正九清湯腩 (砵崙樓)

營業中

休息中

一個人係油麻地附近做野，交低文件。快食個午餐，食過佐敦正九，眼見呢間旺角正九坐滿人，就幫襯。崩沙腩雙拼雲吞 加蘿蔔 飲啖湯底，夠曬清甜，飲咗大碗湯都完全冇口乾。蘿蔔大件好甜，崩沙腩先係重頭戲！ 非常入味，帶一點咬口，牛嘅部位係半肥瘦，份量好多。下午茶時間只要消費$40 ，下午兩點至六點, 就送支裝汽水或者熱飲。真係好抵食。天氣咁熱我就叫凍檸水 , 都只係加三蚊 。兩點之後人流不絕都係滿座。牛腩又好食，又大碗，唔怪得知咁多人幫襯。