影片
更多
2018-05-04
109 瀏覽
瘋狂小面晚上同朋友2個女仔去呢間店食四川菜我地叫既食物如店名一樣咁瘋狂(如圖)介紹下D食物有幾瘋狂先!•瘋狂牛肉面• 另加魯蛋我係一個牛癲，極度嘗牛！呢個面有一個幾重口味既湯底，同棟起四川果度食係一樣味既！牛肉用左牛𦟌部分，跟埋個湯底一齊食！好麻囉～食上癮～記得攪勻先食，因為會愈食愈辣! 隻魯蛋就不過不失吧！成件事重點係個面，佢係用水面，做水面過程好麻煩，所以香港係好少面舖用水面既！係咩舖用成本自然高，面質要細嘗先會分到特別之處，係的確唔同一般既面，同湯底好夾嫁都～好四川丫！•蒸蛋•呢個蒸蛋就不得了！滑到你欲罷不能～唔係講笑...個蒸蛋上面仲有一堆仔既肉醬，少少麻咁啦！愈以為佢無驚喜，佢就愈有驚喜！•凍冰粉•本身見佢奇貌不揚唔多想試，但3款甜品之中只有佢係凍既，咁無計啦！硬食～點知～～～佢又勁好食！最最最重要係佢係用黎解辣既，佢會起你一落完單就上俾你，所以唔好投訴佢上甜品上得咁快喇！•瘋狂大腸面•湯底就已經介紹左！講下佢條大腸啦！好好食啊～原來四川人食大腸係會走腸入面既肥膏，所以呢度既大腸係無膏既，岩哂我心意！如果你都怕果Pat野的話，呢個面你走唔甩，必叫！呢間店仲有其他四川小食既，一
晚上同朋友2個女仔去呢間店食四川菜
我地叫既食物如店名一樣咁瘋狂(如圖)
介紹下D食物有幾瘋狂先!
•瘋狂牛肉面• 另加魯蛋
我係一個牛癲，極度嘗牛！呢個面有一個幾重口味既湯底，同棟起四川果度食係一樣味既！牛肉用左牛𦟌部分，跟埋個湯底一齊食！好麻囉～食上癮～記得攪勻先食，因為會愈食愈辣! 隻魯蛋就不過不失吧！成件事重點係個面，佢係用水面，做水面過程好麻煩，所以香港係好少面舖用水面既！係咩舖用成本自然高，面質要細嘗先會分到特別之處，係的確唔同一般既面，同湯底好夾嫁都～好四川丫！
•蒸蛋•
呢個蒸蛋就不得了！滑到你欲罷不能～唔係講笑...個蒸蛋上面仲有一堆仔既肉醬，少少麻咁啦！愈以為佢無驚喜，佢就愈有驚喜！
•凍冰粉•
本身見佢奇貌不揚唔多想試，但3款甜品之中只有佢係凍既，咁無計啦！硬食～點知～～～佢又勁好食！最最最重要係佢係用黎解辣既，佢會起你一落完單就上俾你，所以唔好投訴佢上甜品上得咁快喇！
•瘋狂大腸面•
湯底就已經介紹左！講下佢條大腸啦！好好食啊～原來四川人食大腸係會走腸入面既肥膏，所以呢度既大腸係無膏既，岩哂我心意！如果你都怕果Pat野的話，呢個面你走唔甩，必叫！
呢間店仲有其他四川小食既，一次試唔哂咁多！我亦見到好多熟客仔，店長話班熟客食完會叫佢一定要繼續堅持呢隻味，千萬唔好變。熱情既店長會撩下你傾計講下瘋狂小面既由來，同介紹四川菜既特色。因為好近蘭桂芳，所以都有唔少外國人黎食！
最後想講既係店長放左好多心機研究四川菜，佢唔係一個好食得辣既人，但佢堅持不停咁試味，佢仲話今日狂試酸辣粉試到漂哂冷汗。佢亦教識我地點樣去欣賞四川菜，原來佢起四川本店工作左一段時間，將最正宗既味道帶返黎！
今晚好似去左一趟四川之旅咁，學到好多冷知識！呵呵～加油啊瘋狂小面！
25 瀏覽
0 讚好
0 留言
瘋狂牛肉面加魯蛋
16 瀏覽
0 讚好
0 留言
蒸蛋
22 瀏覽
0 讚好
0 留言
蒜味青瓜
19 瀏覽
0 讚好
0 留言
張貼
