宴．鐡板燒 (亨環‧天后)

營業中

休息中

平時都有去天后站附近搵食，知道呢度多平民小食，但係估唔到呢度仲有咁高級嘅鐵板燒，都係朋友介紹先知有呢間餐廳。一入到嚟餐廳嘅裝修係好有日本風格，我哋好好彩安排咗起大廚對面，可以睇住佢整，一流嘅視覺體驗😍😍我叫咗佢哋嘅dinner set，基本上係樣樣驚喜，極大滿足。首先一上已經係一隻超大嘅蠔，問返原來係岩手縣嘅真蠔，鮮甜，充滿住海水味👍👍菜方便係靜岡縣嘅蕃茄，同埋鮟鱇魚肝配白松露，即係奢華又開胃🤣🤣唔記得仲有兩款刺身添，今日嘅刺身係棱子魚同埋中吞拿魚，兩樣都好新鮮🐟🐟到咗主菜鐵板燒，今日嘅肉類有四款，分別係虎蝦，帆立貝，香煎鵝肝，同埋美國牛柳，仲可以揀厚切定係薄切添🤤🤤 諗返起都好正呢度最特別嘅係，唔似一般嘅鐵板燒店，燒完直接放起個碟度，而係每一樣都會有伴碟，而伴菜都好好味，最啱就係打卡👍👍 味道簡直係一流啦。另外想提一提個炒飯，呢度嘅炒飯係用原粒嘅黑松露，而唔係用坊間一般用嘅黑松露醬，呢度仲有用黑松露油增加風味， 唔會太肥膩之外又好香。食埋個炒蔬菜同埋個湯，真係好滿足呀。佢哋仲有個抹茶布甸同埋黃豆蕨餅，真係食唔落添🤣🤣總括嚟講真係值得推介