影片
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
今次我地過左黎青衣城呢邊食飯，諗住係度食個飯先再入迪士尼玩，事關其實迪士尼都唔洗玩足全日，食完飯係青衣城行下都仲得，我地就揀左呢間食酸菜魚既餐廳食啦🐟呢間餐廳環境都幾闊，我地帶埋bb黎，餐廳都有bb凳提供，枱面有熱茶比客人自己加，食辣野都好易口渴，自己枱有成壺茶我覺得幾好👍🏻姚姚酸菜魚拼水煮魚（$308）呢間餐廳可以揀雙拼魚，仲可以自選調味，我地揀左少油少辣，好少酸菜魚有得咁樣，所以呢度既酸菜魚湯可以放心狂飲都唔怕油，而且佢少油少辣仍然保持到個味道，水煮魚方面雖然少油，不過辣油都係偏油，唔建議飲個辣湯，整體都好味，魚肉都夠滑😋片皮鴨半隻（$94）呢個片皮鴨做緊優惠，半價就食到，$100都唔洗仲有2食，除左本身既片皮鴨，仲有個涼拌小食麻辣既鴨骨，勁抵食，佢個片皮鴨質素都唔錯，熱辣辣，皮脆肉嫩，配料都好足，唔洗怕唔夠皮同蔥等等👏🏻呢間川菜又適合2個人食，多人食就更加冇問題，佢好在酸菜魚可以揀雙拼，又可以揀少油等等，份量適合又可以試多款口味，仲有個特價片皮鴨真係好抵食，平得黎仲要質素唔差✌🏻
繼續閱讀
👉🏻麻醬雞絲粉皮 ($68) 🥜麻醬濃郁得驚人！花生香氣直撲鼻尖，配上爽脆青瓜、鮮嫩雞絲同埋少量甜甜地的花生糖，層次感豐富到爆炸！夏天食完簡直清爽過冷氣開足26度！👌👉🏻招牌姚姚酸菜魚 ($138) 🐟~配白飯、涼菜、時蔬、手打檸檬茶嚟到姚姚一定要試下佢嘅招牌酸菜魚！辣度方面超貼心，仲有得選微辣，利申係真・微辣來㗎，最啱唔食得辣又想嘆酸菜魚嘅小編們！😍魚肉份量大約1.5個人嘅，魚肉唔算好滑但勝在完全冇骨，啖啖肉超過癮！湯汁比起另一間連鎖店冇咁油膩，撈飯都覺得健康啲，重點係連埋咁多野，兩個人午餐食絕對飽足到癱喺度！💯👉🏻雞煲二食套餐 ($238) 🍲🔥小編一開始就俾佢吸引入去，呢個簡直係雞肉控嘅天堂！半隻雞竟然包晒火鍋嘅雞肉、雞片、雞肝、菜同菇，仲要一物兩食都係呢個價，真係做爛市到雞煲啱啱上枱個陣啲雞已經用高溫炒過，每一塊都吸收咗香料嘅精華，皮脆肉嫩，香氣四溢！店員會先俾大家品嚐炒香嘅惹味雞肉，再加上杞子上湯開火打邊爐，湯底清甜又滋潤，雞肉嘅鮮味慢慢滲入湯中，層次感豐富到無法形容！等待嘅時間仲可以聞到周圍客人煲緊嘅香氣，真係等到口水直流😭 大家可以按心水再另加材料例如吸汁嘅寬粉同埋好邪惡嘅午餐肉，邊煲邊食保證唔夠個鐘就清光光！👉🏻紅豆烏龍冰粉 ($38) 🍧夏天食最jeng！微微嘅茶味配上軟滑冰粉，仲帶有解膩嘅作用，食完重油嘢後嚟一碗簡直係救星，必叫到爆！
繼續閱讀
小妹頭先同朋友系青衣城度食左間之前要特登北上先得食到既酸菜魚🐟估唔到而家除左招牌酸菜魚，仲多左好多新野😉我地梗係要試吓啦🤘🏻我地食左：⬇️⬇️🌟雞煲二食套餐🌟試食價$2381⃣️－食，梗係嘆咗個菌香雞煲先喇😆雞肉嫩滑唔嚡，濃香味美既醬汁有埋肝菌獨有既香味加持更加鮮美，唔好講話用嚟煮雞，煮乜都咁好食😬2⃣️二食，加雞湯打邊爐又鮮又香既雞湯用左勁多雞殼熬製，剩系睇個湯壺入面d湯渣都知足料，唔使擔心系科技與狠活🤘🏻邊爐料仲包括左炸雞皮、雞腎、雞柳同雞塊，全部都同