餐廳環境乾淨企理, 侍應們都待客有禮。下單後, 食物都好快上檯。
【燕皮扁肉湯】HK$28/碗
湯底味道鹹鮮, 有如小雲吞般嘅燕皮扁肉盡吸湯汁, 餡料充滿肉香。
【普寧豆醬焗鰻魚】HK$118
上檯時散發陣陣香氣, 底層佈滿大量香蒜粒, 放上多件鰻魚肉, 加上了普寧豆醬, 鹹香提鮮, 魚質彈滑, 鱔皮爽滑。
【蒜蓉豆豉蒸鰻魚】HK$118
蒜蓉豆豉嘅味道比起普寧豆醬味道濃郁一點, 鮮香惹味, 蒸煮過嘅魚質同樣彈滑, 鱔皮爽滑。
【家常豬蹄凍】HK$68
冷盤豬蹄凍入口清新, 一咬慢慢溶化, 口感稍有層次, 配上微辣醬料, 清爽惹味。
【鹵水豆腐】HK$58
豆腐鹵得入味, 內裡豆腐口感滑, 整件入口鹹甜美味。
【閩南五香卷】HK$68
表層薄薄腐皮炸得金黃鬆脆, 包住了豬肉餡料, 帶有肉汁, 散發著陣陣肉香, 美味香口。
【福建海鮮鹵麵】HK$118
湯汁黏滑易掛湯, 麵線盡吸湯汁, 口感軟滑, 啖啖鮮味, 配有豆卜、多款海鮮, 包括蜆、蟶子仔、蝦等等....豐富份量多, 岩哂同朋友share食。
