無敵家

營業中

休息中

上環比人嘅感覺好復古，有好多舊式嘅靚建築物，藏身係其中嘅餐廳都各具特色。而今日同朋友打算上環中環一日遊，就決定先由豐富午餐開始﹗地點好近上環地鐵站，過兩條馬路已經到了，大門已經係好靚嘅日式感覺，而入面裝修更加有日本嘅風味。假期都有午市定食，種類超多，而後面果頁仲有拉麵揀。每個餐都包埋白飯、野菜沙津、漬物、味噌湯。我就揀咗芝士漢堡蛋包飯，而朋友就叫咗鰻魚蛋包飯。落單之後就聞到好香嘅嘢食味，再等多一陣就已經送到上枱了。蛋包飯望落都好飽滿，漢堡好香口好惹味，肉質好厚實。兩款蛋包飯嘅汁都唔同，芝士漢堡蛋包飯係燒汁而鰻魚蛋包飯係白汁，兩種味道都同蛋包飯好夾，汁比較濃味，撈埋飯食就啱啱好啦﹗味噌湯入面都好多料。