幸屋

營業中

休息中

灣仔呢間日式拉麵嘅小店，之前幫襯過一次，印象中佢嘅拉麵相當唔錯，價錢亦都合理，今次經過又入去幫襯下。黑蒜濃厚山藥豚骨拉麵（$88）- 點餐時可按照自己口味，選擇粗幼、軟硬度、湯底濃淡等等。黑蒜湯底非常濃郁，充滿黑蒜香味、豚肉肥瘦適中，配以溏心蛋、椰菜同雲耳等，味道好正。醬燒牛肉丼（$93）- 牛肉味香濃，質素唔錯。同樣配以糖心蛋同椰菜，丼飯份量足夠，唔食拉麵嘅朋友另一個選擇。蟹籽沙律 - 份量非常之多，青瓜絲、蟹柳同蟹籽，好清新開胃嘅前菜選擇。炸魷魚鬚 - 魷魚鬚炸得香脆可口，點買沙律醬食，非常惹味嘅一個小食。小店裝潢走日本居酒屋風，店員親切友善，食物質素高，價錢亦合理。