喫茶ちょうぼ

營業中

休息中

呢度差不多係我同家人嘅飯堂，間舖頭唔算好大，但裝修有心思，木系枱凳同暖色燈光，令人覺得幾舒服。食物🍽️蛋包明太子意粉 👍🏻蛋好滑，明太子意粉有明太子香味，唔會太鹹，味道啱啱好。微微嘅辣味令白汁加滑蛋都唔會Heavy。壽喜燒蛋包飯👍🏻牛肉幾嫩，壽喜燒汁嘅鹹同甜味平衡得幾好，加埋飯食好夾，而個蛋都係好滑。仲有新出嘅兒童餐，小朋友分別叫咗肉醬意粉，同燉牛肉飯。兩款嘅賣相都好精緻，除咗主菜，兒童餐仲有沙律、小食、蔬菜、水果同飲品，份量啱啱好。最欣賞佢嘅飲品係冷壓鮮橙汁，大人都覺得好飲。總括嚟講，呢間餐廳食咗幾年，水準一直保持到。餐廳環境舒服，食物質素每樣都唔錯，價錢都合理。帶小朋友出街食飯，呢間日式洋食屋更加係一個唔錯嘅選擇。