龍門客棧

天佑大埔！ 在樺加沙襲港期間，沒有發生風暴潮水浸大埔墟低窪地帶，前天風暴過後去了懷仁街的龍門客棧食晏，要了客家鹹雞飯及一杯特色凍月桂奶茶，今天的鹹雞外表特別精神，厚身的雞肉同時又很滑溜，份量比一般燒味店的也比較多，剛煲好的白飯熱焫焫，粒粒分明、皎潔如雪的白飯，配上雞油特別香口開胃，因此要求阿姐幫我添飯，連盤底的雞油也撈光了。店內阿姐告知，到十月尾他們便恢復做晚市的客家私房菜，價錢豐儉由人，款式有一百六十元一位的住家晚餐、二百元的海鮮晚餐及三百元一位的特選晚餐，實在令人期待。 在座有一位客人竟然已預早訂了位呢！…查看更多

話說大埔有條壞人街，其中近林村向東約七十米有一間龍門客棧，此店主理人全身都是紋身，渾號叫紋身Ben，雖然只是半途出家做廚，但自學成材煑得一手好菜，店中有五款招牌菜，分別是惠州甜梅菜蒸肉牌、姐婆吹筒仔蒸肉餅丶客家生醃鹹雞、麻而不辣雞及咖喱牛坑腩，店東強調用料新鮮，真材實料不用味精，因此吸引到一班固定捧場客支持，算是企穩了陣腳。:)今年仲冬天氣漸冷紋身Ben又做起了蛇羹及蛇餐饗客，篤信主耶穌基督的他，更加為了鼓勵子女敬老，設定了一家列優惠給與家中耆英同來的子女，例如一拖一長者收$168，二拖一長者則收$238等等，詳細價格請看圖片，而長者食蛇羹加糯米飯則只收$88，而一般客人則需付$108吃這個蛇餐。 早前在這裏吃過蛇羹，味道是以藥膳湯底為主，湯中除了基本的土茯苓外，還加入了生地、熟地、川芎和白芷等中藥材，因此味道帶了一朕中藥味，功能保溫、祛濕毒及祛頭風，對身體頗有裨益。 雖然現今五蛇難求，我知道這店堅持太史五蛇羹的做法，用手工撕出蛇絲，而坊間不少蛇店均只是用較剪剪成方形，相比之下手撕蛇肉煲出來的蛇羹口感較細嫩，特別適合老人家享用，值得大家扶老攜幼一試！#大埔龍門客棧#藥膳蛇羹 #埔飲埔食…查看更多

出街食飯想健康沒有味精真係好難所以我幾欣賞這間餐廳午餐$50有個惠洲甜梅菜肉餅飯 & 送熱/凍飲一杯甜梅菜味道不會太突出肉餅肉質剛剛好不會硬、不會太軟淋淋完勝兩餸飯！另外送月桂茶，我第一次飲，幾有趣，凍飲不用加兩蚊，幾實惠！…查看更多

街坊介紹，午餐抵食，而且不會多汁，比較健康我選了「麻而不辣雞」，配上一碗白飯，少許酸茶，和一杯凍茶，真的很有吃農家菜的感覺，不華麗，沒有花巧，而是平平實實的味道。特別一提餐茶月桂茶，是用了自家種植的月桂葉，清清的…查看更多

早一個星期打電話黎book 枱話無得book 位，淨係可以walkin, 今晚7pm walkin 無人係舖面，有兩張吉枱於是坐底左，坐左10分鐘落埋單之後突然個職員走過黎話張枱留左俾人，咁我話我坐另一張，我見可以坐到四人，我得三個人職員都話唔夠坐，我話我地坐迫啲都得，職員就話啲野賣曬無野食，叫我地走，如果無得book 枱點解又話留左枱俾人呢？啲制度咁混亂，點做生意…查看更多

