影片
更多
2024-04-03
20 瀏覽
餐廳環境充滿日本居酒屋的感覺, 非常有feel~~朋友叫左冰菠蘿梳打, 我叫左烏龍茶清下口腔味道準備食好野~~~冰菠蘿梳打賣相非常吸引, 有一大條新鮮菠蘿佐以清爽既梳打水, 菠蘿食落都非常清甜juicy, 非常fresh~ 餐廳非常多選擇, 有選擇困難的我地都睇左一陣, 不過見價錢都唔算太貴, 於是我地叫左D刺身、串燒、鍋物share, 可以試多D野~首先上左明太子醬厚燒玉子, 玉子燒得厚得黎又滑, 聞落濃濃的蛋香味, 中間包左好多明太子, 玉子燒既甜夾埋明太子的咸香, 2者可以混合一齊令整體玉子燒的味道恰到好處。之後上左蟹味噌甲羅燒配多士、一串牛舌串燒及一串鹽燒雞翼, 成個蟹味噌甲羅燒燒得勁香, 一上既時候已經聞到好濃既蟹殼同蟹膏味! 蟹膏食落充滿咸香又順滑, 又唔會太膩。鹽燒雞翼外皮燒到乾身但係入面仍然保留到肉汁, 最令人驚喜係串牛舌, 咬開入面仲係pink pink色, 入口即溶, 肉質嫩滑!之後就開始上左個刺身拼盤, 大約有5款左右，包括三文魚，帆立貝，油甘魚，赤身，甜蝦，雕魚, 每款都非常新鮮，同時擺盤都非常靚, 將D刺身砌到花既形狀, 合曬少女心~特別要讚帆立貝同油甘魚,
朋友叫左冰菠蘿梳打, 我叫左烏龍茶清下口腔味道準備食好野~~~冰菠蘿梳打賣相非常吸引, 有一大條新鮮菠蘿佐以清爽既梳打水, 菠蘿食落都非常清甜juicy, 非常fresh~
餐廳非常多選擇, 有選擇困難的我地都睇左一陣, 不過見價錢都唔算太貴, 於是我地叫左D刺身、串燒、鍋物share, 可以試多D野~
首先上左明太子醬厚燒玉子, 玉子燒得厚得黎又滑, 聞落濃濃的蛋香味, 中間包左好多明太子, 玉子燒既甜夾埋明太子的咸香, 2者可以混合一齊令整體玉子燒的味道恰到好處。
之後上左蟹味噌甲羅燒配多士、一串牛舌串燒及一串鹽燒雞翼, 成個蟹味噌甲羅燒燒得勁香, 一上既時候已經聞到好濃既蟹殼同蟹膏味! 蟹膏食落充滿咸香又順滑, 又唔會太膩。鹽燒雞翼外皮燒到乾身但係入面仍然保留到肉汁, 最令人驚喜係串牛舌, 咬開入面仲係pink pink色, 入口即溶, 肉質嫩滑!
之後就開始上左個刺身拼盤, 大約有5款左右，包括三文魚，帆立貝，油甘魚，赤身，甜蝦，雕魚, 每款都非常新鮮，同時擺盤都非常靚, 將D刺身砌到花既形狀, 合曬少女心~特別要讚帆立貝同油甘魚, 前者鮮甜，後者甘香。
因為我地好奇咩係三文魚層層疊, 所以叫左黎試下, 原來就係6舊小卷上面鋪左好多塊三文魚, 再加芝士同千島醬。店員會即場用火槍燒溶表面的芝士同千島醬, 變左炙燒, 之後加D蔥花同蟹籽係上面, 就可以食用! 燒溶左的芝士千島醬加上肥美既三文魚, 入口濃濃濃的油脂香味!蟹籽為整體加左D脆卜卜的口感, 而蔥香又可以夾到D油脂味, 非常好食!
最後上埋個清酒煮生蠔, 生蠔有6隻, D生蠔都幾大隻, 有成隻手掌咁長, 絕對無HEA你, 一邊煮既時候, 酒香係咁飄出黎, 生蠔蠔味係算濃, 唔係creamy個隻, 反而係少少爽彈, 仲保留到海水的咸味, 非常新鮮。
總括黎講, 今餐無伏位, 食材新鮮同埋煮法日式得黎有時帶有少少fusion, 第日可以叫班朋友黎encore!!
張貼
