盈記四季養生麵館

營業中

休息中

和同事去食lunch，佢話今日天氣熱辣辣🥵🌡，唔想食飯，又想食啲養生啲嘅嘢🙄，我即刻諗到呢間 - 盈記四季養生麵館，反正我又未試過，就一於去試下啦😆。餐廳地方唔大，但坐得好舒服🥰，一啲都唔逼，而且環境仲要乾淨衛生😍。藥膳農場雞花膠米線 $88藥膳湯🍜又香又濃，味道甘甜，農場雞🐓肉質鮮嫩，一啲都唔嚡口🥰，花膠大大塊，米線份量又多，好抵食😋。藥膳墨魚春卷養生湯米線 $62墨魚春卷🦑爽口彈牙，入面仲有粒粒墨魚🦑，好好食😋；湯底同樣藥味濃郁，強烈推薦💯。益力多爆爆珠 跟餐+$18咬開爆爆珠，流出一種酸酸甜甜的味道🥰，同益力多異常地夾😋。柚子蜜(熱) 跟餐免費柚子蜜🍊味道唔錯，唔會太甜🥰。總括而言，養生湯全部冇味精，藥味又甘又甜，份量又足，健康得嚟又唔會淡口，真係一年四季都可以養生。