影片
更多
2021-07-13
331 瀏覽
十年沒有寫食評！為了這一碗無味精車仔面，懶惰的我來認真寫一次，也是我第一次用手機來寫食評，真的不懂怎樣操作😵其實真係唔係好想寫呢篇食評，我除咗鐘意食呢碗車仔麵，我都鐘意堂食，因為呢間嘢位置偏僻，真係無人會特登行過嚟食囉😂我就係鐘意呢度無人，經常我一個人包場，坐係度打吓機都數知幾爽，好過坐cafe。唔好講咁多廢話，有相為證據，真係一星期食咗三次！🤣 堂食，外賣，堂食。先評湯低，清，真係清，如果食開其他車仔麵，會覺得無味，所以我建議真係唔好叫清湯啦！有車仔汁（微辣），麻辣汁（夠麻小辣），咖哩汁（夠濃味）。至於點解師父要咁非主流做無味精車仔面？我諗佢係想突出每樣配餸嘅味道。老實講，岀面嘅車仔麵，無論你加幾多餸，好多都只有一種味。冬菇，第一次嚟食已經係驚為天人，雖然睇落好似細細粒，但其實係好厚肉嘅日本花菇😂痴線，食車仔麵有日本花菇！第一次嚟同枱姊妹話，嘩！好厚肉呀！！花菇有菇味，完全唔會俾調味或個湯底遮咗佢本身嘅味。10分豬大腸，睇相都睇到佢唔係岀面鹵到好深色嗰種，但你唔洗擔心佢無味。我最欣賞佢煮到啲大腸仍然好有彈性，有咬口👍🏻 唔會好似有啲舖頭煮到淋擗擗 ，一塊嘢淨返塊腸皮！好實在，好滿足！
其實真係唔係好想寫呢篇食評，我除咗鐘意食呢碗車仔麵，我都鐘意堂食，因為呢間嘢位置偏僻，真係無人會特登行過嚟食囉😂我就係鐘意呢度無人，經常我一個人包場，坐係度打吓機都數知幾爽，好過坐cafe。
唔好講咁多廢話，有相為證據，真係一星期食咗三次！🤣 堂食，外賣，堂食。
先評湯低，清，真係清，如果食開其他車仔麵，會覺得無味，所以我建議真係唔好叫清湯啦！有車仔汁（微辣），麻辣汁（夠麻小辣），咖哩汁（夠濃味）。至於點解師父要咁非主流做無味精車仔面？我諗佢係想突出每樣配餸嘅味道。老實講，岀面嘅車仔麵，無論你加幾多餸，好多都只有一種味。
冬菇，第一次嚟食已經係驚為天人，雖然睇落好似細細粒，但其實係好厚肉嘅日本花菇😂痴線，食車仔麵有日本花菇！第一次嚟同枱姊妹話，嘩！好厚肉呀！！花菇有菇味，完全唔會俾調味或個湯底遮咗佢本身嘅味。10分
豬大腸，睇相都睇到佢唔係岀面鹵到好深色嗰種，但你唔洗擔心佢無味。我最欣賞佢煮到啲大腸仍然好有彈性，有咬口👍🏻 唔會好似有啲舖頭煮到淋擗擗 ，一塊嘢淨返塊腸皮！好實在，好滿足！
豬皮，夠入味，爽口不會太硬👍🏻但岀面嗰啲多數都係勁淋。
咖哩魚旦，夠香，辣度適中，入晒味，加上呢種魚旦本身有少少陳皮味，好夾。
蘿蔔，略嫌淋咗少少，有啲散，但不影響食味，無渣，清湯煮夠清甜。
牛丸，真係鮮牛丸，食得岀唔係交貨，因為佢真係有啲淡，食得岀鮮牛肉味，無太多調味料。岀面鮮牛丸打邊爐八粒都要成舊水一碟啦，呢度加多個餸都係十蚊有兩大粒，五蚊一粒咋！你叫外賣加十分牛丸攞返屋企打邊爐都抵😂
鹵水雞翼（屋企人叫咗），大大隻嘅雞翼，無試過，不知道味道。
牛腩，大大塊肉，其實都幾滿足。老實說，我自己唔係太鐘意個味，同有啲乾。但我朋友話好好食。
麵，無乜comment，食車仔麵我都係為咗啲餸。但都係嗰句，如果揀清湯，一定會嫌個麵淡。
總結，師父想做到嘅效果做到了，湯底，麵，餸，各種味道都可以食到，唔會得一種味，整體係好味而滿足。我食五個餸加支忌廉都係68蚊落樓，料靚嘅車仔麵，值回票價👍🏻
張貼
