今日同老公去一田買嘢，買完都夠鐘食晚飯。之前黎過，每次經過呢間日式洋食店，都有好多人排隊。時間尚早，暫未有人排隊，我哋就即刻入去。餐廳日和式風格，木系設計，感覺優雅。環境乾淨整齊，坐位寬闊，幾舒服。呢期餐廳做緊蟹の祭典推廣，我哋就响蟹仔menu度揀左兩款主食同飲品，另外小食同甜品各一。軟殼蟹與濃厚蟹皇膏黃咖喱飯 (刨芝士）：咖喱味道偏甜，蟹膏有一絲絲真蟹肉，醬汁濃厚。軟殼蟹炸得酥脆，唔油膩，配飯幾惹味。另外刨芝士加強左整體口感，啱晒鐘意重口味嘅客人。蟹旨膏醬唐揚炸雞：炸雞外皮香脆，肉質嫩滑，juicy。蟹膏醬味濃，味道鹹香，同雞肉都幾夾，幾有特色。屋台風蒜香貝殼意粉：海鮮有青口同蜆，蒜香味較突出，意粉掛汁，整體味道唔錯。完熟南瓜濃香芝士蛋糕：蛋糕質地細滑，南瓜味自然，甜度適中。芝士味唔算太重，整體口感平衡，幾好。夏祭金魚梳打：打卡之選，飲品外觀吸引，金魚造型嘅軟糖幾得意。柿子香露：味道清甜，口感滑順清爽，去油膩啱晒。值得一提，而加做緊推廣《清涼一夏. 西瓜幸運祭》。即日起，消費滿$200，即可有夾西瓜機會！消費滿$400，就有2次機會。驚喜獎賞有三個，包括「原個西瓜飲一客」優惠券（即時享用，冰涼暢快！）、減壓西瓜 & 自選蛋包飯優惠券，最後係西瓜波 & 自選小食優惠券。…查看更多
