炑

營業中

休息中

日本食過正宗高級天婦羅之後好懷念，估唔到香港水準都好高，粉漿有做到當地水平，炸起即食都完全唔油膩，有衝動帶屋企人黎encore。前菜擺盤好似幅畫咁，依次食陳皮梅、黑梅貝同金絲瓜，酸、爽、清，調味恰到好處。滑滑嘅茶碗蒸配滑滑嘅瀨尿蝦，鮮上加鮮，炸物之前用蒸蛋暖一暖胃唔錯。師傅喺面前即席炸天婦羅，但完全冇油煙味。 第一次食到白子天婦羅，原來好夾，好似食緊軟心朱古力咁係口入面化開，甘香濃郁。帆立貝好大粒，粉紅漸層色澤好誘人，幼滑鮮甜。蠔用紫菜包住更加酥脆，有半個手掌咁大，集合左唔同品種蠔嘅長處，大隻、軟滑、濃郁，唔會太熟，打破左我覺得生蠔好食過熟蠔嘅偏見。粟米同舞茸菇清爽新鮮。壽喜燒見到和牛拼盤嘅油花已經知正，尤其鐘意西冷，真係唔洗點咬已經滑左落喉嚨，甘香得黎有牛味，點埋自家製醃蛋黃好完美。 朋友比較鐘意肉眼同牛肩，肉味再濃啲，大大塊放入口好滿足。