牛摩 (屯門時代廣場南翼)

今日朋友帶我嚟到屯門呢間 牛摩 依家做緊優惠3小時任食🤩 套餐以正價計算人均滿$250就可以享用呢個優惠～ 終於可以慢慢食慢慢打邊爐😌 一早book咗位去到就入得👍🏻 拎位嘅時候就揀埋要邊個套餐 咁我哋就揀咗LV4 特級牛小排 再揀埋湯底 一人一鍋可以揀兩個湯底😬 我哋就揀咗 麻辣鴨血湯 同埋 博多美人骨膠原雞白湯 等緊湯底嚟嘅時候就出去拎定啲蔬菜、沙律、小食、飲品等等 竟然仲有成部爆谷機🤩 焦糖爆谷🍿過下口癮～ 更估唔到嘅係有雞蛋仔😆 仲見到成盤三文魚壽司🍣 仲要係啱啱拎出嚟😍 QR code自助落單 嘢食好快就到啦～海鮮類我哋試咗 帆立貝、魷魚圈、蟹籽墨魚滑 中間嗰粒係芝士牛肉貢丸 好有驚喜！中間係滿滿芝士 食嘅時候小心辣親🤭 雞肉滑嫩啖啖肉 用麻辣鴨血湯 整咗個麻辣雞 幾好食😋 炸物都有唔少選擇😬腐皮蝦寶、紫金地瓜丸、炸雞塊配芥末沙律醬、炸蟹鉗、雞軟骨、日式章魚燒、日式餃子、炸生蠔 全部都係炸起就拎上枱 熱辣辣同埋脆口又唔油👍🏻特別推薦 日本一口芝士 芝士味超級濃郁😍 喜歡食芝士一定大愛！ 肉類方面 牛小排、牛肩胛、牛肌腹 仲有豚梅豬、羊卷肉 全部都切得平均薄身 基本上淥幾秒就已經食得👍🏻最推薦一定係牛小排😇 肉質滑嫩 牛味濃郁 油脂分布算平均 配麻辣湯底或者骨膠原雞白湯都好夾😋 食到尾聲梗係食甜品😗 係好耐冇食過嘅蘿蔔臣啫喱😆 回憶滿滿！最有驚喜反而係呢個糯米糍 煙靭軟糯嘅口感😋 打邊爐最後一定係用雪糕收尾🤭 牛奶味雪糕 加咗蜜糖星星成個雪糕昇華咗🤩 完美～ 整體嚟講 呢間 牛摩 環境舒適 店員服務態度好 食物質素不錯 3小時任食呢個優惠真係好適合食嘢速度唔係好快嘅人😋 鍾意打邊爐嘅真係要嚟試吓😊…查看更多

今次同班朋友去咗「牛摩」打邊爐，試咗兩款湯底同幾款肉，真心有驚喜。佢哋嘅湯底同牛肉質素，絕對對得住個價錢，係會令人想再encore嘅。講到湯底，絕對係成餐飯嘅靈魂所在。 我哋叫咗雙拼，分別係「金湯酸菜魚湯底」同「港式沙嗲湯底」。個金湯酸菜魚湯底確實唔錯，湯色金黃，酸菜夠爽脆，酸中帶微辣，非常開胃，用佢嚟淥啲油份重啲嘅牛肉，可以起到好好嘅平衡作用。不過，全晚最高分嘅，一定係個「港式沙嗲湯底」。一上檯已經聞到濃郁嘅花生同香料香氣，味道香醇又唔會死鹹，掛喺每一件食物上面，真係唔使點任何醬油都已經好好味，充滿港式風味，係個湯底本身已經可以當半道菜嚟欣賞。至於肉類方面，我哋試咗幾款，款款都有特色。「極品牛肉眼」嘅油脂分布好似大理石紋咁靚，輕輕一淥，入口即化，牛油香充滿成個口，係當晚最邪惡又最滿足嘅一款。「牛肩胛」就肉味比較濃，口感實在有咬口，適合鍾意實在肉感嘅人。「牛腹胸」就肥瘦均勻，口感滑溜，油脂感豐富，用酸菜湯淥就剛剛好，可以減低油膩感。另外我哋仲試咗「阿古豬豚肉」，豬肉片切得薄薄哋，淥熟後肉質爽滑，一啲都唔嚡，同濃味嘅沙嗲湯底非常之夾。總括來講，「牛摩」俾我嘅印象相當唔錯。佢個沙嗲湯底絕對係必食之選，而牛肉嘅質素亦相當有保證。如果你係沙嗲控或者牛魔王，呢度絕對值得你嚟試一試，相信唔會令你失望。…查看更多

