天天海南雞飯 (Fashion Walk)

營業中

休息中

銅鑼灣Fashion Walk搵好坐嘅餐廳，Food Street太多人，行下旁邊，有好多有戶外座位嘅餐廳，再行少少，竟然有一間係食海南雞，感覺非常驚喜。睇下餐牌有咩食天天海南雞 中份 $169去得呢間嘢，自然要叫海南雞。今次啲雞算滑，都好有雞味。加埋有一個濃度類似蠔油嘅豉油膏，又未必需要點醬汁。不過都試下啦！薑蓉有熟悉嘅味道；辣醬有少少酸甜不過比平時辣；豉油都係黑豉油，係鹹嘅，唔係東南亞常見嘅甜。酥炸椒鹽板豆腐 $99外脆內嫩，豆味好足，裡面又唔會太水，呢個係板豆腐先有嘅效果。就咁食已經好正，不過點汁味道更加有層次。呢個豉油，有少少美極嘅感覺，加埋蔥，所有香味都有，只係個汁真係有啲鹹，要點少啲。黃金蠔烙 $99雖然海南雞，真係要配油飯，不過之前試過，所以睇下有無其他澱粉質適合做主食。廟街嘅蠔餅最出名，不過唔會成日去。難得見到餐牌有，姑且一試。佢呢個比一般潮州式更好，一樣香脆，一樣有胡椒粉，一樣底部都無油。但呢個辣汁好出色，極少酸味，愈食愈想食。不過真係要趁熱食，凍左就腍啦！火焰石燒豬頸肉 $109將一塊熟嘅豬頸肉，現場用火槍燒香。燒嘅過程，會出油，豬頸肉會變得乾身，比直接燒好拎出來更

香港嘅海南雞大多都係泰式海南雞，係泰國餐廳必備嘅招牌菜式；而新加坡嘅感覺唔太多，我數得出名嘅只有三數間，而排第一嘅一定係多年人氣爆棚嘅「天天海南雞飯」，想當年登陸香港亦轟動一時，現時間唔中我都會去食一次招牌嘅海南雞飯。最近發現一個折合達67折嘅白色情人節套餐 (原價$779，現價$520)，真係幾划算，而且套餐菜品都係一般會食嘅招牌菜式，唔洗諗即刻衝!杏汁木瓜花膠燉雞湯: 睇落幾足料，木瓜味比較突出，雞味一般唔太濃，但餐前簡單飲完碗黎講，算係唔錯。水果沙律: 主為係無花果及蕃石榴加上梅子蓉，梅子味甜中帶酸，幾濃味，與生果都幾搭配。黑松露酥炸生蠔: 炸粉酥脆香口，加上黑松露增鮮，蠔肉肥美飽滿，大大隻勁厚肉，其鮮嫩多汁，蠔味仲幾濃郁!天天海南雞拼燒雞: 常溫雞件淋上熱香雞油，雞肉微暖，其肉質極為細嫩，係我食過最滑嘅海南雞，再三強調，雞油真係好香好濃郁；燒雞都係比較滑身，都係好食嘅，但就無海南雞咁獨特。雞油飯: 飯粒顆顆分明，質感唔錯，滿帶雞油香，香而不膩，係必食之選!鴛鴦菜花: 鴛鴦菜花配酥炸白飯魚，整體咸香感較重。新加坡美祿豆腐花: 雖然質感唔算太滑，但豆花味重，且美祿朱古力粉超多，正!

