炙・宴 (新城市廣場三期)

➢ 🍱一本鰻魚三食 $𝟷𝟼𝟾MENU有教第一個食法係咩都唔好點, 原汁原味咁食, 但個人覺得條鰻魚有啲乾, 唔肥美!🙂‍↔️第二個食法就係加少少海苔、蔥花、芝麻、Wasabi咁食, 但注意返採用的唔係日本個啲唔辣的Wasabi😂第三個食法係將第二個食法再加入茶湯, 因為有茶湯的原故, 令鰻魚有返啲口感, 即刻無咁乾爭爭✨建議大家直接落茶湯試吓先👍🏻➢ 🐂輕燒宮崎和牛月見丼 $𝟷𝟼𝟾五至六塊宮崎和牛外層燒到脆口🥩和牛中間粉粉嫩嫩, 食落真係入口即溶, 再撈埋蛋黃汁成件事再度升華🥹🤩另外包餐飲同兩件蕨餅👏🏻美味：★★★扺食：★★★服務：★★整體：★★★#服務同鰻魚度扣曬分📍ABURI-EN 炙・宴沙田正街2-8號新城市廣場三期2樓A215號舖#沙田美食 #香港美食 #日本菜 #新城市廣場 #namkam沙田…查看更多

午市專程試宮崎和牛雙主食，13:30到店竟然免排隊直入，仲有卡位坐！點左一個和牛拉麵，一個和牛丼飯。月見丼輕燒和牛片脂香滲透米飯，戳破蛋黃撈飯的油潤交融， 食而不膩。附贈麵豉湯同甜品，仲送一杯飲品，都算抵食既。惟獨是和牛份量同飯既份量都唔太大，細食朋友可以試試。 火炙和牛拉麵會送沙律，個沙律加醋，冇太大特別，豚骨湯底因和牛脂香更顯層次，焦邊肉片軟嫩帶炭香，個和牛片食到鮮牛味，用料很好，麵身較淋同努細，冇彈牙既感覺。 …查看更多

時間：星期六6:30 等候： 0 服務： 正常，無特別食物 ： 燒牛舌$68 - 幾軟淋 燒過表面 幾香脆，但好油，和份量少一點，得四小塊和牛拉面（標準） $138 - 有加面版$168， 一個人食 標準份量都足夠和牛都有三大塊，薄薄的，應該炙燒過表面，有少少焦香，牛油燒香咗，肉質好滑。 湯底滲入 牛油香，好濃 配拉面好正。以價格來講 平時食一碗拉面都$110 左右，性價比的確但面質有點偏幼，好似雲吞面咁幼，我覺得粗小小 會好一點，仍爽口彈牙，不錯總結：會再去，食物質素和環境都可以。…查看更多

呢間都係一間成日都同朋友時常回訪既餐廳，見餐廳定期都會有的新菜式上架🤣今次都唔例外，咁一定要試下啦。雖然呢間餐廳好多位，但平時都好多人係門口排隊架，好彩今日我早左少少排隊，所以可以唔洗排隊即入🥳😋輕燒宮崎和牛月見丼呢個係一個套餐嚟嘅，套餐包埋飲品🥰麵豉湯同埋蕨餅😊呢舊和牛我可以用入口即溶嚟形容😍好有牛味之餘亦都好嫩滑🥰仲有舊生蛋撈埋啲飯一齊食👍🏻蕨餅唔會太甜沾滿黃豆粉👍🏻😋火灸三文魚刺身好有灸燒香既三文魚😍加啲檸檬🍋汁上面就更痴fresh😚😋宮崎和牛芝士黑咖哩飯一上枱已經好香，仲要有拉絲芝士🧀真係好邪惡😈舔舔脷指數👉🏻7😋/10😋滿分 值得一試😋…查看更多

