陸羽茶室

營業中

休息中

今日一心諗住帶媽媽去陸羽茶室飲茶，去到地下已經有人幫我哋開門，不過係直接上2樓，感覺上地下是招呼有錢人及熟客，階級觀念好重，唔緊要未試過都要試吓，茶錢每位$36，但只是一般貨色，點心，我哋叫咗四樣點心，包括蝦餃、豬膶燒賣、上湯煎粉果、同埋蛋黃麻蓉包，全部點心好快就上枱，擺明唔係即叫即蒸，而且全部都只係暖，並唔係熱辣辣, 大佬啊！一啲低價嘅酒樓啲點心都起碼係熱㗎啦，蝦餃皮厚蝦唔係用新鮮嘅，豬潤燒賣片豬潤仲鞋過地板，上湯煎粉果粉果塊皮，從未食過咁厚而且已經淋晒好難食，唔熱嘅麻蓉包真係好難食，個餡又硬！全部中伏，總括來講，食物質素極差，去超級市場買啲用微波爐叮嘅點心都好食過佢，招呼亦不見得好，環境亦冇想像中咁靚，呢個價錢，大把酒店可以食到！