突然好想食下海南雞飯，好自然就諗起好有名氣嘅天天海南雞飯，一於同埋朋友黎開餐先，呢次我地叫左酥炸椒鹽板豆腐($49)、黑胡椒羅氏蝦粉絲煲($149)、天天海南雞(中份)($169)、雞油飯(碗)($23)、豆花椰奶咖啡($35)、茶位($10/位)*2先放低壺茶，飲落茶香撲鼻內裡乾淨企理，仲會見到牆嘅位置貼滿唔少名人合照，顯得人氣十足😄食物齊晒當然影返張大合照😁酥炸椒鹽板豆腐：呢個板豆腐係外脆內嫩嘅完美代表。炸到金黃香脆，入口先係酥脆嘅口感，跟住就係豆腐滑溜嘅細膩口感，再配上椒鹽嘅鹹香，再點埋醬汁黎食，簡直係小食之選😋黑胡椒羅氏蝦粉絲煲：呢道菜一上枱已經聞到濃郁嘅黑胡椒香氣，羅氏蝦大大隻，新鮮彈牙，味道鮮甜。粉絲吸晒濃濃嘅黑胡椒醬汁，夠晒惹味🤤天天海南雞(中份)：呢度嘅海南雞可以話係招牌菜，雞肉鮮嫩滑溜，雞皮啱啱好啲啲膠質，夾埋秘製醬汁，真係越食越上癮😍中份啱啱好夠兩個人分享，唔夠滿足仲可以選擇大份添😉雞油飯(碗)：配海南雞當然要加碗雞油飯啦！飯粒煮得剛好，粒粒分明，又吸晒雞油嘅香味，食落去真係無敵好味。淨係食飯都想加多一碗👍 豆花椰奶咖啡：呢杯豆花椰奶咖啡係我嘅心水推介！咖啡嘅醇香加

今日特登過嚟試下米芝蓮海南雞！可惜上次去新加坡冇時間食，成日經過都好想食今日終於有時間俾我試吓😆-我幾鍾意呢度嘅環境，好乾淨光猛，另外佢有戶外同埋室內，好光猛，感覺有少少酒吧嘅感覺～-天天海南雞（中份） $169最期待就係呢個米芝蓮嘅海南雞真係我食過最好食嘅海南雞除咗雞超滑之外雞皮彈牙到好似啫喱又夠薄而中間都有層啫喱絕對係佢嘅精華肥瘦又均勻肉質非常嫩滑就算唔掂佢哋嘅醬都已經好好食但點埋就會濃味少少味道有另一個風味尤其鍾意佢中間橙色嘅醬辣辣地酸酸地咁☺️唔使講海南雞真係必叫😉-參巴辣椒炒通菜 $99又香又惹味又濃郁嘅森巴辣椒醬惹味得來又唔會太辣一上枱勁有鑊氣配埋佢哋嘅蝦米好香趁熱食非常惹味！-花膠太史蛇羹 $99第一次唔喺蛇舖度食蛇羹😆冇諗過呢度都係非常足料有超多蛇肉同埋花膠每一啖都係材料非常濃厚鮮甜😋-小籠包 $59店員都好貼心見到我哋未食晒枱上嘅嘢都會同我哋詢問需唔需要遲啲先打開個籠蓋上面有好得意嘅造型裝住啲醋小籠包裏面都好多肉汁夠鮮味～-咖央醬炸饅頭 $39第一次試呢種組合通常都係配多士但今日真係非常之想試吓炸饅頭炸饅頭配咖央醬真係非常之夾咖央醬同煉奶一樣都係有少少甜不過就多咗種斑斕

這家位於銅鑼灣的新加坡🇸🇬餐廳提供多樣美味的選擇。海南雞的雞肉質地嫩滑，多汁可口，令人回味無窮，而且還可以搭配燒雞一同享用，增添更多不同的風味選擇。燒豬頸肉香氣四溢，肉質鮮嫩，味道十分誘人，讓人忍不住多點幾份。泰式串燒則帶有獨特的香味，味道不錯，但價格相對較高，適合想嚐鮮的食客。這家店的服務也非常出色，員工熱情周到，反應迅速，能讓客人在用餐過程中感到舒適愉快。整體來說，無論是美味的燒烤還是貼心的服務，都讓人願意再次光顧，是銅鑼灣地區一間值得推薦的餐廳。天天海南雞飯 (銅鑼灣)銅鑼灣京士頓街9號Fashion Walk地下H2號舖