雞🐔有關；其中炸雞皮又薄又脆勁香口，就咁食或輕輕浸下湯食都好出色，令到我地超驚艷😍個餐仲有埋個含有金菇、豆卜、萵筍、油麥菜、蓮藕同海帶既豐富蔬菜盤送；食左咁多肉，系時候要食番兩條菜😉🌟春夏滋味套餐🌟$338▫️姚姚酸菜魚（精裝版）真係不愧為招牌菜🤘🏻🤘🏻湯頭既酸度同鮮味平𧗾得好好，令到魚肉甜而不腥🫰🏻加上火候控制得唔錯，煮出梨系勁軟嫩，唔小心就會滑入喉嚨個種😜仲要少少碎骨都冇，值得高度表揚😘▫️北京烤鴨半隻烤鴨皮酥脆度100分💯，影完相攤凍咗都仲係脆👍🏻鴨肉嫩滑冇羶味，加d蔥同甜醬一齊放餅面夾住食，味道同口感都勁有層次👍🏻👍🏻▫️川味鴨架食得唔好嘥，原來剩低嘅鴨架用麻辣醬炒過之後都可以變廢為寶，鮮香麻辣好滋味🫰🏻✨爆打青瓜🥒檸檬茶✨跟餐$19酸甜清爽勁解膩，朋友唔使幾分鐘就飲晒😆✨茉莉香橙🍊✨跟餐$19味道清新又重橙香，系小妹偏愛嘅味道🫶🐟姚姚酸菜魚📍青衣青敬路31-33號青衣城1地下G01號舖港鐵青衣站C出口,步行約3分鐘
繼續閱讀
姚姚酸菜魚係內地很火紅，而家係香港都有得食啦！今次行青衣城經過，藍色既外牆超引左我入去，仲見到有優惠，好吸引🤩！佢隻IP藍色魚魚好得意😎，有公仔🧸、牆上畫作，好生動！幾岩一家大細去食。［片皮鴨半價優惠］半價後唔駛一百蚊好抵食。賣相精緻一個盤子奉上，片皮鴨好「令」身，食落皮脆肉嫩。「麼麼」都算多，包極都食唔完。雞煲🐓兩食套餐先食左個雜菌雞煲先，再開動打邊爐🍲（炸雞皮、雞片、雞雜、雞塊），竟然用四層架呈現，超美觀！再送一份蔬菜🥬。性價比好高！全部雞既部份都好嫩滑。雞煲🐓味道惹味香濃；火鍋雞湯清甜。囂張冰桔桶3L：兩個人飲，可以飲好多杯！溫度夠凍，邊食火鍋🍲邊飲好解渴！紅豆烏龍冰粉--甜絲絲的，畫上完美😍句點
繼續閱讀
國內知名品牌姚姚酸菜魚開左係青衣城地下，除咗酸菜魚外仲提供烤鴨、午市套餐、火鍋和粉麵飯類。午市套餐包埋主菜、頭抽時蔬、手打檸檬茶、是日涼菜，好抵食。招牌鱸魚片配米線（酸菜金湯）：金湯酸辣鮮香為特色的湯品，通常結合了酸菜、魚片和高湯的濃郁滋味，湯色金黃誘人😍醃製的酸菜帶來自然的發酵酸味，搭配辣椒的微辣，形成「酸中帶辣、辣中回甘」的層次。鮮味濃郁，雞骨熬製的高湯打底，湯汁濃厚，加入招牌鱸魚滑嫩無腥，肉質細嫩，吸附湯汁後酸辣鮮香，入口即化。米線夠曬彈牙，做到掛汁效果。頭抽生菜新鮮爽脆。手打檸檬茶充滿香水檸檬香氣，好清新解膩。涼菜是藤椒蓮藕，爽脆酸酸甜甜好開胃。雞煲二食套餐：一食菌香雞煲：份量十足，大大煲，加入大量菇菌，竹筍、紅椒、蔥頭、香蔥、蒜頭等，濃郁菇菌香，雞件質感嫩滑，軟熟、雞件經過爆炒鑊氣十足，好惹味。二食加湯打邊爐🍲：套餐包括食材炸雞皮、生雞腎、雞片、雞柳」用上下午茶架呈現，打卡得黎又得體。炸雞皮可以即食，要趁熱食，香脆香口、雞皮油脂溢出。雞片有點點咬口，雞鮮味更突出，雞腎爽彈、雞柳超滑。蔬菜盤有油麥菜、蓮藕片、金菇菜、䈑筍片、全部都好新鮮，仲有最喜愛的海帶，好有咬口。紅糖糍粑：一定要趁熱食！面層鋪滿油炸紅糖，脆口得很，又帶點酥脆，黃豆粉解油膩感，口感細膩。青瓜手打檸檬茶：大量青瓜溶，令檸檬茶清新感提升，檸檬茶吾太甜，相得益彰。總結：抵食雞煲二食套餐配出色手打檸檬茶
繼續閱讀