江蘇銘悅

營業中

休息中

趁媽媽放假同佢去飲茶，試左呢間上環既隱世高質江蘇菜。餐廳裝修奢華精緻，私隱度十足，野食味道好正宗，侍應服務態度仲要幾周到😆⁂⁂⁂午市套餐⁂⁂⁂❀江揚三小碟❀水晶肴肉肉質細嫩，有陣陣陳醋鹹香味；溏心蛋蛋汁好濃；醉雞用上梅酒製成，食落甜甜地。❀金腿雲吞雞湯❀奶白色雞湯配上軟腍津白菜好好味，裡面有大大粒雲吞+金華火腿粒粒，雞肉係雞胸肉，但都唔乾。❀河蝦仁雞頭米❀雞頭米即係茨實，係江蘇特產之一，食落好有咬口，同爽脆既蝦仁都幾夾。❀京燒鱈魚片❀鱈魚片大塊兼冇骨，味道酸酸甜甜又滑溜。❀金盞牛柳粒鍋巴卷❀鍋巴卷形狀飲甜筒咁，食落卜卜脆又唔油膩，牛柳粒細細粒鹹鹹地，用手食別有一番風味。❀黑白蒜上湯浸時蔬❀D菜鮮甜又嫩綠，食完濃味野食下清清地既菜，浪一浪個口都幾好。❀招牌小籠包❀小籠包個皮好薄，望落透透地咁，豬肉餡多鮮美，個湯汁夠哂熱，好開心冇整穿，一人兩隻岩岩好。❀是日甜品❀紅豆沙個紅豆煮到好爛，每碗有2大粒芝麻湯圓，味道唔太甜，食到好飽好滿足。