The Market

聽人講The Market好好食，重叫我一定要去試吓，個幾月前訂咗位同老公興祝生日。俗語有云: "希望越大、失望越大"，期待已久的自助餐，款式可以，但不外如事，質素一般，不值這個價錢。可能D朋友好早期去食，新開張水準可能會真係好高都唔定。但係我食完這餐自助餐，感覺就像被騙。環境 ~ 迫、迫、迫......，基本上可以話隔離枱講咩我都聽哂。牛扒、羊架賣相唔太吸引，味道一般、好韌。龍蝦可以媲美牛扒，夠哂煙韌。龍蝦湯好好味，好味到好似罐頭湯。馬肉刺身好特別，但口感就試一次就.......一試無妨。日式刺身都係嗰幾款，無特別，新鮮度可以，帶子刺身算係最好食。印度菜叫做最有水準，咖哩汁、薄餅都好味，羊肉同雞都唔老。咖啡味道唔係我杯茶，唔好飲。最大驚喜，有原隻火龍果、奇異果供應。總括來說，試一次就夠，如果未試，可以不試。