影片
更多
2016-07-15
2545 瀏覽
坐低先各隊三杯功夫茶消消滯又開開胃，套餐跟以往一樣無改喎，那麼一切依舊，改少少試下新野先 ﹗招牌潮州翅，真材實料又大手筆，翅針裝到滿滿的 ﹗老雞上湯鮮甜致極、濃郁香甜無比，不能跟其他酒樓生粉水相題並論 ﹗暫時係唯一一間我唔會落醋撈黎食架乍，絕對要原汁原味，否則就好浪費喇。不過硬係覺得比上次食頭圍 18:30 份量小左非常之多，少左一半呢。滷水鵝片，招牌滷水汁，幾十年陳年滷水香甜芳香，厚薄適中，咸味不嗆而帶鮮，食完又唔會口乾。鵝片質地滿意，有趙口而微彈，雖則有點乾但滑而不鞋，唔錯唔錯。到現時為止食過最滑最多汁既鵝片唔係金燕島，而係大埔潮州冷小炒囉。方魚炒玉蘭，比上次差好多倍呢，失望。鑊氣欠奉，微暖靜蠅蠅送上。整碟水份較多，炒得不夠乾爽。方魚偏咸而且硬屈屈，都無浸透喎，炒既時間及火喉不足，方魚油脂咸香未能釋放，芥蘭還芥蘭、方魚還方魚。芥蘭就非常滿意，鮮嫩爽甜好新鮮，好好食。清蒸海斑，係青斑黎喎，一斤左右最好食。野生海斑肉質特別結實彈牙，魚油豐富，鮮魚味極濃。超水準蒸得剛好，九成九熟而骨帶粉紅半透明，技巧超高，美味極致 ﹗啖啖肉，魚肚膠膠滑滑，魚肉又嫩滑，好味道。潮州炒麵，未食過梗要試試啦
招牌潮州翅，真材實料又大手筆，翅針裝到滿滿的 ﹗老雞上湯鮮甜致極、濃郁香甜無比，不能跟其他酒樓生粉水相題並論 ﹗暫時係唯一一間我唔會落醋撈黎食架乍，絕對要原汁原味，否則就好浪費喇。不過硬係覺得比上次食頭圍 18:30 份量小左非常之多，少左一半呢。
滷水鵝片，招牌滷水汁，幾十年陳年滷水香甜芳香，厚薄適中，咸味不嗆而帶鮮，食完又唔會口乾。鵝片質地滿意，有趙口而微彈，雖則有點乾但滑而不鞋，唔錯唔錯。到現時為止食過最滑最多汁既鵝片唔係金燕島，而係大埔潮州冷小炒囉。
方魚炒玉蘭，比上次差好多倍呢，失望。鑊氣欠奉，微暖靜蠅蠅送上。整碟水份較多，炒得不夠乾爽。方魚偏咸而且硬屈屈，都無浸透喎，炒既時間及火喉不足，方魚油脂咸香未能釋放，芥蘭還芥蘭、方魚還方魚。芥蘭就非常滿意，鮮嫩爽甜好新鮮，好好食。
清蒸海斑，係青斑黎喎，一斤左右最好食。野生海斑肉質特別結實彈牙，魚油豐富，鮮魚味極濃。超水準蒸得剛好，九成九熟而骨帶粉紅半透明，技巧超高，美味極致 ﹗啖啖肉，魚肚膠膠滑滑，魚肉又嫩滑，好味道。
潮州炒麵，未食過梗要試試啦 ﹗上次試左勁好味勁香既欖角炒飯，但潮州炒麵有點強差人意咯。炒麵配料有蝦球、冬菇，炒得香口，沒什麼特別的炒麵。麵質有點似伊麵，比伊麵更嚥韌，但最大問題係咸左少少。我不太受得咸，但朋友仔就覺得咸度還可以。
杏汁燉官燕，我都唔想不停跟上次比較，但真係質數下滑。我硬係覺得份量少左非常多，而且上次食頭圍既燕窩有焗過好乾身，但點解今次水汪汪呢？因剛才都食得好濃味，而杏汁官燕偏淡口，所以要落大量杏汁撈混，再耐心地慢慢答，食左四五口後，就會食到杏汁啖啖既清香喇。雖然份量少左，幸好都依依好好味 ﹗
水晶飽，外層黏黏而嚥韌，豆沙餡清甜不過份，試一隻夠晒，太飽食唔落喇。果盤西瓜併木瓜，開心既時間好快過，又係時候講 bye bye 喇 ﹗食返幾件生果清清味蕾。上次食 18:30 每道菜都好食到拍爛手掌，覺得超值 ﹗不過今晚食第二輪 20:30 真係十分失望，差左好多呢。
功夫茶
68 瀏覽
0 讚好
0 留言
招牌潮州翅
85 瀏覽
1 讚好
0 留言
滷水鵝片
67 瀏覽
0 讚好
0 留言
方魚炒玉蘭
47 瀏覽
0 讚好
0 留言
清蒸海斑
73 瀏覽
0 讚好
0 留言
潮州炒麵
54 瀏覽
0 讚好
0 留言
杏汁燉官燕
32 瀏覽
0 讚好
0 留言
杏汁燉官燕
43 瀏覽
0 讚好
0 留言
水晶飽
56 瀏覽
0 讚好
0 留言
果盤西瓜併木瓜
50 瀏覽
0 讚好
0 留言
張貼
