影片
更多
2011-10-24
102 瀏覽
師妹早輪約師傅去睇演唱會, 講真師傅對呢個歌手嘅興趣不大, 不過既然係師妹叫到就冇所謂啦! 睇演唱會前當然要食個飯先, 數下手指師傅都有好一段時間冇同師妹食飯, 不過食啲咩又冇咩心水, 於是就同師妹喺自己個地頭行下! 師傅心想吃西餐, 可惜選擇唔多, 最後忽然想起呢間食店, 才知師妹從未黎過, 既然係咁, 就一於帶師妹入去食番餐!入到食店人唔算多, 都幾多位可以揀, 可能係時間早左少少啦! 坐底後隨即望下個特色晚餐的餐牌, 發現個A餐好吸引, 所以師傅諗都唔使諗竟揀定左, 而師妹亦好快手咁揀左B餐, 一個優一個良, 就係最貼切嘅形容詞來形容師傅同師妹喇! 特色晚餐有頭盤, 餐湯, 餐包和主菜, 師傅揀左紅湯, 師好就揀左白湯! 落完單後好鬼快就已經有得食, 頭盤係沙律, 有少少似凱撤沙律, 入口發覺菜都幾新鮮爽口, 麵包槺夠炸腍, 八個字形容呢份沙律 , “比上不足, 比下有餘”, 師傅覺得個水準都不錯! 之後再試餐湯, 紅湯係羅宋湯, 白湯係忌廉粟米湯! 師傅有幸試過兩款, 所以先講羅宋湯, 羅宋湯湯料唔太多, 呢下師傅相對地欣賞, 皆決師傅鍾意飲湯多過食湯料, 可惜羅宋湯味道普通,
入到食店人唔算多, 都幾多位可以揀, 可能係時間早左少少啦! 坐底後隨即望下個特色晚餐的餐牌, 發現個A餐好吸引, 所以師傅諗都唔使諗竟揀定左, 而師妹亦好快手咁揀左B餐, 一個優一個良, 就係最貼切嘅形容詞來形容師傅同師妹喇! 特色晚餐有頭盤, 餐湯, 餐包和主菜, 師傅揀左紅湯, 師好就揀左白湯!
落完單後好鬼快就已經有得食, 頭盤係沙律, 有少少似凱撤沙律, 入口發覺菜都幾新鮮爽口, 麵包槺夠炸腍, 八個字形容呢份沙律 , “比上不足, 比下有餘”, 師傅覺得個水準都不錯! 之後再試餐湯, 紅湯係羅宋湯, 白湯係忌廉粟米湯!
師傅有幸試過兩款, 所以先講羅宋湯, 羅宋湯湯料唔太多, 呢下師傅相對地欣賞, 皆決師傅鍾意飲湯多過食湯料, 可惜羅宋湯味道普通, 唔香唔辣, 基本上係一碗好普通嘅雜菜湯, 師傅就較為失望! 再講忌廉粟米湯, 忌廉唔太濃亦不太稀, 奶味唔會過多, 味道香配上粟米爽甜, 真的不錯, 兩款中好明顯白湯先勝一仗! 而餐包熱熱地, 夠鬆軟, 真的不錯!
至於A餐同B餐係咩, A係黑椒西冷扒和B餐係意大利雞扒, 黑椒西冷扒就跟白飯, 意大利雞扒就配薯菜! 先講下黑椒西冷扒, 起初師傅落單時話要五乘熟, 點知個伙計話做唔到, 師傅真係覺得奇怪, 不過就照佢地意思煮, 大約七乘到; 不過出左黎就知到點解, 皆因塊牛扒本身都幾薄, 咁薄當然煮唔到五乘啦, 坦白講似薄牛扒多過似西冷, 所以扒身鬆軟, 可惜牛味欠奉, 不過值得一讚係個黑椒汁非常之好, 夠香夠辣, 極其惹味, 用黎撈飯真係正! 師傅亦有幸試左大半塊雞扒, 雞扒十分滑身, 肉質鬆軟, 最重要係皮煎得夠香夠脆, 啖啖肉勁好味! 最後加多三蚊就有杯餐飲, 冷熱同價, 師傅就揀左凍檸茶, 味道普通, 可以啦!
總括黎講食物質素尚算不俗, 環境幽靜舒服, 服務態度友善, 價錢都唔貴, 唔使一舊水就可以据下扒, 都幾抵食! 是次飯局由師妹宴客, 原因係答謝師傅相伴看演唱會, 早知係咁師傅就揀間貴啲嘛, 師妹都算蠱惑, 可能見平平地先找數, 但點都要多謝師妹! 一優一良的結果似乎係良較為突出, 如果再揀多次, 相信師傅都寧願食雞扒, 似乎抵食和公度啲! 笑臉都可以一比, 特別係個黑椒汁同雞扒真係正, 肯定會再黎!
張貼