喺新加坡度食過天天海南雞飯，又要排隊，服務又麻麻，加上並不如食評中嘅五星米芝蓮，便決定返香港再食多一次。入到去環境優雅，座位舒適，服務也很好，整體感覺似西餐廳多過似中餐廳，同新加坡喺大排檔嘅感覺一啲都唔同，非常舒服。看到餐牌，算是中價位餐廳，點咗人氣最盛嘅海南雞拼炸雞，豆漿雜菜鍋，豬肉骨茶鍋，油飯以及鹹檸檬梳打。首先講海南雞，雞肉冇味不過做得幾滑，全靠醬汁補救。但係炸雞係凍嘅，底下墊左三舊青瓜，所以感覺唔好食。其次係豬肉骨茶鍋，個匙羹係畢唔到啲湯，湯底其實OK嘅，但係啲排骨係完咬唔到，又唔入味。個豆漿雜菜鍋都幾好，但係落咗好多雞腎同埋粉絲。油飯都幾好食，幾香唔算好油。呢餐食左$700幾蚊，我個人認為性價比唔高，唔會再回頭。

今日閨蜜放工帶我食好西🤩意想不到在銅鑼灣鬧市中，竟然可以找到一碗令人心動的海南雞飯🥰#天天海南雞拼燒雞 $299🍗 主打雙拼：海南雞 + 烤雞滑嫩的白切雞＋香脆的烤雞，一次過滿足兩個願望！雞汁滲入每一絲雞肉，雞皮滑得像在跳舞💃，烤雞更是外脆內嫩，咬落有驚喜！#食完想Encore #雙雞Combo無敵#雞油飯(一碗)$23🍚 靈魂伴侶：雞油飯每粒飯都吸收咗雞油精華，香到不行，一碗絕對唔夠！這碗飯唔只係配角，簡直係主角之一！🔥#香氣撲鼻 #肥而不膩#蒜蓉醬西蘭花苗🥦 蔬菜界的MVP：蒜蓉西蘭花苗脆嫩得剛剛好，蒜香濃郁又唔霸道，完美平衡咁多肉肉的豐腴感～新穎配搭鐵板上，熱辣辣滋味無窮#清新一擊 #肉菜平衡之道🍧 Ending甜點：美祿豆腐花冷冰冰的豆腐花滑到入口即化，加上濃香美祿，有夠治癒！💖甜而不膩，完全係完美收尾～#豆腐花新吃法 #有驚喜📝 總結：性價比爆燈！✅ 地道風味 ✅ 高品質 ✅ 親民價錢無論你係海南雞粉絲，定係想感受南洋風情，呢度都值得你專程嚟一趟～👣 下次經過銅鑼灣，唔好錯過呢間人氣餐廳啦！

天天海南雞之前試過已經知道海南雞好食，點知今次比我食到有個菜式仲驚喜過海南雞呢間分店帶浪漫休閑氣氛，可選室外或室內用餐，燈光令人舒適天天海南雞用美味的湯汁以緩慢而溫和的方式煮雞肉，使肉質鮮嫩，每次必點嘅菜式雞油飯米飯吸收了雞肉和雞油的香氣，粒粒分明，口感滑順，單食飯已經好好味原條酸菜魚賣相一流，成條魚連埋頭尾，份量十足。選用左新鮮嘅魚，肉質細嫩，湯底以酸菜熬製，味道酸爽可口火焰石燒沙嗲串串最有驚喜嘅一道菜，職員即場燒製，這道沙嗲串串在火焰上石燒，帶來獨特的香味，燒到岩岩好，肉質外層微脆，但一咬落去發覺肉質鮮嫩，估唔到串燒都可以保留如此滑嫩嘅肉質，配上香濃的沙嗲醬更惹味手打檸檬茶味道清爽 推介，夏天必選

