宴 尖沙咀

發現到呢間餐廳有唔同嘅放題套餐，其中最抵食嘅係松餐放題，價錢合理又可以任食和牛同松葉蟹，真係好抵。松葉蟹鮮味十足嘅松野蟹腳，唔單止有好多蟹肉，味道仲好鮮甜，重點係可以無限任食，淨係食松葉蟹都已經好滿足。三點刺身拼盤未開始食肉之前嚟啲刺身爽一爽口，每款刺身都好新鮮，食落去好軟嫩，冇腥味，反而有少少海水鮮味，真係精挑細選嘅食材。醬油湯拼豬骨湯拼鍋湯底可以一次過食到兩種特別熬製嘅美味湯汁，一邊係鹹香十足嘅醬油湯，另一邊係豬肉香味嘅豬骨濃湯，兩邊都散發住濃郁嘅香味。時令野菜拼盤將所有野菜放入鍋中，唔單止令野菜吸收湯汁精華而變得好好食，仲可以令到野菜嘅清甜味同湯汁融合，令成鍋湯嘅味道更加豐富。特上宮崎和牛比其他和牛仲好食嘅宮崎和牛，佢嘅特點係肉質好緊實，食落去口感好滑，牛味好濃，入口即溶，一點都唔油膩，係一種奢華嘅享受。日本雞肉保留住雞肉原本嘅鮮味，食落去味道濃郁，好有咬口，係日本料理中不可或缺嘅食材。日本豚肉肉質特別鬆化，甚至同和牛一樣入口即溶，冇豬肉嘅腥味，反而散發住香香嘅豬肉味，保證食完會愛上嘅肉類。