姚姚酸菜魚 (青衣城1)

營業中

休息中

心情不佳不想食野，早早約好朋友食酸菜魚，當然不爽約。店子以Tiffany Blue色調，令人感覺清新，讓我可歎一口氣。酸菜魚酸辣開胃，有套餐食係幾抵。麻辣小龍蝦 $288小龍蝦好多隻，剝殼食有點論盡，戴上手套一次過食比較方便。蝦殼有點淋，可能煮得太耐，蝦肉都好彈牙好入味，好多花椒麻辣的確惹味刺激。姚姚酸菜魚拼北京烤鴨 $338見隔離枱有人叫，望落幾吸引一於試試。套餐有烤鴨、酸菜魚和鴨架，感覺抵食。烤鴨半隻份量包到十件，皮脆肉嫩無咩肥膏，仲有件鴨肶好滿足。薄薄的餅皮包起鴨件加醬料非常美味。孜然椒鹽鴨架係用烤鴨切剩的部份，肉入味，辣辣地幾好食。酸菜魚大盤，有蠟燭助熱，湯底揀了免辣，但美味不減，依然酸辣開胃，一條鱸魚份量，魚肉薄片口感嫩滑，冇骨又唔腥。