今次去咗銅鑼灣Fashion Walk嘅「天天海南雞飯」，真係好好味呀！😋服務員都好友善～重點係，啲嘢食真係好味！首先，梗係要叫佢哋最出名嘅海南雞飯啦！雞肉好嫩滑，配埋香噴噴嘅油飯，簡直係絕配！💖 然後，我仲叫咗酥炸椒鹽板豆腐。外皮炸到金黃香脆，裡面嘅豆腐好滑，加埋鹹鹹香香嘅椒鹽調味，真係超級好味！😋 一啖咬落去，口感豐富又有層次，令人食唔停口！仲有仲有，佢哋嘅雞油飯都好好味㗎！粒粒分明嘅米飯，索晒香濃嘅雞油，每一啖都香氣十足，令人忍唔住一啖接一啖！🤤跟住，我哋仲叫咗豆腐花做甜品🍮，滑嘟嘟嘅豆腐花，豆味香濃，口感細膩，真係好正！加埋少少糖水，甜而不膩，完美咁結束咗呢一餐。無論係食物、服務定係環境，都令人覺得好舒服好開心～💖

炸生蠔4隻，3隻有大量渣，咬吾開，吾知入左咩國家嘅蠔，大隻都冇用，第二道羅白糕冇羅白味，而且不是用粘米粉做，似用糯米粉做的，所以我以為自己食韓國炒年糕、第三道甜品：椰奶龜苓膏，又係用左糯米做嘅龜苓膏，沒有清來只有煙韌感，我以為自己食梗賀年膏，串燒肉好乾，可以之前賣吾去再翻燒，好硬乾，全部似預製菜，吾明白2022年佢係米之蓮街頭小吃奬，要留意呢點. 中曬伏，裝修咪高級茶餐廳格局，點可以開生日派對，只有一點可取，歺具好似幾講究

在銅鑼灣喧囂的百德新街轉角，這家米芝蓮新加坡餐廳宛如都市叢林中的一片靜謐綠洲。推門而入，柔和的燈光與簡約的南洋風裝潢相得益彰，磚牆上懸掛著幾幅新加坡街景水彩畫，耳邊飄來若有似無的峇峇娘惹民謠，營造出低調而優雅的用餐氛圍。招牌海南雞拼燒雞堪稱絕妙雙重奏—雞肉嫩滑得幾乎要化在舌尖，燒雞皮脆肉嫩，兩種截然不同的口感在口腔中交織。豆漿海南雜菜煲湯頭濃郁卻不膩口，豆香與蔬菜清甜完美融合；酥炸椒鹽板豆腐外酥內嫩，椒鹽香氣在齒間綻放。最驚豔的莫過於海南雞油飯，粒粒分明的米飯裹著金黃雞油，香氣撲鼻卻意外地清爽不膩。服務生總在恰當的時機出現換骨碟添茶，對菜式的講解專業而親切，甚至注意到友人畏寒特意調高空調溫度。離座時經理微笑詢問菜品意見，那份真誠令人印象深刻。這頓晚餐不僅滿足味蕾，更是一場細膩周到的感官饗宴。

銅鑼灣米芝蓮海南雞，室內室外也有座位，倍感悠閑。在新加城頗有名氣，過江龍來到香港質素依然保持。除了海南雞，其他菜式也很不錯。天天海南雞 (中份) $169Tian Tian Hainanese Chicken差不多每一桌都點的招牌菜海南雞，倆口子來個中份，份量剛剛好。平時不吃雞皮，但這個海南雞的雞皮香而不油，薄身帶點爽脆，還連住新鮮雞的皮下膠質，雞肉滑溜，加上秘製的醬油，不沾醬吃已很不錯。火焰石燒沙嗲串串 $129Flaming Stone-Grilled Satay Skewers店員以火槍輕灸串燒，香料經火灸後，香味更加突出。豬、牛、雞串燒都是大大塊肉，特別喜歡豬肉串，選用豬頸肉部份，爽彈又有油香。濃厚的沙嗲醬也是這道菜的靈魂，花生醬味道濃郁而不死鹹，與肉串更是百搭組合。黃咖喱牛面頰肉 $139Yellow Curry Beef Cheek這個黃咖喱屬於惹味辣，不嗜辣的倆口子也吃得津津有味。牛頰肉比牛肋肉的肉質更細緻、比較低脂，還多了一種骨膠原的膠質感。另一主角薯仔也炆得軟淋入味，牛肉和薯仔份量頗多，很足料。咖央醬炸饅頭 $39Fried Bun w/ Kaya Sauce4顆炸饅

