青花 (THE FOREST)

好耐冇出旺角，喺Openrice 搵到一間泰菜仲有幾多好評，一於book枱就試下。「青花」位於The forest 1樓，ATUM集團的餐廳，裝修簡約，店內燈光柔和，感覺寫意，喺偽大自然氣氛下品嚐清新泰國菜，暫時遠離旺角鬧市。我們一行三人6pm黎到入座, 當時未坐滿人只有幾枱客，我們見窗口有位要求窗口位，但被職員拒絕。🍴馬薩拉香料牛肉咖喱🐮$128咖哩醬汁偏向似沙嗲汁多D，偏甜，有幾塊牛肉，有很多薯仔蓮藕，味道唔錯🍴油酥手抓薄餅 $52有3片，主要叫手抓餅，配咖喱牛肉醬汁食一流🍴炭燒豬肉串燒沙嗲🐷 $76串燒有6串，豬肉比較乾，配沙嗲醬屬正常水準🍴馬拉盞炒芥蘭 🥬 $78炒菜算大碟，馬拉盞炒菜幾惹味🍴芒果蟹肉沙律🥗 $118沙律菜唔新鮮，芒果比較酸，而且蟹肉真係用要用放大鏡先搵到👎🏻🥄白冬陰功南薑椰奶雞湯（小） $86原來冇冬陰功味，只係椰奶同埋幾塊煎雞，D煎雞件大件又鞋，麻麻地餐廳上菜速度好快，所以D餸菜亦都好快凍晒。職員唔會主動斟水，要叫兩次才俾，坐到70分鐘就催你埋單走，餐廳可以用膳90分鐘。如果要再幫襯希望職員態度有改善。