柏麗廳

營業中

休息中

我自己係一個好鍾意食榴槤嘅人，今次酒店自助餐有一個啲24嘅榴槤主題，梗係要去試吓啦！今次食咗七點嗰一輪嘅自助餐，可以食四個鐘，當中有包括有和牛又有龍蝦，仲有即開生蠔添！我自己覺得都幾抵食！首先講吓海鮮方面，即開生蠔一定冇得輸，每次只可以攞三隻，但不過都算快，新鮮程度都可以！另外有蟹腳，但係偏鹹！我覺得燒龍蝦比凍龍蝦好食，但係燒龍蝦7:30前供應！鍾意食和牛嘅就唔可以錯過， 7:30會出佐賀和牛鐵板燒，我自己覺得好正，一定要試！另外就會有鵝肝多士，呢個都非常唔錯！甜品方面仲有畫碟服務，可以寫祝福字句喺心太軟嘅碟上面，都幾有心思！甜品有超多選擇，除咗movenpick 嘅雪糕之外，都有各式各樣蛋糕！當然榴槤主題係最重要，榴槤炸彈係我好推介嘅，當然榴槤班戟都唔錯！好快就俾人攞晒！另外一定要食嘅就係榴槤蓉，超甜超濃郁，好好味！飲品方面，佢哋會定時推出Cocktail 當然紅白酒都係任飲，超正！