六安居

營業中

休息中

喺上環海味舖附近有一間屹立咗好耐嘅茶樓，叫做六安居。門面已經能夠感受到佢嘅傳統老派氣勢，入到去嗰種濃烈嘅親切感令我更加喜歡呢個茶樓🤎是晚傍晚嚟到叫小炒食晚飯。餐牌有各式各樣嘅餸菜，款式非常之多，好彩有熱心嘅哥哥過嚟幫我哋推介一下💁🏽‍♂️今晚點咗呢啲小菜🤤🦐椒鹽海蝦（半斤）($138) 呢個係店裡哥哥介紹嘅必點小菜。海蝦食得出係新鮮，配上椒鹽嘅味，煎到非常入味，亦都食得出海蝦嘅鮮甜味，送飯一流🤌🏻🐽金錢雞 ($18/件)呢個可以當做前菜，用上叉燒，肥豬肉，雞肝，上面再加塊酸薑，店裡哥哥教要一啖擺入口，然後慢慢咀嚼佢嘅味道，喺口入邊可以食得出整個配搭嘅味道，然後喺口入邊慢慢品嚐。呢種傳統嘅味道應該只係係呢種懷舊式嘅茶樓先可以叫到🫶🏻🐮七味牛仔骨($118)重口味嘅就可以食牛仔骨，每啖都係滿滿嘅牛嘅精華👌🏻最鍾意就係食佢嘅黐住喺牛仔骨旁邊嘅筋，煙煙韌韌咁樣每啲黑椒汁，非常之惹味🔥🥬蒜蓉豆苗($138)再配上一個味道比較清新嘅蔬菜，最鍾意嘅都係食豆苗👍🏻🫖茶錢$8/位整體嚟講呢間係一間好出色嘅茶樓，估唔到晚上小菜可以做得咁出色。見到佢午市嘅時候係做推車仔嘅點心，非常懷舊，一定要搵一次過嚟再試吓