「天天海南雞」由新加坡傳入，現在已有4間分店，而銅鑼灣京士頓街是最早的一間，餐廳裝修雅緻，有室內室外座位，很有新加坡feel。海南雞是招牌菜，差不多枱枱都食，我當然也不例外。《天天海南雞》中份$169專用的碟子盛著海南雞和三款不同的醬料，薄薄的白色雞皮爽口有彈性，完全沒有肥脂肪，雞肉較為結實，有嚼口，雞味濃。雞骨已全部拆去，啖啖肉，食得很放心，也很滿足。《新加坡檸檬鳳爪》$69新菜式無骨鳳爪，用特別的玻璃碗盛戴著，上枱時乾冰由孔中噴出煙霧，如夢如幻，很花心思呢！鳳爪酸酸辣辣的，很開胃。《肉未豆腐水晶粉》$89豆卜、肉碎的醬汁滲入粉絲，健康又美味的一道菜。《乾炒牛柳絲貴刁》$139幼滑的貴刁粉炒得恰到好處，配美味的牛柳，還有菜心、栗米心……好食。

位於銅鑼灣Fashion Walk嘅天天海南雞飯，主打新加坡招牌海南雞飯。天天海南雞(中份) 加配 雞油飯雞肉滑嫩得嚟充滿肉汁，每啖都充滿雞油香氣，皮薄又無多餘脂肪，食落去完全唔覺得膩。醬汁係靈魂所在，特調嘅豉油鹹香濃郁，配埋冰涼嘅青瓜，清爽又解膩。雞油飯粒粒分明，帶有濃濃嘅雞香，非常惹味。糟粕醋火焰黑毛豬金針菇煲黑毛豬肉質鮮嫩，吸收咗醋湯嘅酸甜香味，入口細膩，完全無腥味。金針菇煮得爽口彈牙，湯底酸中帶甜，味道非常豐富。豆花椰奶咖啡味道層次豐富有趣。豆花滑嫩如絲，混合椰奶嘅香甜同咖啡嘅微苦，整體平衡非常好。新加坡原味豆腐花加美祿豆腐花入口即化，質地幼滑，豆香濃郁，配埋甜甜嘅美祿粉，帶嚟唔一樣嘅甜品體驗。

今次嚟到呢一間新加坡過江龍，第一間新加坡米芝蓮餐廳主打海南雞，店舖環境優雅，服務周到，見到有好多明星嚟食。海南雞燒雞雙拼 $299 油飯$23好有氣派好正宗，個碟擺盤擺得好靚，海南雞同燒雞份量都好多🤩，海南雞肉質出奇地嫩滑😍，食落好有雞味，配埋啲海南雞專用嘅醬一齊食，令雞嘅鮮味更突出，更惹味。而燒雞個皮好薄，又好脆，肉質嫩，食落好有油香，沾埋椒鹽一齊食更香口😛。食到咁上下仲可以食返啲瓜嚟解膩。另外叫咗碗油飯，聞到好香，啲飯粒粒分明，有黃薑粉味，配埋雞一齊食啖啖肉嘅感覺好滿足🥳。串燒 $129雞牛豬各有兩串，幾有特色，上枱之後會即場用火槍再幫你燒多幾下🔥。各有千秋，燒完雞牛豬各自嘅風味帶出，配左個沙嗲醬同豉油，食落甜甜地，既Juice又開胃😋。美祿恐龍 $35好貼心地用一個竹籃裝住個玻璃杯，相信係為咗唔會凍親隻手，又有特色✨。美祿好濃朱古力味🍫，加埋上邊嘅美祿粉未完全凝固嘅口感，令味道層次更豐富。