天氣開始轉涼🍂，最啱做啲咩？梗係打邊爐啦！喂喂喂！各位牛魔王注意！你哋嘅超級食家今次帶大家去到火鍋界嘅天堂——牛摩！準備好同我一齊瘋狂食牛未？Let's GOOOO！🐮🔥一坐低，我哋即刻揀咗兩個湯底！首先係近期大熱嘅金湯酸菜魚湯底🐟🌶️！個湯底金黃色澤，未食已經聞到好香嘅酸菜味，酸酸辣辣超級開胃！忍唔住即刻飲咗一啖，嘩！醒神晒！🤩 另外一個我哋揀咗穩陣嘅豚骨湯🐷🦴，奶白色嘅湯底，味道濃郁醇厚，用嚟涮肉最能夠食到食材嘅原汁原味！一酸一濃，呢個鴛鴦鍋組合簡直完美！好啦，戲肉嚟啦！睇下碟極品牛肉眼🥩！你睇下啲雪花紋理❄️，分佈得幾咁均勻！簡直係藝術品！放落個湯度輕輕涮幾秒，變粉紅色就即刻食得！一啖入口，嘩！啲牛油香喺口腔爆發，肉質嫩滑到幾乎入口即溶！🤤 牛味濃郁到不得了，真係食幾多碟都唔夠喉！💯跟住仲有牛肩胛同 牛腹胸！牛肩胛肉味十足，帶少少咬口，愈嚼愈有牛味！而牛腹胸就肥瘦相間，油香豐富，口感軟腍，索晒啲湯汁之後真係超正！👍食完牛，都要試下啲豬！阿古豬豚肉🐷絕對有驚喜！肉質特別爽口彈牙，完全冇平時豬肉嘅臊味，反而帶陣陣鮮甜味。無論放落酸菜魚湯定豚骨湯都一樣咁夾，超好食！總括嚟講，牛摩真係牛魔王嘅天堂！😍 湯底有特色，肉類質素高，仲要係任食，CP值高到爆燈！無論你係想食酸辣開胃，定係想品嚐牛肉原汁原味，呢度都可以滿足到你！…查看更多

牛摩係我想食牛肉火鍋就會唸起既地方，原來朋友仲未食過，就帶佢過黎屯門分店試下新出既卜卜蜆湯底😋今次我兩個都叫左牛摩新出既 “任食卜卜蜆+特選牛肉100分鐘火鍋放題”，呢個優惠幾抵，湯底卜卜蜆仲可以任點任加，所以湯底KEPP住超鮮甜，滾起有「卜卜聲」開殼聲添🤣🤣我地兩個都係牛控，所以主攻牛肉，其中有幾款係比較推薦👍🔸牛肩胛: 最推薦，脂肪紋均勻，淥10秒嫩滑唔韌🔸牛肌腹: 牛油香濃但唔膩，配卜卜蜆湯鮮上加鮮🔸牛肉眼: 厚切有咬口，肉味最濃另外火鍋配料任拎超過30款，好多選擇!而炸物就有炸蟹鉗、雞皮餃子、洋蔥圈等，岩哂唔同朋友仔口味。飲品選擇都唔少，連生啤都有架!!最吸晴係仲有小朋友最愛既爆谷機同雪糕機，岩哂一家大細黎食😍呢個價錢可以食到靚牛＋無限蜆＋壽司爆谷雪糕，性價比真係幾高…查看更多

