影片
更多
2024-08-12
488 瀏覽
八月份，除咗係學生放暑假外，亦係好多人外出放假嘅高峰期。亦因為咁，相約接手信嘅飯局亦增加咗唔少。既然有手信收，當然要接收工及訂定位。 呢間泰菜店係網上話係打咭店全店以柔和米色配粉紅色為主，有別於傳統黃色裝飾，似間西餐廳多D。呢度提供多款特色飲品，每杯出品都可以用黎打咭。我要咗呢杯斑蘭椰奶 ($48)，滿滿嘅椰香味，同斑蘭真係好夾，超好飲。友人則偏愛生果類，呢杯芒果沙冰 ($58)相當夠睇頭，飲到天然芒果味，唔係一味死甜，偶爾食到少少芒果肉，超解渴。炎熱天氣，想食個開胃沙律，呢個大蝦柚子沙律 ($108)就相當適合啦。以大量柚子肉配埋爽脆生菜絲，再加幾隻爽口蝦隻，淋上微辣酸汁，咁嘅組合點會唔開胃呀?!侍應先上小火爐，就知海鮮冬蔭公湯 ($268)將要出場。成煲橙紅色，未熱前已經聞到冬蔭公香味，成餐都可以飲到熱湯。入口偏濃味道，辣度都頗勁; 有蝦隻及青口作為海鮮代表，亦有大量菇類，幾足料。叫個幸福感滿滿名字嘅泰火福袋($108)，接福袋囉。其實係生菜包。免治豬肉粒以惹味醬汁再加入豆角粒一齊炒，加咗少少辣椒有D辣度，用生菜包埋一齊食，似”福袋”外型，生菜與豬肉碎嘅混合，一淡一濃平衡晒。加點
呢間泰菜店係網上話係打咭店
全店以柔和米色配粉紅色為主，有別於傳統黃色裝飾，似間西餐廳多D。
呢度提供多款特色飲品，每杯出品都可以用黎打咭。我要咗呢杯斑蘭椰奶 ($48)，滿滿嘅椰香味，同斑蘭真係好夾，超好飲。
友人則偏愛生果類，呢杯芒果沙冰 ($58)相當夠睇頭，飲到天然芒果味，唔係一味死甜，偶爾食到少少芒果肉，超解渴。
炎熱天氣，想食個開胃沙律，呢個大蝦柚子沙律 ($108)就相當適合啦。以大量柚子肉配埋爽脆生菜絲，再加幾隻爽口蝦隻，淋上微辣酸汁，咁嘅組合點會唔開胃呀?!
侍應先上小火爐，就知海鮮冬蔭公湯 ($268)將要出場。成煲橙紅色，未熱前已經聞到冬蔭公香味，成餐都可以飲到熱湯。
入口偏濃味道，辣度都頗勁; 有蝦隻及青口作為海鮮代表，亦有大量菇類，幾足料。
叫個幸福感滿滿名字嘅泰火福袋($108)，接福袋囉。其實係生菜包。
免治豬肉粒以惹味醬汁再加入豆角粒一齊炒，加咗少少辣椒有D辣度，用生菜包埋一齊食，似”福袋”外型，生菜與豬肉碎嘅混合，一淡一濃平衡晒。
加點澱粉質，點了豬頸肉炒金邊粉 ($138)，份量對眼，豬頸肉舖係金邊粉上，碟邊有齊糖/花生粒/辣椒碎，可以加埋落金邊粉一齊食。燒香嘅豬頸肉可點另上嘅酸汁，中和佢嘅膩度。
白色嘅椰汁糕就食得多，呢客咁靚嘅彩虹椰汁糕 ($50)都係第一次見同食，仲寫幾隻字，用黎做生日甜品都應該得。 煙韌口感，甜度適中，今次真係食彩虹嗒彩虹。
張貼
