鳥華亭

營業中

休息中

近年越黎越多拉麵店主打雞白湯，係灣仔呢個唔太起眼既街角度，就有間好早已經開始專注雞白湯拉麵既小店✨🔸至極雞白湯拉麵有別於常見既豬骨湯底，湯底用雞骨雞肉等熬足火喉而成，呈奶白色既湯，感覺骨膠原精華都係晒裡面黎😳坊間其他既雞白湯好多時都會打泡係面，而呢度就冇咁做，面頭有片炸蓮藕片同露筍簡單點綴，風格相對比較平實，我幾欣賞👍雞白湯頗有厚度，揀左曲麵令佢更掛湯～湯底濃得黎唔會好咸好油膩，為左見碗底既小雞圖案我決定飲晒佢🙈整體都幾滿意呢碗拉麵，不過配料既慢煮雞肉覺得可以再改善下，雖然肉質唔柴，但食落冇味，有種可有可冇既感覺～