影片
更多
2011-11-24
180 瀏覽
前幾日看到雜誌介紹這間新舖, 於是訂左枱同幾位朋友一起食飯.晚上7:30, 因為一早BOOK了位, 所以即刻有得入座. 環顧四周, 近入口處皆是卡位, 每個可坐4人; 店舖中間是可隨意組合的長枱(方形枱組成), 靠牆的是梳化, 外邊是可移動的椅子(我地一行五人就係坐這裡); 再往內看就是幾張圓枱, 各可坐6人左右; 而旁邊好像有間PRIVATE ROOM(因為最後見到有人從裡面出來). 我覺得這店的裝修同陳設較傳統的烤鴨店TRENDY(當然, 現在北京很多烤鴨店的裝潢已較以前漂亮多了, 例如: 大董), 但如果係4人以上用餐, 我覺得還是圓枱較方枱適宜, 比較易於用餐及傾偈. 唔想諗太多, 於是叫了一個4人的淮揚晚市套餐($688), 內容係~1) 四個涼菜~ 名叫淮揚四秀, 包括醬油蘑菇, 醬蘿蔔, 水晶肴肉, 同埋一個用魚肉整的水晶肉(註: 忘了名字! ). 四個涼菜中, 除了水昌肴肉較常吃到外, 其他三個都幾特別, 尤其是醬油蘑菇, 一上枱時我地仲以為為雞鴨的腎或肝, 嘻嘻! 而醬蘿蔔就辣辣地, 很開胃. 最後的魚肉水晶肉則很清新. 2) 應該是最後上菜的點心"上官花素蒸餃"竟然
晚上7:30, 因為一早BOOK了位, 所以即刻有得入座. 環顧四周, 近入口處皆是卡位, 每個可坐4人; 店舖中間是可隨意組合的長枱(方形枱組成), 靠牆的是梳化, 外邊是可移動的椅子(我地一行五人就係坐這裡); 再往內看就是幾張圓枱, 各可坐6人左右; 而旁邊好像有間PRIVATE ROOM(因為最後見到有人從裡面出來). 我覺得這店的裝修同陳設較傳統的烤鴨店TRENDY(當然, 現在北京很多烤鴨店的裝潢已較以前漂亮多了, 例如: 大董), 但如果係4人以上用餐, 我覺得還是圓枱較方枱適宜, 比較易於用餐及傾偈.
唔想諗太多, 於是叫了一個4人的淮揚晚市套餐($688), 內容係~
1) 四個涼菜~ 名叫淮揚四秀, 包括醬油蘑菇, 醬蘿蔔, 水晶肴肉, 同埋一個用魚肉整的水晶肉(註: 忘了名字! ). 四個涼菜中, 除了水昌肴肉較常吃到外, 其他三個都幾特別, 尤其是醬油蘑菇, 一上枱時我地仲以為為雞鴨的腎或肝, 嘻嘻! 而醬蘿蔔就辣辣地, 很開胃. 最後的魚肉水晶肉則很清新.
2) 應該是最後上菜的點心"上官花素蒸餃"竟然隨四個涼菜之後上枱! 但因為我地都有點餓了, 所以都唔計較啦 ~ 速速terminate佢! 也忘了拍照!3) 金肘花膠燉津白, 即係金華火腿燉花膠及津白的湯. 位上. 每盅都有一件魚膠, 雖然燉得唔夠淋, 但都算抵食. (又唔記影相呀!)
4) 大都烤鴨半隻 ~ 幾好味, 不油膩, 除左脆脆的外皮外, 塾底的是一塊塊的鴨肉. 我覺得這道菜很接近我以前在北京吃過的烤鴨, 即係身型不大, 細過一張A4 紙 (你知啦, 香港整的烤鴨通常較大隻!), 而且又唔羶. 配合附上的青瓜絲, 紫蘿蔔絲, 蔥絲, 哈密瓜絲及海鮮醬, 以餅皮包裹著, 幾啖就KO左佢,
5) 靈芝菇炒尖魚球 ~ 濃味的烤鴨後, 就上這道教清淡的菜, 可以中和下. 友人點出這道菜的魚片很特別, 看來係由很細小的魚仔片出來的魚柳, 很精緻!
6) 大紅三杯烤鴨架 ~ 即係以類似三杯雞的方式去燒鴨件, 以沙煲上. 較惹味的一道菜!
另外加了兩個餸~
1) 龍井玫瑰蝦仁(好似係$12x) ~ 味道OK, 但以價錢來看, 它的份量也著實小了一點!
2) 蝴蝶餅京烤肉($80幾蚊) ~ 中間的烤肉好似係薄薄的腩片, 味道不錯, 只是有點乾. 配上蝴蝶餅同吃.
甜品叫了一道"驢打滾", 賣相OK, 味道也只是OK而已.
總結而言, 我認為此處的烤鴨味道不錯, 可以一試再試; 其他的菜色也頗精緻及特別, 只是散叫的菜的份量較小, 較適合三數知己共嘗, 否則就要叫多幾個餸了. 而服務方面, 侍應的態度是有禮及OK的, 只是侍應的人數不多, 很多時我地要等一陣才有人幫我地加茶水.最後, 用了FB的九折後(即變相免加一), 埋單為$992.
張貼
