六安居

營業中

休息中

推車仔點心已經買少見少，《六安居》一直好想嚟試，上到嚟先知原來環境咁狹窄（小心地下水煲！），又要自己搵位，不過嚟老店就係食風味同人情味，而點心方面，估唔到原來有咁多種類，甚至有隱藏版美食 - 鴨腿湯飯，真係要熟客先知道。點心真係多到數不勝數，蝦餃、豬肉燒賣、豬膶燒賣、豬肚燒賣、山竹牛肉、乾蒸燒賣、蒸鯪魚球、蜆芥鯪魚球、咖哩魷魚、鮮竹卷、棉花雞、雞扎、鴨腳扎、蠔油鴨掌、豉汁鳳爪、排骨、牛什、南乳豬手、蒸腸粉、煎腸粉、蒸蘿白糕、煎蘿白糕、盅仔飯、煲仔飯、咸菜豬肚湯、碗仔翅、蛋撻、沙翁、炸雲吞、炸春卷、蜂巢芋角、炸咸水角、煎堆仔、蝦多士、叉燒酥、芝麻糕、馬拉糕、雞球大包、叉燒包、臘腸卷、鹽水花甲、燒乳鴿、燒腩仔、金錢雞、喳咋、西米蓮蓉焗布甸……，我建議大家見到心儀食物就唔好猶疑，因為有啲食物唔會再出，除此之外，大家亦可以試試 “一盅” (即茶盅)，而家真係唔多茶樓有提供喇。蝦餃⭐️⭐️⭐️豬肚燒賣⭐️⭐️⭐️⭐️牛肉燒賣⭐️⭐️⭐️⭐️蒸鯪魚球⭐️⭐️⭐️⭐️炸雲吞⭐️⭐️⭐️⭐️蜂巢芋角⭐️⭐️⭐️⭐️蝦多士⭐️⭐️⭐️⭐️臘腸包⭐️⭐️⭐️燒腩仔⭐️⭐️⭐️總結：食物種類同味道有驚喜，所有接觸到的員工都有禮貌，期待下次再嚟體驗。 三人共消費：$394

以前返香港喺上環住，有時去蓮香居飲茶，點心都不錯，好耐冇去，疫情後轉名六安居，今日去上環辦事，好多點心都冇，買來買去都係嗰幾樣，冇乜選擇，食咗4個點心，質素十分不如理想，大部份都係老人家懷舊及國內遊客，唯一可取係D茶幾靚，要讚吓老伙記服務幾好虾餃皮乾争爭，虾冇乜鮮甜未，鮮竹卷味道差，有一件有少少硬嘅腐皮，豬肚燒賣唔知點解点心阿姐將佢翦碎哂，雞扎用淮山，但D雞肉唔靚地方又唔乾淨，朋友去女廁話市政大樓廁所乾淨過，希望管理階層可以多加留意，將一個歷史店舖好好延續下去

前身為蓮香居，如今易名為六安居，茶樓仍然保持昔日風格，依舊水滾茶靚，普洱熱辣辣，絕對能鮮掉點心的膩氣，樣樣都好，只是地板不太清潔！山竹牛肉是百分之百的牛肉，沒有馬蹄或芫荽之類，就是單一球純粹的牛肉加些喼汁放入口裡，做就了懷舊的味道！腐皮索盡湯汁的鮮竹卷，啖啖精華湯汁，卷裡的豬肉肉汁無限，雖未去到頂峯的級數，但這份古早味卻已令人回味不已！主點鳳爪排骨飯，不論鳳爪還是排骨都好腍，排骨更是有肥有脂香，吮骨一流！加點豉油，回憶剎完全回歸！必搶熱話蓮蓉西米布甸，手快有手慢無！廚房一出，小人二話不說即奪也！老實說，真的超甜超負荷，完全勾起老派的感覺。若果不介意環境的話，六安居依然是一處舊式飲茶的好去處。