牛摩係我想食牛肉火鍋就會唸起既地方，原來朋友仲未食過，就帶佢過黎屯門分店試下新出既卜卜蜆湯底😋😋今次我兩個都叫左牛摩新出既 “任食卜卜蜆+特選牛肉100分鐘火鍋放題”，呢個優惠幾抵架，湯底卜卜蜆仲可以任點任加，所以湯底KEPP住超鮮甜，滾起有「卜卜聲」開殼聲添🤣我地兩個都係牛控，所以主攻牛肉，其中有幾款係比較推薦👍🔸牛肩胛: 最推薦，脂肪紋均勻，淥10秒嫩滑唔韌🔸牛肌腹: 牛油香濃但唔膩，配卜卜蜆湯鮮上加鮮🔸牛肉眼: 厚切有咬口，肉味最濃另外火鍋配料任拎超過30款，好多選擇而炸物就有炸蟹鉗、雞皮餃子、洋蔥圈等，岩哂唔同朋友仔口味。飲品選擇都唔少，連生啤都有架!!最吸晴係仲有小朋友最愛既爆谷機同雪糕機，岩哂一家大細黎食😍😍呢個價錢可以食到靚牛＋無限蜆＋壽司爆谷雪糕，性價比真係幾高…查看更多

繼上星期颱風襲港後連場暴雨，氣溫一早一晚清涼了不少。除咗要帶多件外套怕凍親之外，涼涼地去打邊爐就最正。餐廳位於屯門時代廣場南翼，港鐵站步行約五分鐘就到，地點非常方便。用餐時間係星期二晚上八點左右，餐廳都幾乎滿座，建議想食早訂位較好。- 任食卜卜蜆+特選牛肉100分鐘火鍋放題卜卜蜆火鍋一上檯已經香氣撲鼻！火鍋是用新鮮的沙白蜆為主，配上鮮味的海鮮湯底，湯汁呈現金黃色，味道鮮味濃郁，不需額外調味都很鮮味！而蜆肉飽滿肥美，沒什麼沙子殘留，處理得相當乾淨！如果嫌卜卜蜆唔夠喉，仲可以無限任加，再叫再食，食足100分鐘！- 麻辣鴨血湯（細）⁺¹⁰麻辣湯底麻香四溢，鴨血湯味道辛辣與鮮味，搭配適量的辣椒，帶來一陣刺激的麻辣感。湯色濃郁，底味豐富，非常適合無辣不歡的朋友享用！- 牛肩胛肉特別推薦特選牛肩胛，牛肩胛肉質新鮮且嫩滑，豐富的油花和口感有嚼勁，層次十足！個人喜歡配上麻辣鴨血湯底，牛肉吸收湯汁後味道更濃郁，還帶來一陣陣麻辣刺激！另外火鍋配料任點任拎超過30款，還有人氣小食！火鍋吃到最後當然是不能缺的甜品。甜品真的應有盡有，有雪條、雪糕，爆谷等等。連裝甜品的第二個胃都滿足埋，很讚的喔！整體餐廳評分很高。餐廳環境闊落舒適，枱與枱距離充足。店員服務態度好又夠細心，食材新鮮，款式又夠多樣化，唔止有新鮮火鍋配料，仲有壽司、日式小食等等。以任食火鍋來講，這個價錢算是非常經濟的！是間值得推介的火鍋餐廳！…查看更多

約咗朋友去屯門時代廣場行街，見到牛摩「卜卜蜆x特色牛肉火鍋」做優惠就嗌呢款做晚餐🍲 鴛鴦湯底一邊係浸滿卜卜蜆嘅昆布湯，另一邊我哋加$18揀咗博多美人骨膠原啫喱雞白湯、舊骨膠原啫喱係牛摩公仔，睇住佢溶好得意😊呢個放題打邊爐真係好抵食，可以任食超過30款美食，卜卜蜆新鮮又爽口。肉類我哋點咗阿吉豚梅肉、精選牛肩、星級牛肌腹、牛舌、羊肉卷，全部都肉質鮮嫩🥩 火鍋配料我哋仲叫咗帆立貝、蟹籽墨魚滑、芝士牛肉貢丸、鴨血、鱔片，全部都好好食😋 特別一讚係佢哋嘅炸物，我哋點咗炸蟹鉗、雞皮餃子、洋蔥圈、炸雞塊、脆皮香蕉、日式章魚燒，又多款、全部都係新鮮炸起好香口🦀🧄🥟🍌🐙 自助放題區又係好吸引，有各款特色火鍋配料、蔬菜、麵飯。芝士丸、甜不辣片、麻吉燒、響鈴等食材都好正，蔬菜有生菜、油麥菜、羽衣甘藍等又健康🥬 最正係雪糕機🍧 有白桃烏龍加牛奶味扭紋雪糕，仲可以自己加唔同嘅脆脆，好好食🍑🥛特別值得一讚呢度裝修好玩味、又有日本同屯門主題，屯門牛嚟到一定好有共鳴🤭…查看更多

