炙・宴 (新城市廣場三期)

營業中

休息中

今日行開沙田新城市廣場，就想搵一啲日本嘅嘢食下啦，咁啱見到呢一間新開嘅照燒當飯，咁就一於試吓啦。在平日星期一來講，正常晚餐時間都幾多人下，入去嘅時候都要等位，但係都係等五至10分鐘就有位啦，裏面嘅座位都坐得好闊落，人同人之間都夾得好夠距離。今次試咗兩個嘢食，第一個就係呢一個店長推介嘅宮崎牛同埋呢一個豚肉嘅雙拼飯，牛肉燒得好好食，大概係因為佢係宮崎牛嘅關係，肉質脂肪比例完美，雖然得三四塊，但係我覺得真係滿分。而嗰個所謂嘅第一嘅燒豚肉飯，我就覺得真係好麻麻哋啦，如果你話$159呢個價錢食雙拼嘅話，早知就試吓宮崎牛拼鰻魚，可能個效果仲抵食過拼豚肉。等我仲叫多咗一個三文魚嘅沙律，坦白講其實都好普通，三文魚都算大份量，但係個醬汁就麻麻哋。整體來講，呢個價錢食呀呢個質素嘅嘢，其他選擇可能好多，不過喺新城市來講，可能樓下一田嘅超級市場仲好食。