牛摩 (屯門時代廣場南翼)

營業中

休息中

天氣凍又想去打邊爐，去左牛摩食一人一邊爐，湯底可以一人揀一款口味，所以可以一次過試2款味道。今次揀左Lv. 3 阿古豚梅肉餐 $258可以一次過食豬肉同牛肉，湯底揀左豚骨濃湯同沙爹湯。阿古豚梅肉因為切成薄片，所以好快就煮熟食得！豬肉片吾鞋，而且都食到肉味。牛肩胛紋理同顏色都好靚，以任食黎講質素都算吾錯，合格！牛肌腹相對牛肩胛，呢款厚身少少，紋理無咁多，但都吾會覺得肥。蟹籽墨魚滑幾好食，有啲墨魚粒，幾有咬口。魷魚圈比較硬身左啲，個人覺得一般。帆立貝比想像中大粒，encore左好幾次！另外出面有自助區，可以拎蔬菜、丸、餃子等等既火鍋食材，款式都多，大約有20款。除左火鍋，仲有少量熟食炸物，例如炸餃子、魷魚圈、小丸子等等。最後甜品方面有啫喱、泡芙、雪糕等等。