基本上每一日都經常出街食嘢但學阿媽話齋街外嘅食物多數比較煎炸油膩唔健康不過工作忙又好少會食到住家菜但竟然俾我喺屋企附近搵到有一間農家川菜客家飯店位於大埔的 「 龍門客棧 」一入到去好有家嘅感覺而裝修主要以木為主最吸引我就係牆上一幅人手繪畫嘅屋村景象感覺好有特色好地道不過最重要嘅係老闆所烹調嘅自家製菜式係絕無味精烹調而且他非常用心熱誠啱晒追求健康養生嘅我們食完有賓至如歸嘅感覺喔餐牌上嘅晚餐有海鮮餐及住家餐分別都只係 $160/位 及 $120/位一共有5-6款菜式價錢經濟又實惠亦可以反映呢間係良心飯店喔⊰⊹════════════════⊹⊱💬 ✎ 食後感 ：✨💛 【 酸菜 】 這一款食用酸菜有助於防止便秘改善腸道功能、防止胃痙攣和腹脹更能幫助防止嚴重疾病以及有助促進循環和新陳代謝預防貧血、對抗頭痛和疲勞等多種功效根據研究指出酸菜對心臟健康是非常有益的纖維有助於防止膽固醇建議每日以一百克為限去攝取🖤 【 吹筒仔蒸鮮肉餅 】 原來這一款採用獨門秘方的鮮肉餅係龍門獨家Signature的吹筒仔媲美坊間的益生菌功效而製作過程原來好繁複先可以keep住食物當中的營養墨汁令肉餅變成黑色魚肉餅有啖啖紮實鮮嫩的口感裏面有真材實料的粒粒墨魚確實會令人一試愛上🧡 【 金銀蒜開邊基圍蝦 】 家常海鮮菜開邊基圍蝦採用蒜蓉開邊蒸烹調方法一上枱賣相非常美觀colorful鍾意蝦肉肉質清甜爽滑Q彈味道特別鮮美🩶 【 水佬海咸鮮蒸什魚 】 裏面有幾款咸鮮魚類味道咸香惹味、送飯一流喔💛 【 客家生奄農家黄油咸雞 】 採用獨特的客家鹹雞醃製方法令咸雞色澤帶微黃味香濃郁、皮爽肉滑骨肉鮮香而且風味誘人食到我哋舔舔脷🤍 【 住家湯 】 話明係住家湯梗係要無味精呈現奶白色味道好鮮甜💚 【 時令青菜 】 還有清一清腸胃的時令青菜🥬味道好 Fresh ~🤎 【 月桂奶茶 】 這一款健康飲品是採用地中海品種自己種植的新鮮月桂葉調製成與一般嘅奶茶相比冇咁濃厚茶味唔會蓋過新鮮月桂味好飲到一兩分鐘就飲晒咁用心嘅客家小菜餐廳真係買少見少每一碟精心烹調、用心製作嚟緊一定會經常幫襯❣️❣️❣️…查看更多

之前試過2次都覺得係好好味，又有家庭feel嘅小店，今晚一行3人再試$300一位嘅私房家常菜，樣樣都好餸飯，老闆夫婦得閒又出黎同我地傾下計，好似去左朋友屋企食飯咁，好開心嘅體驗🥰…查看更多

小店一家 但有無比人情味。蒸魚、鴨肉、玻璃肉肉餅、蒜蓉娃娃菜、浸雞、老火雞湯，全部都好有誠意，亦都冇味精，有家嘅味道亦都好健康特別要讚月桂奶茶，好香桂花味，香港獨有，原來係老闆親自研發，必嗌之選老闆好好人，每台客都會傾吓偈，大家都係街坊，充滿情懷。環境也算舒服，地方不大，但係衛生乾淨。原來所有餸都係老闆一個人煮，功架十足。菜式極都有特色，蕃茄炒鮑魚都係第一次食，估唔到咁好食！香港人要多多支持呢類小店…查看更多

唔知有冇人同兵仔一樣都好鍾意食住家菜～🥰今次喺大埔食到一間好有人情味嘅客家菜，老闆真係用心去煮每一道菜，各位街坊有口福啦！💂🏻‍♀️《海鮮餐》 $160位（2位起） -無味精住家湯-金銀蒜開邊基圍蝦-水佬海咸鮮蒸什魚-客家生奄農家黃油鹹雞-獨家吹筒仔蒸鮮肉餅-時令青菜-白飯一嚟碗湯已經感受到住家嘅感覺🤤，一啲味精都冇好鮮甜。所有海鮮都好新鮮，蝦同魚一個重蒜一個有薑嘅香味，全部都係送飯一流！🙆🏻‍♀️尤其是係個客家黃油鹹雞，雞肉好嫩滑帶有滿滿嘅油香，而且有唔係死鹹嘅鹹香😚我最鍾意係佢哋嘅獨家吹筒仔鮮肉餅，即係加入墨汁發酵嘅魷魚，除咗有獨特嘅墨汁香味，仲非常有營養，可以見到老闆非常用心👍🏻👍🏻最後另外嗌多咗個三文魚炒飯，一樣唔錯！而且唔係度度有，最最最推介係月桂樽仔奶茶！月桂葉除咗對身體好，而且呢樽奶茶茶香味好香濃，入口好順滑，可以話係特別得來係我飲過最好飲嘅奶茶之一👑評分：92.5/100總結：Feel到老闆好有人情味，好多街坊都係回頭客，舖頭仔細細但係經營得好用心，鍾意食客家菜又或者大埔街坊朋友仔都要試下！頒發軍階：上將🎖🎖🎖🎖…查看更多

