炙・宴 (新城市廣場三期)

營業中

休息中

之前都食過呢間幾次，今次再嚟，晚市多左啲套餐，好抵食。環境座椅舒適，夠大，職員服務都幾好。雞扒丼+熱烏冬，套餐仲有麵豉湯、沙律、沖繩豚肉餃子、甜品蕨餅。雞扒都幾大舊，皮少少脆，肉都嫩。宮崎和牛丼+熱烏冬。和牛勁油香，好滯，但好軟熟。黑咖哩芝士炸雞丼+生雞蛋豬腩肉丼隻生雞蛋店員放錯左喺雞扒丼個餐盤度，其實係配豬腩肉丼。呢個餐係最飽因為兩個都係飯，而且兩個飯都有餸，有炸雞同豬腩，好抵，其中一個直接打包咗做埋第二日午餐。豬腩肉唔會淨係得肥，都有好多肉，嫩，唔硬。炸雞都唔錯，第一次食黑咖哩芝士都唔錯，甜甜地咁。豚肉餃就比較淋，但一咬就爆晒汁。南蠻炸雞好好食，個醬好食，雞好大舊，好脆入面又好多汁，肉嫩唔會有筋。炸池魚，好脆，不過偏咸芋蓉餅，估唔到咁細舊咁迷你，但好濃芋味。