垃圾茶樓，伙記態度惡劣！環境又差，衛生情況有待改善。除左主賣舊情懷，毫無特別之處。枱與枱之間又迫，坐又坐得唔舒服。空氣質素敢差，好鬼焗。叫伙記執枱，幾世都未執好！食物又唔特別，

上次行海味街經過呢間酒樓，已經bookmark咗，之後有報道介紹呢間酒樓啲點心係自家製，所以就去試吓差唔多九點半左右到，排隊搭升降機上，見到有二樓三樓，唔知㩒邊層好，有位先生話兩層都得，二樓多嘢食出先之後先上三樓，我哋二樓出自己搵位嘅，行完一圈都冇位，侍應叔叔話上三樓啦。唯有行樓梯上一層，終於有位冇耐姐姐推點心車嚟啦，好多遊客見到點心車就行去睇吓有咩點心，好熱鬧柴魚花生粥～嘩！有卜卜脆㗎好夠熱，味道都唔錯。雞扎～好香雞油味，入面有雞件冬菇同魚肚咖喱魷魚～咖喱香唔係好辣，魷魚唔韌魚翅餃～好耐冇食過，入面有粉絲蔬菜絲好爽口山竹牛肉～好軟身冇馬蹄粒同冇筋平時我同媽咪都係食四樣點心，唔知係咪氣氛帶動下加上食物夠熱，已經叫咗五樣，媽咪仲想叫腸粉，我話已經好飽啦，下次再嚟食過啦！

「六安居」前身為「蓮香居」，舊式茶樓有滿滿懷舊氣氛，店員及老食客充滿人情味。午餐時段人潮亦比較多，而且整個茶樓都是大小圓檯，所以和別人搭檯是在所難免的。樓面可以看到兩台點心車走來走去，基本上他們每一檯都會逛到，想食甚麼可以直接問點心阿姨，或者看到有喜歡的可以直接點。鮮蝦餃作為港式點心代表之一，其味道口感可以說還不錯。蝦餃皮彈性十足，蝦肉飽滿，爽口彈牙。干蒸燒賣燒賣用料不是十足，一般來說燒賣分為三層，這粒燒賣頂層並沒有蟹籽、下層的鮮蝦以及香菇肉餡，口感味道不過不失。蜜汁叉燒包稍微外露的蜜汁叉燒內餡夠甜，外面包子皮不是乾的，有一點濕濕的。鴨腳札這個點心真的挺飽，腐皮裡面有鴨腳、雞肉、芋頭，口感豐富。五香牛雜牛雜份量偏少，但五香滷水入味，可以蓋過內臟腥味，牛雜炆腍身仍有保留咬口，可惜雜件切得太碎，影響整體口感。食至中途更發現內𥚃有根疑似人體毛髮，那份就沒有再食了，食物衞生需要多加改善。燒味部看起來很吸引，但香港實在有太多好味道的燒味店了，對茶樓的燒味興趣不大，專注一點食點心更好。不過我們這才兩個人，戰鬥力比較弱，只點了五籠點心，值得一讚是普洱茶好喝夠茶香，食物整體來說我覺得一般，而且缺點就是

知道香港地方小 沒想到又小又髒又無服務還這麼多人去 首先自己找位子 沒有排隊 沒有寫號 沒有領位 自己就去裡面轉啊轉 站在別人沒吃完飯的旁邊等才有 乖乖在角落站著那就永遠沒座⋯地板髒 桌子髒 碗筷好似沒洗過 黏糊糊⋯吃飯旁邊就是垃圾桶，還有倒掉的食物⋯空氣污濁，臭氣熏天，完全不曉得為什麼要來這裡受害⋯也許就圖個便宜吧買單時發現不收加一，因為其實真的沒有任何服務⋯再也不會再去沒去過的也不必嘗試再便宜也要人均一二百，沒必要花錢買罪

