天天海南雞飯 (Fashion Walk)

營業中

休息中

成日聽朋友講食海南雞嘅話一定要試吓呢間，今日終於有機會嚟試吓啦！餐廳嘅環境格調高級，好似去咗食高級中菜咁！一場嚟到梗係要試吓個海南雞啦，見到仲有個燒雞雙拼，一於兩款試晒！果然名不虛傳，海南雞雞肉超級嫩滑，入口即溶，肥瘦適中，皮下啫喱超正，連平時唔食雞皮嘅我都忍唔住連埋雞皮食晒，一啲都唔會覺得肥。燒雞同樣嫩滑，燒到層皮脆卜卜，外脆內軟，而且十分Juicy，送飯一流，配埋雞油飯，真係絕配，絕對係我食過最好食嘅海南雞飯！下次同朋友講起海南雞飯，一定推薦嚟呢一間！另外我哋嗌咗兩個嘢飲，一杯豆花美祿同埋一杯青檸沙冰，豆花美祿混合咗啲豆腐花，飲落嘅有口感，味道出奇地夾，青檸沙冰適合夏天飲酸酸地開胃得來亦都消暑，飲落幾涼快！