影片
更多
2022-08-19
376 瀏覽
難得平日放假同男友嚟到大圍小館飲早茶，裝修前嚟過食晚飯已經覺得佢好高質，今次就嚟試試佢嘅點心質素，果然冇令我地失望。貴為米芝蓮推介餐廳佢嘅點心當然要佢有獨特之處，質素高不在話下，呢度有老式點心好似豬潤燒賣咁，我地兩個就唔好呢樣，叫返啲平時會食嘅點心但同樣有驚喜。烘焙醬茄子：平時食開都係日式冷盤，呢度竟然係熱食，油泡過嘅茄子色澤亮麗，加埋惹味嘅芝麻醬又邪惡又好食。赤玉燒賣：見到大大粒冬菇喺面就覺得好吸引，內餡都係菇味為主嘅，調味適中，感覺俾平時肉類為主嘅燒賣清淡啲～灌湯餃：餃皮掐得好靚，店員建議我地連埋個鋼剷擺入碗度先食，因為皮真係好薄，喺咁多湯汁嘅情況下好難安全夾起😂😂😂好鍾意佢嘅湯汁味道好鮮，內餡又有好多蝦肉好足料。甜梅菜叉燒腸：大圍小館特別之處就係隨處可見嘅叉燒腸都玩到啲變化出嚟，加咗甜梅菜味道更有層次，推介～蝦餃：餃皮薄得嚟又唔會穿，加上蝦肉彈牙，高質～金銀蛋莧菜餃：創意點心，將平時嘅家常菜釀入餃皮，幾特別千層糕：有超多鹹蛋黃，男友好鍾意食裝修前所有枱之間都用膠簾間隔，安全係安全但都有壓逼感；裝修後轉咗用木框透明屏風，襯返個裝修之餘亦感覺安心～
貴為米芝蓮推介餐廳佢嘅點心當然要佢有獨特之處，質素高不在話下，呢度有老式點心好似豬潤燒賣咁，我地兩個就唔好呢樣，叫返啲平時會食嘅點心但同樣有驚喜。
烘焙醬茄子：平時食開都係日式冷盤，呢度竟然係熱食，油泡過嘅茄子色澤亮麗，加埋惹味嘅芝麻醬又邪惡又好食。
赤玉燒賣：見到大大粒冬菇喺面就覺得好吸引，內餡都係菇味為主嘅，調味適中，感覺俾平時肉類為主嘅燒賣清淡啲～
灌湯餃：餃皮掐得好靚，店員建議我地連埋個鋼剷擺入碗度先食，因為皮真係好薄，喺咁多湯汁嘅情況下好難安全夾起😂😂😂好鍾意佢嘅湯汁味道好鮮，內餡又有好多蝦肉好足料。
甜梅菜叉燒腸：大圍小館特別之處就係隨處可見嘅叉燒腸都玩到啲變化出嚟，加咗甜梅菜味道更有層次，推介～
蝦餃：餃皮薄得嚟又唔會穿，加上蝦肉彈牙，高質～
金銀蛋莧菜餃：創意點心，將平時嘅家常菜釀入餃皮，幾特別
千層糕：有超多鹹蛋黃，男友好鍾意食
裝修前所有枱之間都用膠簾間隔，安全係安全但都有壓逼感；裝修後轉咗用木框透明屏風，襯返個裝修之餘亦感覺安心～
張貼
