新新酒樓

營業中

休息中

我地上個禮拜去左佐敦嘅新新酒樓食晚飯，呢間酒樓係朋友介紹嘅，因為啲老人家好鍾意食中菜，所以我就特登搵左呢間酒樓嚟同佢地一齊食飯。呢度嘅菜式有好多野揀，大部份嘅中菜都有得揀。所以睇到我眼花撩亂，我就揀咗幾個小菜同埋個燉湯。呢一個湯好足料，好似有雞腳，豬肉同埋好多藥材。飲完仲可以減輕頭痛，去頭風，味道有好香濃嘅藥材味，但係一啲都唔難飲。可以睇得出個湯煲得好清，只係有少少油浮左係面頭，一啲都唔油膩。我哋仲叫咗個咕嚕肉，已經好少咕嚕肉會炸一個雲吞皮放喺底，雲吞皮炸得好香脆，咕嚕肉炒得好香，肥瘦適中，仲有買啲青椒同埋菠蘿，味道酸甜好開胃。