影片
更多
2024-04-23
15 瀏覽
蘭桂坊高級、靚裝嘅西餐廳多的是，求其搵一間都唔會太差。就好似呢間位於加洲大廈嘅意式餐廳，店內採用歐洲歌劇院設計風格，華麗有氣派之餘，仲有個小小嘅天台俾大家呼吸外，仲可以飽覽埋中環夜景添。🐙Polpo & Caviale ($388)配上奥西特拉鱘魚子醬嘅烤八爪魚，肉質軟腍，阿叔鍾意連埋車厘茄一齊食，鹹鮮味又食到點點酸味，唔會過濃。🦞Linguine all‘Astice ($698) 龍蝦開邊原隻上，肉質結實彈牙，仲有唔少蝦膏添！扁意粉配上蕃茄醬汁煮成，份量認真唔少，夠晒兩個人有多。美中不足係阿叔略嫌佢賣相唔夠精緻，如果擺盤再靚啲就正晒喇！🐑Scottadito d’Agnello ($488) 羊架面頭加上香草一齊燒，可配意大利青醬或者酸忌廉一齊食。5大件嘅份量係唔少，不過可惜香草味太強，完全蓋過咗羊騷味。🍰Tiramisu ($98)經典提拉米蘇味道甜中帶苦，口感軟滑，今次以高杯裝示人，絕對係全晚賣相最吸睛嘅一道菜！
🐙Polpo & Caviale ($388)
配上奥西特拉鱘魚子醬嘅烤八爪魚，肉質軟腍，阿叔鍾意連埋車厘茄一齊食，鹹鮮味又食到點點酸味，唔會過濃。
🦞Linguine all‘Astice ($698)
龍蝦開邊原隻上，肉質結實彈牙，仲有唔少蝦膏添！扁意粉配上蕃茄醬汁煮成，份量認真唔少，夠晒兩個人有多。美中不足係阿叔略嫌佢賣相唔夠精緻，如果擺盤再靚啲就正晒喇！
🐑Scottadito d’Agnello ($488)
羊架面頭加上香草一齊燒，可配意大利青醬或者酸忌廉一齊食。5大件嘅份量係唔少，不過可惜香草味太強，完全蓋過咗羊騷味。
🍰Tiramisu ($98)
經典提拉米蘇味道甜中帶苦，口感軟滑，今次以高杯裝示人，絕對係全晚賣相最吸睛嘅一道菜！
張貼
