無敵家

假日同朋友相聚dinner, 去了上環呢間門面很有日系感嘅居酒屋, 餐廳分上下兩層, 裝修簡潔, 很有日本地道特色。【無敵家招牌沙律】$98份量十足, 沙律菜新鮮清爽, 配搭粟米、青瓜、蕃茄、黃桃等等…額外自行加上酸酸甜甜醬汁, 清新開胃。【味醂雞泡魚干】$78雞泡魚干近似魷魚絲, 唔會太乾太硬, 甜甜地, 點沙律醬食, 味道更加提升。【免治雞肉軟骨棒】$58餐廳自家制, 表面燒得焦香, 雞肉棒有豐富鮮甜肉汁, 內有軟骨碎, 食落有層次, 再點埋蛋黃汁時, 增添黏滑感。【牛柳串】$78肉味濃郁有咬口感, 沾蛋汁食, 多一點黏滑。【厚切牛舌】$58選用牛舌芯, 烤後依然keep到肉汁, 爽口彈牙, 大愛!!【豚肉荔枝卷】$42微微燒焦嘅豚肉片卷住了多汁清甜嘅荔枝, 整個入口, 荔枝汁平衡了豚肉僅餘嘅膩。【日本蕃薯】$35蕃薯連皮燒, keep到原汁原味, 甜甜地, 幾好食。【叉燒拉麵】$90叉燒大大塊厚薄適中, 肥瘦均勻, 湯底係由豬骨淆成, 真材實料, 濃郁味美, 浸滿湯汁的拉麵入口仍然QQ彈牙。…查看更多

一向都鍾意食日式居酒屋，今次同朋友去到上環嘅居酒屋度食飯，周圍環境好有日式風格，幾特別串燒日本年糕 $28日本蕃薯 $35魷魚一夜干 $48叫咗3串食物，分別係日本年糕、蕃薯同埋魷魚。日本年糕用紫菜包裹住，口感煙韌。蕃薯有2舊，口感結實。燒魷魚彈牙爽口，切斷方便食用西京銀鱈魚 $218銀鱈魚一整片上枱，燒得外焦內嫩，魚肉鮮香，質素唔錯， 加埋側邊嘅蛋黃醬一齊食會更加清爽，亦更能突顯銀鱈魚嘅風味三文魚燒飯團 $45明太子燒飯團 $45叫咗兩款燒飯團，一款係三文魚，而另一款係明太子，燒飯團將材料加入飯內，每一啖都充滿鮮味，唔會乾爭爭免治雞肉軟骨棒 $58 叫咗免治雞肉軟骨棒，側邊有生蛋黃汁加豉油，雞肉軟骨棒質地軟淋，加入軟骨增添口感，配搭生蛋黃醬更滋味日式咖喱脆骨 $68叫咗一款小食，係日式咖哩脆骨，用上雞胸軟骨，包裹上炸粉，表面仲灑咗啲咖哩粉，外脆內軟，口感香脆惹味…查看更多

琴晚同朋友嚟到「無敵家」，一踏入店內，濃濃嘅日式居酒屋氛圍已經讓人感覺好似置身於日本！樓梯旁嘅壁畫好有味道，聽講係老闆親手繪製，誠意十足。店員服務態度親切友善，令人放鬆。原來呢間本店已經開咗16年，難怪成日都咁有人氣。我哋兩個人叫咗一枱嘢食，最驚艷一定係焦糖燒菠蘿，超多汁！一咬落去，香甜嘅菠蘿汁瞬間爆出，完美平衡咗表面焦糖嘅微脆同焦香，絕對係必點之選。海鮮方面，清酒忌廉煮南青口同生蠔煙肉卷都非常出色，但切記一定要趁熱食！南青口嘅鮮甜同清酒忌廉汁好夾，而生蠔卷住煙肉一齊燒，鹹香惹味。如果放涼咗，風味同口感就會大打折扣。另外，日本嘅綠色白果口感煙韌，帶淡淡甘香，好得意。其他串燒如厚切牛舌同豚肉荔枝卷都水準之上。食到咁上下，一定要試吓佢哋自家釀製嘅梅酒，酸甜順喉，同串燒係絕配。整體而言，「無敵家」無論係食物、環境定服務都令人滿意，係一間會令人想再三回味嘅居酒屋！…查看更多

係上環放工想飲番兩杯無敵家居酒屋🏮就啱晒餐廳裝潢以木系為主調的傳統和式風格牆上掛滿日式海報和清酒杯擺設主打串燒、烤物、炸物和特色料理都有🔸筑前味噌煮燉煮料理，將雞肉、蓮藕、紅蘿蔔等食材用醬油、味醂等調味，一同長時間煨煮。蔬菜入味且保有本身的口感，香氣四溢，是一道溫暖人心的家常菜。🔸焦糖燒菠蘿燒菠蘿香甜多汁，淋上焦糖醬，就形成焦糖脆片，一定要encore！🔸免治雞肉軟骨棒微脆嘅外皮加上裏面爽脆有咬口嘅軟骨，塗上香甜嘅日式照燒汁， 再配上蛋黃汁，香甜滑溜，正！🔸厚切牛舌肉質鮮嫩，口感爽彈，搭配煙烤的香氣，令人垂涎欲滴！🔸紐西蘭羊架以猛火將羊架兩面煎至微焦，能鎖住肉汁，香氣十足！🔸炒雜錦野菜野菜炒得爽脆，保持住原有味道，有椰菜、胡蘿蔔、多款菇菌！🔸魷魚一夜干經過一夜干之後，魷魚嘅質感明顯地比一般嘅鮮魷魚要緊緻結實，但又唔會好似魷魚乾咁過分乾硬，食落自然更加爽口，鮮味亦都更加突出，別具風味！🔸鹽燒白鱔外皮燒得好香脆，真正做到外脆內軟，調味唔算重手，仲食得出白鱔嘅鮮味！…查看更多

This menu at Mutekiya in Sheung Wan is a treasure trove of authentic Japanese izakaya fare. We began with the unique Salmon Head Cartilage (三文魚冰頭漬), a refreshing and crunchy marinated delight. The star, however, was the Snow Crab Roe Butter (松葉蟹甲羅燒配法包)—an irresistibly rich and creamy dip, perfectly savoured with crisp French bread.The grills were executed superbly; the Grilled Hokkaido Sanma (鹽燒北海道秋刀魚) was beautifully charred and flavourful, while the Thick-Cut Ox Tongue (厚切牛舌) was remarkably tender and juicy. A comforting Miso Grilled Rice Ball (串燒飯團) provided a satisfying carb element.With bold, high-quality dishes at these prices, Mutekiya is a must-visit for a genuine and memorable taste of Japan in the heart of Hong Kong.…查看更多