同朋友行屯門市廣場搵間打邊爐放題既餐廳食晚餐,見到有間叫牛摩既,門口好多人,入去食下先,二人都有卡位坐舒適!先睇過餐牌選擇咗卜卜蜆特選牛肉火煱,上枱一窩全是卜卜蜆勁多份量,先出去自取飲品,有提供罐裝既荔枝,檸檬梳打,可口可樂,烏龍茶等等,仲有部汽水機有巨峰提子汁,不錯!蔬菜櫃有好多選擇,好特別有涼瓜同埋冬瓜,仲有米血糕同埋好多丸類又有麵類,火煱有50多款選擇,熟食仲有沙律同埋壽司,雞軟骨,炸蠔好好味,小丸子,鹽酥雞,全部都即點即造,熱騰騰上枱,美味!二人食都不停點牛肌腹,牛肩胛,豚梅肉,牛肉眼,小小份量上枱,夠新鮮!欣賞!又可以點鱔片同埋鴨血,魚滑!不錯,食飽飽到甜品時間,有我兒時喜歡既啫哩,2種味道既泡芙,好好味,最後仲食埋楊枝金露雪糕加埋爆米花一齊食,好配合,下次再嚟食過!…查看更多

朋友一向喜歡食牛肉，今次gathering 約了屯門牛摩。這次品嚐的是「穀飼牛頸脊＋海鮮100分鐘任食套餐」，從湯底到食材，每個細節都令人滿意。兩款湯底——港式濃厚番茄湯與蟲草花雞白湯——各具風格，前者酸甜濃郁，番茄香氣自然滲透；後者則清潤醇厚，蟲草花淡淡藥香與雞湯融合，為火鍋添上一抹養生氣息。穀飼牛頸脊的肉質尤為出色，油花分布均勻，入口柔嫩卻不失嚼勁，在番茄湯中煮後更添風味；海鮮方面，蝦隻飽滿、魚片鮮甜，與蟲草花雞湯搭配更見滋味。此外，多款配菜如娃娃菜、金針菇、豆腐及多種麵類均保持新鮮，為整體口感增添層次。用餐環境寬敞舒適，無論是朋友聚餐或家庭共享，都能享有輕鬆氣氛。服務人員親切有禮，補食材速度快且主動，令人感受到餐廳的用心。兩人用餐共HK$678（含10%服務費），以食材質素及整體體驗而言，絕對物有所值。整體而言，Wagyu More不僅湯底出色、食材豐盛，服務亦相當到位，是一家適合與親友共享滋味時光的放題火鍋好去處。100分鐘的盡情享受，留下的不只是飽足，還有一份回味無窮的記憶。…查看更多

好多任食都係限時90分鐘，同朋友gathering吹得水嚟又食唔切，俾我發現喺呢間屯門時代廣場嘅牛摩，只要消費人均$250就可以任食3個鐘頭🌟特級牛小排+海鮮5品（$318）我哋就叫咗呢個特級牛小排嘅set，佢上菜嘅速度特別快。落完單呢好快就已經送到。牛小排牛味好濃郁，而且肉質都幾爽嫩👍自己都encore咗幾碟～另外呢一個set仲可以食到五款嘅海鮮。我就點咗佢嘅海蝦，味道都好新鮮爽口👍👍🌟湯底佢嘅湯底選擇都好多，我哋叫左麻辣鴨血（+$18）鴨血好入味😚而且湯底同牛肉嘅味道非常之夾，鍾意食辣嘅朋友仔一定唔可以錯過🌟佢嘅配菜選擇都幾多👍無論係丸類定係蔬菜都有好多唔同嘅選擇。而且全部都好新鮮🌟甜品佢嘅甜品種類都好多，另我最surprise嘅係竟然會有爆谷機😍真係好過癮😊泡芙，雪糕呢啲就一定唔少得啦🍴牛摩 (屯門)📍屯門屯合街2號屯門時代廣場南翼L3樓21號舖…查看更多

