影片
更多
2024-04-15
30 瀏覽
.📍#1908bc British Chinese最近好多好消息，今日同朋友嚟到呢間裝修好華麗嘅餐廳慶祝一下，呢到用高貴嘅綠色作為主顏色，而且天花板嘅吊燈好特別，有室內同戶外嘅座位，各有情調，員工有過黎介紹每一道菜特別之處，俾人好舒服嘅感覺，之後就介紹吓呢個餐牌:🔷Emperor Tasting Menu $680/1人🔷🍽️海鮮羮前菜係海鮮羹，飲完好暖胃，而且都幾足料㗎，有蝦仁粒、帶子粒、豆腐粒、蘑菇片，菜心片、甘筍片，口感豐富同埋好清甜，係健康嘅感覺。🍽️芝麻蝦多士＋陳醋蜂蜜排骨＋脆皮素春卷炸蝦多士好香，入面有一層蝦滑，食落淡淡蝦肉，而且面頭嘅蝦都幾大隻。呢個陳醋蜂蜜排骨好食，小小脆炸得來唔會太熱氣，醬汁調製嘅甜酸度剛剛好，肥瘦均勻。脆皮春卷係熱辣辣嘅，餡料都幾多。🍽️蒜蓉粉絲蒸扇貝比起平時街市買到嘅size更加大隻，仲好厚身，炸過嘅蒜蓉令到帶子更香口，好好食！🍽️棒棒吉列蝦刈包用中式蒸籠裝住嘅刈包，估唔到入面係吉列炸蝦餅，配搭上廚師精心調製嘅他他醬，帶點辣味，十分有心思。🍽️乾燒薑汁鱈魚&脆皮燒牛肋骨配炒飯鱈魚比想像中驚艷，面頭加少少蒲燒醬汁，10分嫩滑。紅酒炆牛肋骨就食得多，脆皮燒就未食
📍#1908bc British Chinese
最近好多好消息，今日同朋友嚟到呢間裝修好華麗嘅餐廳慶祝一下，呢到用高貴嘅綠色作為主顏色，而且天花板嘅吊燈好特別，有室內同戶外嘅座位，各有情調，員工有過黎介紹每一道菜特別之處，俾人好舒服嘅感覺，之後就介紹吓呢個餐牌:
🔷Emperor Tasting Menu $680/1人🔷
🍽️海鮮羮
前菜係海鮮羹，飲完好暖胃，而且都幾足料㗎，有蝦仁粒、帶子粒、豆腐粒、蘑菇片，菜心片、甘筍片，口感豐富同埋好清甜，係健康嘅感覺。
🍽️芝麻蝦多士＋陳醋蜂蜜排骨＋脆皮素春卷
炸蝦多士好香，入面有一層蝦滑，食落淡淡蝦肉，而且面頭嘅蝦都幾大隻。
呢個陳醋蜂蜜排骨好食，小小脆炸得來唔會太熱氣，醬汁調製嘅甜酸度剛剛好，肥瘦均勻。
脆皮春卷係熱辣辣嘅，餡料都幾多。
🍽️蒜蓉粉絲蒸扇貝
比起平時街市買到嘅size更加大隻，仲好厚身，炸過嘅蒜蓉令到帶子更香口，好好食！
🍽️棒棒吉列蝦刈包
用中式蒸籠裝住嘅刈包，估唔到入面係吉列炸蝦餅，配搭上廚師精心調製嘅他他醬，帶點辣味，十分有心思。
🍽️乾燒薑汁鱈魚&脆皮燒牛肋骨配炒飯
鱈魚比想像中驚艷，面頭加少少蒲燒醬汁，10分嫩滑。
紅酒炆牛肋骨就食得多，脆皮燒就未食過，脆炸得來唔會好厚粉，外脆內軟，肉質亦都唔會太乾柴，都係比較腍身嘅，唔錯嘅配搭。
炒蛋飯夠鑊氣，粒粒分明好乾身。
🍰芝士蛋糕
被耽誤嘅芝士蛋糕，芝士好鬆軟，食落唔會好肥膩，或者飽飽濟濟嘅感覺，而且個餅底仲有少少脆脆的，新鮮製造。
🍰朱古力慕絲蛋糕
用上特濃朱古力，令到蛋糕更有層次，甘甜同時唔會好漏。
🍸The Spice Girl $125
以綠色辣椒為主調嘅Cocktail，飲落帶點辣，但係唔會太嗆喉，都幾特別。
🍸The One with the Strawberry $125
香香嘅士多啤梨味，帶有有少少甘甜的Cocktail，適合女士們飲。
張貼
