Poking

今日去左上環呢間新開張既多國菜Poking。餐廳可以由客人自由組合自己既丼，米飯、配料、醬汁，份量唔夠仲可以額外追加，配合唔同客人口味。招牌鹽蔥鰻魚蘭王蛋丼：鰻魚肉厚身，帶自然魚油香，沒有碎骨，魚皮位燒得香口，壽司米黏度高，口感夠軟糯，加了酸酸甜甜的壽司醋份外美味，鋪滿紫菜、芝麻、蘭王溫泉蛋及醬汁，加埋餐廳自家製鹽蔥醬，撈飯一流。另一款Signature bowls~Creamy Baby：配料有三文魚、雞蛋絲、牛油果、飛魚子、青瓜、豆腐、芝麻碎、脆炸蒜粒、木魚絲配芥辣沙律醬；賣相色彩繽紛、好吸引眼球。三文魚切成粒狀，新鮮肥美，青瓜牛油果高纖開胃，蛋絲豆腐營養豐富，炸蒜粒同飛魚子一樣咁爽脆，芥辣沙律醬加上三文魚，簡直係絕配。總結，食物新鮮又好味，而且份量十足，價錢合理，下次要再嚟製作自選丼。