屋企人是晚話想要打邊爐～無問題～馬上訂位😎😎餐廳位於屯門市中心商場入面～非常易搵～我哋揀咗呢間連鎖火鍋放題店～一人一鍋任飲任食唔使煩😆👌🏻.入座前先揀好套餐及湯底～我哋選擇咗🌟極品牛肉眼餐(平日晚市$199@成人)(另加一)～鍋底分別要咗✨博多美人骨膠原雞白湯 +$10 及✨麻辣鴨血湯+$10～闊落卡位坐得夠哂舒服!!(店員仲提醒話如人均消費滿$250更可享有仼食3小時嘅優惠🤫).首先我哋掃碼落單點咗火鍋必須有嘅牛肉先🐂最推薦嘅有肥美嘅✨星級牛肌腹 & 牛肉味濃郁嘅✨精選牛肩胛；多款日式小吃 如：✨枝豆、✨炸蟹鉗、✨日式章魚燒、✨洋蔥圈、✨炸蠔、✨日本一口炸芝士、✨紫金地瓜丸 等等等等～可口又止口癮；當然仲有其他肉類及配料；再出自助區揀選自己鍾意食嘅✨蔬菜(菇類,菜類…)、✨火鍋料(丸類,麵食…)、✨壽司(三文魚,鰻魚,魷魚,腐皮壽司都有…)、✨前菜(沙律,涼拌…)、✨甜品(爆谷,雪糕,泡芙…)、✨飲品(汽水,茶飲,果汁…)等等～想飲番杯仲有得另外追加叫生啤🍺開心吓～整體每位都係二百零蚊左右～係幾抵食😀🫰🏻.#牛摩 #放題 #任食 #打邊爐 #優惠 #火鍋 #wagyumore #wagyumoreplus…查看更多

同朋友食飯傾計，又兩個女仔好耐無見，想搵間可以坐得耐既餐廳吹下水，唔想咁快俾人趕走😆就唸起牛摩打邊爐啦！依家仲要做緊優惠😍火鍋放題任食3小時，享用3小時優惠以正價計算，但人均滿250就得啦，所以都好抵食架👍👍今次同朋友揀左LV4特級牛小扒x安格斯牛肉餐，仲有我最鍾意既一人一鍋。湯底方面揀左豚骨湯底 & 壽喜燒，兩款湯底同牛肉都好夾😋一開始就會比左牛肉我地食先, 試下邊隻最岩食，我最推薦緊係特級牛小排啦👍👍LV4特級牛小扒真係好滑嫩，每一啖都充滿肉汁，牛味都幾濃郁，雪花都幾均勻，我係瘋狂encore呢碟🤣🤣牛肌腹亦都係我推介之一，肉汁好滑，烚一烚肉味就已經出哂黎。仲有安格斯牛肉都係必點呀，雪花又係好靚，比較有口感，牛味好重，咬落去啲肉香真係好滿足除咗牛肉，仲有好多海鮮、肉類、蔬菜任你拎，仲有自助醬料區，燒汁、麻醬、蒜蓉辣醬都有，自己調一啲獨家秘製醬料，食落更正！小食估唔到都有好多款式，炸蟹鉗，炸餃子章魚燒炸洋蔥圈，質素都唔錯㗎最緊要嘅係，價錢都算合理，性價比高，啱哂一家大細或者朋友聚餐。如果你喺屯門又鍾意打邊爐，呢間「牛摩」真係唔可以錯過！…查看更多

