影片
更多
2013-02-06
466 瀏覽
今晚出咗去旺角鉅記買手信,返到屋企附近的譽居搵食,原本諗住食自家烏冬,點知要等位,唯有食譽居,點解唔係旺角食,皆因旺角太多人,同時,上個月亦在旺角燒肉孫三郎用團購食,不外如是,可能是因為團購的關係,將貨就價,尤其是那款熱石鍋咖喱汁飯,簡直係難食,見到佢哋撈完之後,簡直反胃,皆因未撈咖喱汁之前,已見到啲飯濕笠笠. 講返譽居,見佢有優惠,就叫咗橫行羔蟹砂鍋粥及名人蝦子撈麵,另外再叫一個燒鵝粒梅菜炒飯 張單返嚟啦!點解我要講呢?因為要自己攞張單出去埋單,不過亦都要加一服務費喎!先嚟名人蝦子撈麵,一見到就知道出事,嘩!細碟到呀!不過收20蚊係咁架啦!仲有,蝦子無味,麵當然無味啦!而且亦太乾身,非常差,大家千萬不要點這個呀!跟住輪到燒鵝粒梅菜炒飯,啲飯都算乾身,味道算OK,但始終沒有炒飯的香味,不知是否這個組合(燒鵝+梅菜)並不適合炒飯呢?這個都算OK,不過食一次就夠,下次我唔會再叫!最後,就係橫行羔蟹砂鍋粥,啲粥煮得好綿,亦唔會太稀,亦唔會太,啱啱好,而且好熱,VERY GOOD,亦有薑味,不過啲薑味重得滯,食唔到有蟹味,可能因為啲蟹唔新鮮,用薑摭
今晚出咗去旺角鉅記買手信,返到屋企附近的譽居搵食,原本諗住食自家烏冬,點知要等位,唯有食譽居,點解唔係旺角食,皆因旺角太多人,同時,上個月亦在旺角燒肉孫三郎用團購食,不外如是,可能是因為團購的關係,將貨就價,尤其是那款熱石鍋咖喱汁飯,簡直係難食,見到佢哋撈完之後,簡直反胃,皆因未撈咖喱汁之前,已見到啲飯濕笠笠.
講返譽居,見佢有優惠,就叫咗橫行羔蟹砂鍋粥及名人蝦子撈麵,另外再叫一個燒鵝粒梅菜炒飯
張單返嚟啦!點解我要講呢?因為要自己攞張單出去埋單,不過亦都要加一服務費喎!
先嚟名人蝦子撈麵,一見到就知道出事,嘩!細碟到呀!不過收20蚊係咁架啦!仲有,蝦子無味,麵當然無味啦!而且亦太乾身,非常差,大家千萬不要點這個呀!
跟住輪到燒鵝粒梅菜炒飯,啲飯都算乾身,味道算OK,但始終沒有炒飯的香味,不知是否這個組合(燒鵝+梅菜)並不適合炒飯呢?這個都算OK,不過食一次就夠,下次我唔會再叫!
最後,就係橫行羔蟹砂鍋粥,啲粥煮得好綿,亦唔會太稀,亦唔會太[傑],啱啱好,而且好熱,VERY GOOD,亦有薑味,不過啲薑味重得滯,食唔到有蟹味,可能因為啲蟹唔新鮮,用薑摭咗啲腥味,但單以粥論,啲粥係煮得好好
題外話/補充資料：
最後,當然係攞咗單出去埋單,同之前計定個價錢有出入,問佢攞張收條嚟睇,原來每人收2元茶錢,應該就唔係好值,不過2元都唔算貴,都可以接受,況且,好多間都會收茶錢,如POPCORN的翡翠拉麵[IMG:7]
(以上食評乃用戶個人意見 , 並不代表OpenRice之觀點。)
張貼