喜歡食鰻魚的朋友要注意。炙。宴推出鰻 Unagi Signatures全新menu，分別有一本鰻魚三食及鰻魚二重丼。其他小食也同樣吸引，有鰻魚一口燒同鰻南蠻！
∗ 鰻魚二重丼 $142可以一次過品嘗原味鰻魚和南蠻炸鰻魚經常聽見南蠻炸雞，南蠻炸鰻魚卻是第一次聽炸得金黃香脆 還有搭配他他醬 ∗ 一本鰻魚三食 $168一本鰻魚三吃食法分為三種先享用原味鰻魚飯，或加入山椒粉原條鰻魚燒得香濃，油脂感比二重丼的濃厚，入口嫩滑 ，之後可以加入佐料，蔥花 海苔等等攪拌，提升層次。最後仲可以加入玄米茶湯變成多數人喜愛的茶泡飯∗ 鰻魚一口燒 $62以海苔包裹鰻魚和佐料製成一口小食 ∗ 蜜桃寧檬茶 $38∗ 熱情果寧檬茶 $38
…查看更多

上星期同老公帶住囡囡去咗沙田行街，不嬲都幾鐘意係新城市行，貪佢BB換片同沖奶地方都好舒服同方便，換完片搵野食就去咗試「炙・宴」。環境一踏入去就覺得好舒服，BB車可以輕鬆推入去，仲有BB椅提供，對有小朋友嘅家庭嚟講真係超貼心！✨我叫咗宮崎和牛飯，和牛切片煎得啱啱好，肉質滑嫩帶少少炭燒香，入口即化，燒牛嚟講都算唔錯既餐廳。飯底吸收咗和牛嘅肉汁同醬汁，每一啖都好好食，配埋啲茹吸晒啲汁真係好正！🍚🥩侍應服務好有耐性同細心，見我係袋到拎支奶出嚟，仲問我洗唔洗暖水坐返熱啲奶，呢啲細節位真係令人感覺好窩心。晚飯時間餐廳人流比較多，但都無其他餐廳咁係咁趕我哋走或者係咁提我哋已經夠用餐時間。之前朋友話下午茶都好抵食，下次Tea Time 睇下有無機會試一下！🥢✨…查看更多

雖然呢間唔係新既店舖，而且我都反兜左好幾次🙂但我仍然覺得係需要推介一下既😙其實假期好多時都需要排隊，好彩我嗰日係平日去，所以Walk in即入🙂今次就叫左🤗😋宮崎和牛·ABURI-EN豚肉雙併飯+半熟蛋先講嗰個牛，嫩滑得黎又好有肉味☺️幾乎做到入口即溶嘅感覺😝跟住到個豚肉，燒到焦香少少外脆內軟既口感☺️好味道😙加埋啲京蔥同本菇餸飯一絕😚最後係個半熟蛋，係由醬油浸煮，夠哂入味😚如果未食過呢間餐廳既話，大家不妨一試。舔舔脷指數👉🏻7.5😋/10😋滿分 值得一試😋…查看更多

周圍都係分店嘅炙宴試過唔少次，之前俾過幾次機會佢嘅拉麵都覺得麻麻哋，湯底好普通，面質又唔好食，一啲都唔彈牙但係呢度嘅壽喜燒就好好食雖然價錢係有啲偏貴，最平嘅豚肉鍋連加一$170-$180不過佢哋嘅烏冬真係幾好食…查看更多

今次同老婆一同試左呢道火炙宮崎和牛豬骨湯拉麵，呢碗拉麵用左豐富的豬骨湯底和宮崎和牛作為佢嘅賣點。而聽店員講湯底係經長時間嘅熬煮，湯底配搭和牛的肉汁令我係有驚喜。我覺得麵條相對地幼身，麵條吸收了湯和肉汁。而經火炙後的宮崎和牛則是呢碗拉麵的亮點，鮮嫩的肉質，加上微微焦香的外層，讓每一口都充滿了層次感。此外，拉麵上再加上了新鮮的蔥花，增添了清新的味道，使整道菜式更加平衡。對於拉麵愛好者來說，是一道不容錯過的美味，值得推薦。…查看更多

之前都食過呢間幾次，今次再嚟，晚市多左啲套餐，好抵食。環境座椅舒適，夠大，職員服務都幾好。雞扒丼+熱烏冬，套餐仲有麵豉湯、沙律、沖繩豚肉餃子、甜品蕨餅。雞扒都幾大舊，皮少少脆，肉都嫩。宮崎和牛丼+熱烏冬。和牛勁油香，好滯，但好軟熟。黑咖哩芝士炸雞丼+生雞蛋豬腩肉丼隻生雞蛋店員放錯左喺雞扒丼個餐盤度，其實係配豬腩肉丼。呢個餐係最飽因為兩個都係飯，而且兩個飯都有餸，有炸雞同豬腩，好抵，其中一個直接打包咗做埋第二日午餐。豬腩肉唔會淨係得肥，都有好多肉，嫩，唔硬。炸雞都唔錯，第一次食黑咖哩芝士都唔錯，甜甜地咁。豚肉餃就比較淋，但一咬就爆晒汁。南蠻炸雞好好食，個醬好食，雞好大舊，好脆入面又好多汁，肉嫩唔會有筋。炸池魚，好脆，不過偏咸芋蓉餅，估唔到咁細舊咁迷你，但好濃芋味。…查看更多