客家主題餐廳，每日新鮮製作，烹調方法、味道都好正宗😍 同屋企人黎左個海鮮餐，包左五個餸，仲有湯同白飯，抵食又好食👍🏻👍🏻👍🏻⭐️住家湯完全無味精🥹⭐️金銀蒜開邊基圍蝦⭐️水佬海咸鮮蒸什魚咸香味一流😋 好岩送飯～⭐️客家生奄農家黃油咸雞⭐️吹筒仔蒸鮮肉餅有驚喜！用新鮮墨魚汁再加鮮肉打出黎既肉餅，口感同味道都一流🥰⭐️時令青菜⭐️客家香煎手打蓮藕餅煎得好靚，金黃色，食落好香口🤤🤤⭐️奶茶好特別既奶茶，茶葉係自家製，香得黎仲有陣回甘味，出面飲唔到！…查看更多

沒想到可以吃到像家中家常飯的味道、真的像媽媽煮的客家菜一樣！加上超友善的老板娘、註：她真的可以說客家話的！😅👍一定要試他們的玉桂茶、回味！下次回來一定會再去幫襯👍…查看更多

提起大埔，有兩間食肆是我喜愛的。偶爾也想嘗試其他，經同事介紹下就到訪這裡。都吃過好幾次但一直沒有寫食評，見有時間輕輕的寫吧 🙂午餐份量對我來說是剛剛好。如果當天較餓便不會選擇，沒有輕食小食的。這裡午餐也沒多選擇，只有1號至5號，一般來我都選2號較多，可能見黑色肉餅較少有令吸引度提升 😝1、2、4也吃過，4號我只吃過一次，印象度減退，不作評論。5號一直想試，很喜歡咖哩的我奈何腸胃以及車程有點遠，總有機會吧 😆肉餅都是瘦瘦的，不會帶些筋狀肥膏狀，配送菜飯 🙂另外有月桂茶，聞所未聞，應該是我見識少吧 😆奶茶就沒辦法試了。。月桂茶就是茶囉 😝落單時記得拿出現金，這裡是先付款的。以後到大埔我有多一個選擇了 🙂…查看更多

耐唔耐都會嚟幫襯午餐，今次點咗客家生醃咸雞午餐連咖啡或茶 $50，雞好滑，好入味，咸味剛剛好，超得😋😋😋個飯上面仲有炒椰菜絲，再用碟雞𥚃面多餘嘅雞汁撈飯，好好味👍👍👍…查看更多

老闆娘表示梅菜由家鄉親友醃製, 從老遠訂貨回港, 雖然增加了運輸成本, 但希望做到家鄉風味菜式, 所以堅持下來。手剁的梅菜及肉餅口感非常彈牙, 用小砵來蒸更有風味, 讓我想起兒時婆婆煮的肉餅。曾試買超市的咸雞回家煮, 一點兒也不好吃。這裡的客家咸雞花大半天製作, 調味剛剛好, 肉質嫰滑, 叫人停不了手 。老闆娘稱我們光顧的時間將近下午2:30, 咸雞的肉質已經打了折扣, 三個小時前剛製作好時上菜, 任何食客都讚不絶口! 那我下次再來要早一點才行!雖只是白飯一碗, 但配上奶奶味道的餸菜, 白飯都要被升格, 更何況這裡是白飯任裝, 食完可以免費再要。一定要再來光顧, 試她的客家咸雞, 和未試的墨汁尤魚肉餅。…查看更多

上一次來龍門客棧是上年十月的時候，那一次點了咖喱薯仔牛坑腩、客家生醃鹹雞、月桂奶茶，真的令人回味！今天有空路經，便進去回味一番。第一次食評：https://www.openrice.com/zh/hongkong/review/%E3%80%90%E9%BE%8D%E9%96%80%E5%AE%A2%E6%A3%A7%E3%80%91%E9%9A%B1%E5%B8%82%E5%AE%A2%E5%AE%B6%E8%8F%9C%E3%80%81%E7%94%98%E9%A6%99%E6%9C%88%E6%A1%82%E5%A5%B6%E8%8C%B6-e4769709入座時大概是一點半，客人不算多。坐下後就點了一份客家生醃鹹雞，餐飲是奶茶（好像沒有月桂奶茶）。等了約五至十分鐘，食物就上來了。我帶着懷念的心情，夾起一件雞放進口裏。「咦？！好像...鹹了很多耶！」我不確定是甚麼的一回事，多試了幾件，真的鹹得有點難下嚥。那種鹹，大概是在沙灘游泳時不小心喝下的海水一樣鹹（嗯...我真的試過，所以很確定🙈）。本着不浪費的心態，我最終還是把東西吃完。收拾餐具時，店員問我...👩🏻：「食物合口味嗎？」👦🏻：「嗯...今天好像鹹了一點...」（其實是很多）👩🏻：「但還是能吃得下吧？」👦🏻：「嗯...如果是上次的鹹度會好一點。」離開的時候，店員跟我表示已向廚師反映了。坦白說，如果不是上一次吃的時候真的很美味，可能我不會有下一次。我不確定是不是誤把鹽當糖，下了兩倍，還是醃得太久，但真的鹹得差點吃不下......如果不是店員的查問、反映，這可能是我最後一次光顧。我希望下一次來（應該會的），他們真的有所改善吧。…查看更多