大都烤鴨 (已結業)

平日下午一點幾諗住同太太小朋友walk in 食午飯.  見冇咩人而門口又寫住2pm 前有七折 (因之前都walk in 過來食都係有折).   點知埋單時係正價, 我問佢佢就話係要訂座先有折 (但我walk in 入來唔洗等位而你又唔講清楚).    感覺被騙.   如果你地滿座而我冇定位我都可以接受, 但你鋪頭冇咩人, 我入來前你告知我一聲我都冇問題.   只能夠怪自己冇係你門口前邊打來訂檯...白白比多幾百蚊.  …查看更多

餐廳環境走現代中式風，低調又帶點高雅。餐廳以深色木質傢俱和暖黃燈光為主，搭配牆上的書法裝飾和玻璃隔間，感覺既時尚又不失傳統氣息。卡位設計寬敞舒適，適合小聚或家庭用餐。開放式廚房讓人能看到師傅片鴨的過程，增添了點互動樂趣。食物方面，大都烤鴨的北京填鴨是招牌，表現穩健。半隻烤鴨皮脆肉嫩，鴨皮烤得金黃，脂肪被處理得乾淨，吃起來不油膩。配料有青瓜絲、蜜瓜絲、紫蘿蔔絲和京蔥，搭配薄軟的荷葉餅和甜麵醬，口感清爽均衡。淮揚灌湯小籠包是另一亮點，皮薄湯汁足，肉餡鮮甜，咬一口湯汁在口中綻放，很滿足。試了松子魚，魚肉炸得酥脆，甜酸醬汁中和了油膩，松子的香氣是點睛之筆。整體來說，大都烤鴨的環境和食物都讓人感到舒適，適合想吃一頓精緻北京菜的朋友。…查看更多

睇到有片皮鴨同小籠包，又見得獎熱店，諗住難食極有個譜，點知d鴨係乾柴但有陣油味，仲要完全係唔熱，其他菜式都係唔夠熱，個小籠包食既時候怕入面d湯汁會辣親，但一咬落去，發覺自己真係太睇得起佢😢仲有個酸辣湯，無酸無辣我都唔緊要，但奇怪左佢有瑤柱同蝦仁係入面，但可以一d鮮味都無，合味道入面塊魷魚都有味過佢😓仲叫左個炒萵筍絲，無任何料炒，但有陣燶味，可能呢d係京滬彩特色？但我真係食唔到🥲食完呢餐飯，係就算唔飽都無哂胃口，夜晚訓覺都打鼓😂…查看更多

好耐冇去過大都烤鴨，今日晏晝同老婆兩個人食lunch，老婆想食片皮鴨，見到有個二人餐$328，仲有好多款菜式俾你選擇，追加片皮鴨仲有優惠，二話不說，就點咗呢個餐再加半隻片皮鴨，片皮鴨有水準好味，包鴨嗰層餅，好薄，老婆食到舔舔脷😋，我就鍾意食黑醋骨，黃魚羹，老婆鍾意食辣，點左宮保雞丁俾佢，不得不提下呢度嘅灌湯小籠包👍正，超好味，小弟推介（小龍包，片皮鴨，黑醋骨，宮保雞丁）…查看更多

一入間鋪 覺得裝飾好娘下 坐低覺得有少少唔太好聞既味道點知片皮鴨勁難食 有一半d皮係好un 肉勁深色又梅。。似隔夜。。後面加工鴨肉鞋都預左 如果隔夜都接受多d 但片皮都咁既肉質真係唔得囉 不可一不可再 晒錢…查看更多

早前假日即興去尖東睇燈飾，經過k11黎間大都烤鴨一於試一試，全店都係卡位，坐得好舒服～叫左半隻片皮鴨，肥瘦適中，肉嫩香口。再來推介的是年糕紅燒肉，紅燒肉炆得好淋食，加上甜甜的紅燒汁，很開胃🤤…查看更多

烤鴨被譽為「中華第一吃」 更係御膳珍品添✨呢間滬菜館深得家中兩老喜愛 決定嚟試一試👅.📌烤北京填鴨 $298/半隻嚴選北京嫩鴨 皮好脆 肉質軟嫩帶點韌勁 連住少少脂肪 甘香唔油膩🦆用左果木燻烤 淡淡木香炭燒味🪵🔥荷葉餅好Q軟 包埋紫蘿蔔, 蜜瓜, 青瓜, 京蔥, 砂糖同秘製醬汁 味道清爽 層次豐富🫔.📌二崧炒鴨末 $98/2位呢到竟然有鴨架八吃‼️免治鴨肉碎好惹味 伴以香蔥同松子仁 更香口🦆揀左芝麻燒餅 烤至金黃酥脆 乾身唔油 平衡鴨肉味道 一啖食超滿足🙌🏻.📌淮揚灌湯小籠包(2隻起) $20每隻小籠包皮唔會太厚 夾起又唔易穿🤍新鮮蒸起 熱辣辣 咬開爆湯汁🍲肉餡飽滿軟嫩 豬甘鮮味濃香🐷.📌黑松露小籠包(2隻起) $32每隻肉餡加入黑松露 上枱已經聞到濃郁菇菌香 同豬鮮味好夾🍄‍🟫.📌清炒香菌小棠菜 $128小棠菜鮮綠爽脆 加埋大量雜菌 真係清炒 唔重口味🥬🍄‍🟫…查看更多

