套餐”.包括有:-刺身拼盤-八款時令海鮮-龍蝦半隻-四款時蔬- 一款主食店員姐姐好快手就準備好晒所有材料放係我地架車度既同事, 另一位就上左碟刺身先, 刺身都有六款咁多,每樣都好新鮮,我最鏜意既係佢既海蝦同三文魚, 蝦有蝦膏同食到層蝦膠既質感,而三文魚好厚身,夠晒肥美.食完個刺身,龍蝦就岩岩好蒸好,每人半隻,有成個手掌咁大,上面鋪滿蒜蓉,啖啖肉丫，之後又有海蝦同帶子,鮑魚同馬友, 我第一次食蒸既馬友, 原來係咁咁咁好食,起晒骨, 好厚肉,帶有少少海水既鹹味,有如置身係
-刺身拼盤
-八款時令海鮮
-龍蝦半隻
-四款時蔬
- 一款主食
店員姐姐好快手就準備好晒所有材料放係我地架車度既同事, 另一位就上左碟刺身先, 刺身都有六款咁多,每樣都好新鮮,我最鏜意既係佢既海蝦同三文魚, 蝦有蝦膏同食到層蝦膠既質感,而三文魚好厚身,夠晒肥美.食完個刺身,龍蝦就岩岩好蒸好,每人半隻,有成個手掌咁大,上面鋪滿蒜蓉,啖啖肉丫，之後又有海蝦同帶子,鮑魚同馬友, 我第一次食蒸既馬友, 原來係咁咁咁好食,起晒骨, 好厚肉,帶有少少海水既鹹味,有如置身係大海一樣, 身邊個個都大讚.青口,海螺同蜆都洗得好徹底, 一粒沙都無,完全食到晒佢既鮮味,而且份量好大盤,食晒所有海鮮之後,就有四款時蔬,栗米, 南瓜,絲瓜,同日本小蕃薯,清新一下, 不得不提, 姐姐周不時都會過黎幫手清左碟上面垃圾同殼,相當貼心.見佢地真係忙到無停手,但都保持笑容同好好禮貌, 佩服.
之後就黎到主菜, 蟲草花蒸雞,佢重有烏冬墊底,我地估唔到呢個烏冬原來可以咁好食,佢吸收晒雞汁既精華,由白色轉為淡黃色,而雞肉又保持嫩滑,我都忍唔住食左兩碗丫.呢個時候其實已經好飽啦,但係重未完丫,因為主角重未出場.
頭先食過既所有海鮮同雞既精華係晒個粥底到, 本身個珍珠米我見只有幾粒瑤柱同瘦肉,因為海鮮夠新鮮,所以個粥係無敵咁鮮味, 而且好”杰”身,好”綿”,每一啖都有實在好滿足, 機會唔係成日有,飽到上心口既我都堅持要食兩碗.我地一行6 人都食唔晒, 姐姐重幫我地打包左兩大兜走添.
丫, 差d唔記得講, 我地重叫左兩款小食, 避風塘鮮魷同椒鹽白飯魚,兩樣都好有獲氣同夠晒野味,叫左兩支啤酒,啤啤佢岩晒.呢餐飯食左3個鍾, 我地個個都捧住個肚,今晚食咁多野,又飲又打埋包,每人400蚊有找, 咁既價錢食到呢個質素,真係抵到不得了,勝價比極高.最後重有個黑糖紅豆糍粑送添。
提提大家點食最抵, 星期一至星期四訂位係免加一,免茶芥同免小食,喂 , 呢度都幫係慳返一百蚊啦.
我地已經夾緊期食下一轉啦,陣間就叮返熱個粥做lunch 先, bye
張貼
