影片
更多
2023-10-21
1165 瀏覽
FRITES@皇后大道中152號之前都一直想試吓呢間好有歐陸風情裝修嘅比利時餐廳，今次終於搵到朋友同我一齊試吓。Frites喺香港有好多間唔同嘅分店，今次我哋就去咗上環嘅分店。餐廳嘅內外裝修都幾舒服同華麗，內裏嘅燈光比較偏暗，有種燭光晚餐嘅氣氛。大長嘅木製餐枱，超高嘅樓底同精緻的彩繪玻璃窗，仿照比利時傳統啤酒屋嘅設計。餐廳既空間感好強，就算坐滿曬人周圍嘅聲浪都唔算太嘈，最適合就係收工後同朋友過嚟傾偈chill下。食物嚟講最出名嘅一定係佢哋嘅薯條同青口，每逢星期一5點後佢都會有個任食時段。不過可惜朋友唔食得海鮮，我哋今日就主打是試其他嘢：🍝香蒜橄欖油意大利麵用橄欖油加香蒜炒既意粉，簡簡單單又不失佢獨特嘅風味。意粉上面會少少有辣椒碎，所以會有少少辣，配埋濃濃嘅香蒜味，食落特別惹味。🍟薯條配蛋黃醬薯條算係其中一個出色嘅賣點，啱啱炸起新鮮熱辣又脆卜卜，非常好食。配埋佢個蛋黃醬，食落更加有滋味。而且佢個份量非常充足，我哋兩個人都食唔晒一碟薯條。🍤蝦肉蟹肉球呢個都係一個唔錯嘅前菜，將蟹肉同蝦肉泥混埋一齊搓成球狀再拎去炸，口感同味道都一流，再配埋佢提供嘅蛋黃醬，幾好味。不過要我一個人食曬成碟，非常飽
之前都一直想試吓呢間好有歐陸風情裝修嘅比利時餐廳，今次終於搵到朋友同我一齊試吓。Frites喺香港有好多間唔同嘅分店，今次我哋就去咗上環嘅分店。
餐廳嘅內外裝修都幾舒服同華麗，內裏嘅燈光比較偏暗，有種燭光晚餐嘅氣氛。大長嘅木製餐枱，超高嘅樓底同精緻的彩繪玻璃窗，仿照比利時傳統啤酒屋嘅設計。餐廳既空間感好強，就算坐滿曬人周圍嘅聲浪都唔算太嘈，最適合就係收工後同朋友過嚟傾偈chill下。
食物嚟講最出名嘅一定係佢哋嘅薯條同青口，每逢星期一5點後佢都會有個任食時段。不過可惜朋友唔食得海鮮，我哋今日就主打是試其他嘢：
🍝香蒜橄欖油意大利麵
用橄欖油加香蒜炒既意粉，簡簡單單又不失佢獨特嘅風味。意粉上面會少少有辣椒碎，所以會有少少辣，配埋濃濃嘅香蒜味，食落特別惹味。
🍟薯條配蛋黃醬
薯條算係其中一個出色嘅賣點，啱啱炸起新鮮熱辣又脆卜卜，非常好食。配埋佢個蛋黃醬，食落更加有滋味。而且佢個份量非常充足，我哋兩個人都食唔晒一碟薯條。
🍤蝦肉蟹肉球
呢個都係一個唔錯嘅前菜，將蟹肉同蝦肉泥混埋一齊搓成球狀再拎去炸，口感同味道都一流，再配埋佢提供嘅蛋黃醬，幾好味。不過要我一個人食曬成碟，非常飽。
🍗自家製特色燒春雞
因為都想食吓啲肉，我哋就叫咗個燒春雞。同樣係非常份量充足，配埋個檸檬汁一齊食非常開胃。不過火候掌握上可以做得好啲，隻雞食落略嫌肉質老咗少少。
🧇Waffle Bomb Alaska!.
雖然食到飽，但我哋都堅持叫埋個甜品。個甜品黎到嘅時候我哋俾佢震撼到~成座山咁高嘅蛋白堆起個窩夫，打卡一流！因為係蛋白，食落都唔算太甜，唔會太膩入唔到口。
薯條配蛋香醬&香蒜橄欖油意大利麵&蟹肉蝦肉球
30 瀏覽
0 讚好
0 留言
自家製特色燒春雞
42 瀏覽
0 讚好
0 留言
Waffle Bomb Alaska
45 瀏覽
0 讚好
0 留言
張貼