同朋友食飯傾計，又兩個女仔好耐無見，想搵間可以坐得耐既餐廳吹下水，唔想咁快俾人趕走😆就唸起牛摩打邊爐啦！依家仲要做緊優惠😍火鍋放題任食3小時，享用3小時優惠以正價計算，但人均滿250就得啦，所以都好抵食架👍👍今次同朋友揀左LV4特級牛小扒x安格斯牛肉餐，仲有我最鍾意既一人一鍋。湯底方面揀左豚骨湯底 & 壽喜燒，兩款湯底同牛肉都好夾😋一開始就會比左牛肉我地食先, 試下邊隻最岩食，我最推薦緊係特級牛小排啦👍👍LV4特級牛小扒真係好滑嫩，每一啖都充滿肉汁，牛味都幾濃郁，雪花都幾均勻，我係瘋狂encore呢碟🤣🤣牛肌腹亦都係我推介之一，肉汁好滑，烚一烚肉味就已經出哂黎。仲有安格斯牛肉都係必點呀，雪花又係好靚，比較有口感，牛味好重，咬落去啲肉香真係好滿足除咗牛肉，仲有好多海鮮、肉類、蔬菜任你拎，仲有自助醬料區，燒汁、麻醬、蒜蓉辣醬都有，自己調一啲獨家秘製醬料，食落更正！小食估唔到都有好多款式，炸蟹鉗，炸餃子章魚燒炸洋蔥圈，質素都唔錯㗎最緊要嘅係，價錢都算合理，性價比高，啱哂一家大細或者朋友聚餐。如果你喺屯門又鍾意打邊爐，呢間「牛摩」真係唔可以錯過！…查看更多

約左朋友敘舊，一段時間無見，唸住穩間可以坐得舒服d，吹下水的餐廳，咁岩牛摩最近做緊promotion，晚市放題可以食足三個鐘頭，飲野吹水認真一流。入到去，揀左lv4個餐，特級牛小排，再揀一人一個湯底。正，吾怕交叉感染。一開始會幫你落左堆肉先，等你試下味道再自己掃QR code order，我地當然狂落單先，食物好快就上，堆左一座山。眼前呢堆色澤艷麗的牛肉，宛如藝術品般整齊陳列，每一片都散發著誘人的光澤。紅潤的肉色中，細膩的脂肪如雪花般均勻分佈，勾勒出完美的大理石花紋，靜係視覺就已令人垂涎。特寫鏡頭下的單盤牛肉更是驚艷：鮮紅的肌理間，脂肪如絲網般滲透，暗示著豐盈的肉汁與濃郁的脂香。美味非常！外面的自助區都有好多選擇。有壽司都幾過癮，味道不過不失。醬料區都好整齊乾净。甜品的選擇吾算太多，不過味道就幾好，個海鹽雪糕係必試！總括黎講，食物同用餐環境，加上3小時任食的優惠，確實係物超所值，真心推介promotion期間大家去試下，吾會失望啦！…查看更多

今日食咗LV.2精選牛肩胛，午市90分鐘放題，一人一鍋。湯底除咗有普通嘅豚骨湯、蕃茄薯仔湯、沙嗲湯、昆布鰹魚湯、壽喜燒、蟲草雞湯，仲有三款升級湯底，包括長野蘋果湯、麻辣鴨血湯、博多美人骨膠原啫喱雞白湯。自助放題區任食超過30款火鍋配料，食物包括羊肉卷、牛舌、半殼青口、帆立貝、魷魚圈、鴨血、枝豆、味噌青瓜、迷你甜薯、洋蔥圈、日式餃子、炸雞塊等等。日式牛肉火鍋放題（しゃぶしゃぶ放題）之所以咁好食，關鍵在於 高質食材、鮮甜湯底、自由搭配的滿足感，加上放題形式帶來的「任食暢快」，讓人一試上癮！靚牛肉油脂香濃，入口即化。放題提供美國或澳洲牛，油花分布均勻（霜降狀），輕涮幾秒，肉質柔嫩帶奶香，蘸上日式芝麻醬或柑橘醋（ポン酢），鮮味更突出。即使平價放題，牛肉質素亦比一般火鍋店高，食肉獸大滿足！ 日式服務與一人一鍋，衛生又自在；還有 自助飲品吧、甜品，整體體驗更完整。 這絕對是一家香港高質放題店！…查看更多