NATA - Steak, Wine & Cocktail

營業中

休息中

今日嚟到觀塘人氣好高嘅Nata ，呢間餐廳感覺好有心思，無論係出品定擺盤都好精緻，加上味道高水準，成餐飯真係食得好滿足！慢煮牛肩胛肉 牛肉煮得超嫩滑，入口即化，啲肉汁濃郁得嚟又好入味，有兩款醬汁，食岀不同風味。牛油香草烤黃油大雞製作花時，想食呢個坐底就要落單啦。呢個雞一上枱就聞到陣陣香草同牛油嘅香氣，雞皮烤到脆卜卜，雞肉保持嫩滑多汁，牛油嘅香味滲透哂入去，食落去每一啖都好juicy，牛油香草味又唔會搶雞味，完美平衡。蒜香雜菌意粉（小辣）啲意粉煮得啱啱好，煙韌得嚟吸哂蒜香，配埋啲雜菌嘅鮮甜同少少辣勁，食落去層次感好豐富，必點！Cobber意粉（小辣） 啲蝦超大隻，鮮甜彈牙，啲辣汁同意粉融合得超正，辣勁唔會太搶味，反而更加突出蝦嘅鮮味，意粉好掛汁，正。士多啤梨乳酪碎冰 乳酪嘅酸甜同士多啤梨嘅果香好夾，感覺清新解膩。榛子朱古力焦糖香蕉梳乎厘班戟 班戟鬆軟有蛋香，榛子好脆口，配埋榛子朱古力忌廉，好香滑，香蕉上嘅焦糖脆卜卜，幸福感滿滿。