有親戚喺外國返嚟，所以特登帶佢哋去蓮香居飲茶，知道蓮香居嘅班底改咗名做六安居。六安居其實就近西營盤多啲，但經上環站沿着海味街一路直行，買完海味順便去飲茶啱啱好。舊式傳統茶樓嘅特色就係推車仔，新鮮滾熱辣，見到咁多選擇每樣都想試！有啲比較少喺一般茶樓見到嘅特色點心，例如炸芋仔、鮮豬膶燒賣、牛孖筋，仲有用荷葉包住超大個嘅糯米雞，真材實料！I specifically wanted to take Relatives from abroad to Lin Heung Tea House for dim sum yet I found out that the team at Lin Heung has changed their name to Liu An Ju. Liu An Ju is actually closer to Sai Ying Pun MTR but if you walk along Hai Mei Street from Sheung Wan Station, you can buy dried seafood and then conveniently stop he

没想到藏在上环还有爷爷辈的早式茶楼进来就把我拉到了70年的广东拖车的茶楼现在是少之又少啦还好H K把这一份味道留了下来不要说00后..今天带着20后的妹妹来也是十分震惊🙂‍↕️父辈们反而进来想要掉眼泪「好似爺爺以前帶我嚟嘅街市」「個味都唔同」🥢虾饺大粒的虾仁🍤软糯糯的皮可以和服务员说要碟酱油但它本身的味道就🈵赞🥢凤爪来茶楼的必点呀！裹🈵的酱汁🈵🈵快溢出来了咸甜口味。吃着很软糯一嗦就脱骨

很多香港本地人都喜欢来这里喝早茶 🤓在这里没有扫码点餐，阿姐会推着点心车！带上盖章纸 然后选好再盖章就可以啦！每一车都像开盲盒一样哈哈！✨腐皮卷腐皮卷是用豆皮包裹着虾肉香菇等馅料蒸制而成口感软嫩 是香港特色点心✨芝麻糕冰冰凉凉的口感非常细腻入口即化 芝麻的香气十分浓郁✨沙琪玛酥松绵软其独特的风味和口感不会太腻 奶香奶香的chao好吃😋

🔖欖菜肉崧四季豆 HKD108超級大碟，真係有排食，而且好足料，肉碎非常多，而且欖菜味道夠惹味，令整碟菜都好香，調味上又唔會太重，唔會有太重手、太鹹嘅問題，用嚟送飯可以話係絕配🔖西檸雞 HKD118醬汁幾杰身，雞塊好容易沾上醬汁，而且味道夠酸及香，令味道更鮮明突出。而主角炸雞塊一啲都唔老唔杰，仍保持嫩滑，而且炸漿一啲都唔厚，炸得非常香脆，亦唔會好重味，喧賓奪主🔖乾炒黑椒牛柳絲烏冬 HKD148好有鑊氣、香口嘅炒烏冬，黑椒味香濃，非常惹味。而且牛柳份量多，肉質嫩滑，一咬即斷，肉味亦出，整體好好味。而且非常大碟，嗌一碟炒烏冬已經夠2-3人食了🔖蜜汁叉燒 HKD128叉燒好靚，一上菜就已經知呢碟叉燒不得了。叉燒燒得勁香，燶邊脆口，即使嗌咗瘦叉，肉質照樣軟腍，冇筋唔柴，非常好食。而且蜜汁非常香甜且鹹口，配搭叉燒一絕

【港島傳統懷舊茶樓—六安居🫖】邊個話飲茶一定要晏晝飲？搵到啱feel嘅夜晚飲一樣！上環嘅六安居係碩果僅存嘅懷舊茶居，即使係平日夜晚一樣咁多人，茶樓嘅員工亦都好好服務，經常過嚟幫手斟茶收嘢👍🏻茶樓有多款懷舊同特色小菜選擇，價錢亦相對抵食！🔶金菇瑤柱扒時蔬以新鮮的金菇和瑤柱為主料，餐廳都好足料！搭配西蘭花🥦和清淡的調味汁，讓整道菜品既健康又開胃。🔷三杯汁雞煲惹味雞煲！醬汁微辣，使得雞肉吸收了濃郁的味道，以砂煲的方式煮沸讓雞肉更加鮮嫩，搭配白飯一起食用，風味更佳。🔶XO醬爆黑豚肉肉質鮮嫩，使用XO醬，帶有微辣和甜味，而搭配西芹則有中和的作用，讓黑豚肉更多層次。#Laglag美食推介#foodielagblah中菜#foodielagblah上環📍：六安居 (上環)上環德輔道西40-50號2-3樓..........#六安居 #懷舊茶樓 #上環美食 #港式飲茶 #中菜 #美食推介 #夜晚飲茶 #茶樓 #香港美食 #食在香港 #美味小菜 #金菇瑤柱 #三杯汁雞 #XO醬爆黑豚肉 #食客推薦 #食物攝影 #foodie #foodlover