今天得閑去了尖沙咀的k11，商場內人頭湧湧，充滿節日氣氛。約了朋友在大都烤鴨午餐，餐廳環境同坐位尚算舒適。坐低首先叫了兩個前菜，第一個是星形的水晶牛肉，十分特色，另一個是之前在香港沒有食過的燻鱼，燻魚似我喜愛食嘅生炒骨，皮脆咬落去又有魚肉鮮味，味道十足。再來是小籠包，小籠包實在做得不錯，外觀已見薄皮內滿滿的濃湯。片皮鸭這一味來得皮脆肉嫩，可以講贏得掌聲，明乎其實招牌菜。小黃魚煎得皮脆肉滑，恰到好處。冬瓜蛋白亦十分特色。幾個人叫了兩個麵，第一個黃魚麵，湯底鮮甜，另外的雞肉煨面味道亦不錯。甜品两個更值得推薦，驢打滾完全似好好食嘅糯米糍，佢嘅糯米皮薄薄，甜味適中。最後嘅高力豆沙亦十分美味，可以再食多幾次。這一間以烤鴨為名的餐廳其實其他食物都值得推薦，可以留在香港唔使北上食烤鴨了。…查看更多

阿媽好少坐車外出 。難得佢肯出城，同佢食最愛的片皮鴨第一次去大都烤鴨 。鴨片批走肥糕食物精緻 ，味道好好，尖沙咀遊客區，假日中午時間餐牌價竟然有八折，留港消費今次忘記叫甜點 ，下次一定要試吓…查看更多

其實已經喺OpenRice訂位㗎啦，我都唔係好明點解佢仲係話我係收接待，我都想🥲由於小朋友超級鍾意食片皮鴨，爸爸生日都專登搵間食片皮鴨嘅餐廳同爸爸慶祝生日。呢間餐廳呢已經食過第二次啦，今次喺OpenRice度訂位好簡單，其實你邊諗到平日都係full House，好彩有訂位咋。爸爸就食過好多次，佢話呢間係尖沙咀嚟講呢係保持好好嘅水準啦，咁我哋對上食過一次都覺得好不錯的。所以今次決定encore 🥰我今次試咗佢個二人餐，有頭盤有片皮鴨有嗰個燉鴨湯羹，有炒四季豆，有醬爆蝦球，仲有小籠包同埋甜品埋單都係$800，係幾抵食！仍然要講吓啦，佢個片皮鴨係好高質嘅，個包皮熱辣辣仲有好多配菜俾我哋揀，小朋友仲要食到舔舔脷添，不過呢今次我哋食過鴨湯羹呢就冇之前咁濃味，呢個呢就要complain 下😆不過總括嚟講啦，其實都好好味😛…查看更多

環境唔錯，餸菜就很快上曬，呢樣好唔好就真係見仁見智啦，服務都很好，點了幾個菜，有北京填鴨、醉雞、鍋貼、小籠包還有荷葉飯，當然最好食嘅就梗係北京填鴨啦，下次要再試下其他菜式。…查看更多

職員服務態度佳，每次上座離席都換枱布，感覺衛生，食物精緻但好味，生煎包皮薄 餡靚，酸魚脆嫩可口，牛柳也炒得嫩易入口，素春卷的皮很薄，而且很脆，豆漿小甜亦濃郁，環境寧靜，很舒適的午餐。…查看更多

大都只是有其名冇其實的食店,身處遊客區,此店食物只可食一次而不可再，幾十元一碗酸辣湯連最基本蝦仁和肚絲也沒有。义子只是加工廠叫貨加熱上枱，填鴨更是讓人洩氣，味道只可說勉強，鴨肉無味織維粗，鴨肉不是片皮，只是用一些沒刀工的員工，像燒臘店般切将骨肉分離，可惜切肉不連皮，只是將切開了的肉放上碟，再將鴨皮蓋上已切好的鴨肉上，一客主打菜也如此製作，其它菜式也不用多說。這裡有新派簡潔裝修，用著優質食具，三流偽殷勤的服務，四流食物質素卻一流收費，還要限時享用，在這年代人人只影幾張相，隨便寫幾就自認是食家的年代，只是追求可打咭就是美食，卻無視食物的製作和味道，真材實料的食店卻被這些欺世盜名的店子所淘汰，劣幣驅逐良幣時代，那些唯利飮食集團，為收益媒體，對食物無知的食家，讓美食推上飲食業沉淪之路。…查看更多

正正常常叫左個二人餐，滿心歡喜黎食烤鴨，點知d野食係咁上， 食都食唔切，最後d野食凍哂，片皮鴨都變冷盤，成枱野食侍應都係亂擺，全部放哂左邊，要自己執位先可以再食，未食哂主菜連甜品都上埋，我忍唔住同呀姐講話：我野都未食完點解上甜品？經理同個呀姐都黑口黑面，食到成肚氣，甜品都冇食就走，仲要我比10%服務費比錢買難受我見其他人評價都有講服務態度差好後悔冇睇食評就入左黎食服務真係極度差，一定一定唔會再黎呀！…查看更多

叫咗個兩人套餐，嘢食一般 主要係凍晒 每個菜都想得太快 成枱都係嘢食唔切 明明甜品寫明叫上，未食完菜就已經放定叉同埋碟 成枱嘢食凍晒 服務質素極差 留喺度傾多陣偈都唔得 極度負評同失望 臨尾仲要開行冷氣等啲人食快啲 千祈唔好去食 套餐有片皮鴨片皮鴨肉質好差 皮又唔多 配菜都唔夾仲有一個鴨肉元貝湯羹 似水，胡椒粉蓋過味道四季豆逐粒極少 乾水重油 極度難食炒蝦球 得嗰陣老抽味極重 甜味配搭完全不能接受好似食緊老抽浸鮮蝦仲有啲前菜都係好細碟擺明唔係做生意嘅啲服務員都係西口西面 俾錢買難受…查看更多