影片
更多
2024-09-24
593 瀏覽
今年生日，去咗炑慶祝。炑主打日式傳統割烹，一個套餐既可以食到壽喜燒，又可以食天婦羅，啱晒鍾意樣樣都試試嘅我！餐廳係木系裝修，古典優雅，氛圍舒適。入面全部都係吧檯座位，可以近距離欣賞到師傅製作每一道料理嘅手藝。【前菜3品】北海道白粟米／靜岡陳皮水果茄／石川縣金絲瓜北海道白粟米好清甜，口感爽脆。金絲瓜切成絲，加咗一小片指天椒，清新之餘又帶少許辣勁，刺激味蕾。串茄新鮮香甜。【北海道瀨尿蝦蒸蛋】茶碗蒸好嫩滑，蛋香濃郁，瀨尿蝦口感彈牙，刨上柚子皮，更加帶出鮮味。之後就係天婦羅環節啦！除咗有常見嘅天婦羅汁配蘿蔔蓉，仲有自家製梅蘿蔔蓉，梅味香濃，解膩一流！【天婦羅季節海鮮3品】天婦羅炸漿全部都好薄脆，輕盈唔油膩。北海道草蝦外脆內彈牙，鮮味十足！蝦頭勁酥脆，加少少柚子鹽更有提鮮效果。江之島白魚用紫蘇葉包住再炸，口感豐富之餘仲有淡淡紫蘇葉獨有嘅芳香。沙薑蠔脆卜卜嘅紫菜包住炸沙薑蠔，淋上薑蓉汁，外脆內軟，多重口感。【日本野菜2品】愛知縣無花果天婦羅好好食！炸得香脆，內裡清甜，充滿果香。熊本縣赤茄子日本蔬果特別好食，味道好濃！然後就係【壽喜燒】環節啦！呢度供應十勝和牛，師傅好貼心咁安排我哋依次由西冷、肉眼、
餐廳係木系裝修，古典優雅，氛圍舒適。入面全部都係吧檯座位，可以近距離欣賞到師傅製作每一道料理嘅手藝。
【前菜3品】北海道白粟米／靜岡陳皮水果茄／石川縣金絲瓜
北海道白粟米好清甜，口感爽脆。金絲瓜切成絲，加咗一小片指天椒，清新之餘又帶少許辣勁，刺激味蕾。串茄新鮮香甜。
【北海道瀨尿蝦蒸蛋】
茶碗蒸好嫩滑，蛋香濃郁，瀨尿蝦口感彈牙，刨上柚子皮，更加帶出鮮味。
之後就係天婦羅環節啦！除咗有常見嘅天婦羅汁配蘿蔔蓉，仲有自家製梅蘿蔔蓉，梅味香濃，解膩一流！
【天婦羅季節海鮮3品】
天婦羅炸漿全部都好薄脆，輕盈唔油膩。
北海道草蝦
外脆內彈牙，鮮味十足！蝦頭勁酥脆，加少少柚子鹽更有提鮮效果。
江之島白魚
用紫蘇葉包住再炸，口感豐富之餘仲有淡淡紫蘇葉獨有嘅芳香。
沙薑蠔
脆卜卜嘅紫菜包住炸沙薑蠔，淋上薑蓉汁，外脆內軟，多重口感。
【日本野菜2品】
愛知縣無花果天婦羅
好好食！炸得香脆，內裡清甜，充滿果香。
熊本縣赤茄子
日本蔬果特別好食，味道好濃！
然後就係【壽喜燒】環節啦！
呢度供應十勝和牛，師傅好貼心咁安排我哋依次由西冷、肉眼、肩肉，淡味到濃味咁品嚐。我哋要3成熟，和牛油脂豐富，口感鮮嫩，入口即溶，係幸福嘅感覺！
另外仲有【日本野菜5品】－－絹豆腐、冬菇、甘筍花、淡路島洋蔥、葛粉絲。配搭牛骨熬製嘅壽喜燒湯底，濃郁惹味！
【北海道白米飯】
【大蜆清湯】
海鮮味濃
最後以軟糯煙靱嘅【黑糖蕨餅】作結，太美好啦！
張貼