琴日終於有機會去到傳說中嘅六安居，其實以前就成日去蓮香居食早茶，一直念念不忘😋後嚟先知佢重新裝修仲改埋名做六安居😯但好在原班人馬都喺度，味道都冇變，梗系即刻叫埋老友一齊去打卡啦！！✨一入去，就好似穿越返去老香港嘅茶樓。裝修雖然新咗，但依然保留咗好多復古嘅元素，比如嗰啲木製嘅桌椅、牆上嘅老香港街景畫，每一個細節都充滿住懷舊嘅味道👀。店入面坐滿咗本地嘅阿公阿婆，佢哋悠閒噉坐喺度，一口茶🍵、一籠點心🥟，成個場面煙火氣十足，真系好有 feel，感覺時間都慢咗落嚟~⏳呢度嘅點心依然保持住傳統嘅🛒手推車形式，超有特色！阿姨推住d點心車仔喺枱同枱之間行來行去，如果見到心水嘅直接截停阿姨就可以直接落單，超方便！纸單蓋章嘅方式都好有儀式感，就好似將傳統嘅茶文化一筆一筆印落心入面！📝每樣點心都好值得一試，真系傳承咗老香港茶樓嘅精髓！去呢度食嘢一定要注意，因為人實在太多啦，所以要守實張枱等位！唔好唔記得燙碗筷啊，呢個可系老港嘅傳統，做咗先有嗰種地道嘅感覺啊嘛~😻😻

今晚黎到屋企附近食dinner🤩之前黎飲過茶食點心，今次第一次過嚟食晚餐😎環境係有舊香港嘅味道，仲有雀籠做裝飾🤙🏽小菜價錢親民，每樣大概百幾蚊就食到，今次我哋叫咗兩個小菜😎豉汁蒸鱔：每次我去中菜館如果有蒸鱔我都會叫，今次呢個蒸鱔肉質爽，證明好新鮮😻食完好滿足，如果大家鍾意食蒸鱔一定要過嚟試吓😎梅菜蒸肉餅：呢個菜式雖然簡單，但係要整得好味都唔係咁易，佢嘅味道啱啱好，傳統味道😎👍👍

嚟到呢間舊式茶樓食晚飯，無論係裝潢定係氣氛都彷彿好似回到80年代的樣子，叫咗幾道菜都感受到師傅嘅好手勢。椒鹽鮮魷椒鹽鮮魷是一道經典美食，以鮮嫩的魷魚搭配香酥的椒鹽調味，帶來了一種獨特的風味體驗。每一口都充滿了鹹香和微辣的滋味，搭配著脆口的魷魚，令人回味無窮。蟹肉桂花炒魚肚蟹肉桂花炒魚肚是一道豐富多彩的菜品，結合了鮮美的蟹肉和魚肚，再以碎蛋烹炒而成。這道菜色澤誘人，口感鮮嫩，帶有微微魚肚香味和蟹肉的鮮甜，絕對是一道令人難忘的美食佳餚。蜜椒脆鱔球蜜椒脆鱔球是一道口感酥脆、甜辣適中的美食。鱔魚肉質細嫩，外皮炸至金黃酥脆，裹上甜甜的蜜糖和微微的黑椒，帶來了一種獨特的風味組合。每一口都是香脆多汁，給人一種愉悅的美食享受。