朋友上次介紹我去這家吃丼飯時，他說味道不錯，但那次飯可能豚肉燒得太耐，所以有些失手，肉質（鞋口）。今次我再到沙田新城市中心，想再給這家餐廳多次機會，果然豚肉係好美味！這次燒得恰到好處，味道很香濃，肉質也嫩滑。它使用日本米，符合我的口味。點餐時還可以選擇多汁的，我選了多汁口味，因為將汁撈入飯裡好吃很多單點$88另再一，我認為價錢合理。…查看更多

炙・宴聽名或者未聽過，但見到豬仔燈籠就記得佢，超可愛!!店鋪以優質日本豚肉丼及和牛做主打，除左丼飯仲有各式麵類，選擇富豐。🐖- 宮崎和牛壽喜燒烏冬 HK$199 🐂🍜牛肉嫩滑配生雞蛋一絕!!宮崎和牛牛味香濃，牛脂花紋幾靚，肉質非常嫩滑，不過得3塊有D唔夠喉。跟餐提供月見可配和牛食用，令到牛肉更香濃更嫩滑!!壽喜燒鹹甜適中味道濃郁，可加錢轉彈牙烏冬吸收壽喜燒汁精華超濃味!!- 酥炸宮崎青眼魚 HK$48 🐟酥脆香口炸魚仔!!外皮炸至金黃色酥脆，魚骨及魚皮都入口即化!!魚肉味道帶點甘香，幾好食!!- 炸雞芝士黑咖哩飯 HK$98 🐣🍛超吸睛咖哩飯!!黑蚊蚊咖哩飯真係第一次見，但味道其他同普通啡色咖哩差唔多，芝士添加奶香非常好送飯，炸雞炸皮唔會過厚幾香脆!!…查看更多

餐廳有好多燈籠豬掛飾，可愛又特色！中午有平價版和牛食，餐包主食、味噌湯、蕨餅及飲品，立即試一試！日本產和牛鐵板（配白飯）（$98）份量足料，雖然不是頂級和牛，入口軟嫩無筋，洋蔥爽甜，吸收了肉汁，但燒醬汁偏甜！蕨餅是滿滿的綠茶粉，非常香濃，內裡晶瑩剔透，煙韌有口感👍🏻❤️日本產豚肉生薑燒鐵板（配白飯）（$78）薑味滲透肉片當中，去除了肉腥味，不太辣，反而甜味更突出，入口啖啖肉，配上香軟珍珠米飯，暖胃飽肚！熱咖啡熱烏龍茶…查看更多

下午大約三點同朋友去食嘢，去到門口見到有4個員工都企喺樓面中間有講有笑，全部背住門口企，我入到去企左喺收銀機前面十秒先有同事見到，一坐低就見到不遠處有一張6人卡位，有一個廚房員工除左鞋訓左喺度，我明白員工落場需要休息，但喺食客附近，可唔可以著返對鞋，非常影響食慾🤧🤧🤧…查看更多

地方寬敞，環境清幽，座位舒適的和風食堂。餐廳內有大量舒適的的卡位，還有很多可愛有趣的燒豬燈籠作點綴。沖繩豬軟骨湯麵加煎餃，拉麵軟硬度適中，豬軟骨煮得比較林，湯底味道濃郁，分量剛剛好。餃子是菜肉餡料，拉麵配餃子，是最佳組合。另一碗是炙燒北海道帶子海鮮丼，有三文魚、帶子、燒玉子和三文魚籽。三文魚厚薄適中，帶子略帶鮮甜，整體不錯。餐廳服務員有禮貌，定時加水，如果想跟家人或朋友清靜地聚會，這是一個不錯的選擇。…查看更多