最近同去咗天后炮谷山木星街嘅ROJO食我平時比較少食嘅西班牙菜～ 餐廳環境舒服 裝修以黑色型格 牆身仲有啲酒瓶做擺設好有特色🍾😎 個人好鍾意佢嘅蛋餅同埋肉桂油條🥖 海鮮飯都非常豐富🥰
✻ 西班牙薯仔軟臘肉腸蛋餅 Tortilla HKD88
呢度嘅蛋餅同平時食開嘅台灣蛋餅感覺好唔同 呢度嘅蛋餅以蛋同埋薯仔為主🥔 仲有好香甜嘅洋蔥同埋惹味嘅臘肉腸 口感好豐富！而且賣相都好靚💛❤️ 配上蛋黃醬同埋茄汁一齊食好夾 另外都幾香芝士味🧀 蛋味香濃🍳
✻ 西班牙海鮮飯 Seafood Paella HKD268
好足料嘅海鮮飯！有大蝦,蜆,青口,魷魚同埋豬腩肉超級豐富 每粒米飯都掛汁好正！飯嘅質地軟硬適中好好食～啲海鮮好新鮮 配埋鹹香嘅豬腩肉估唔到咁夾！🐖
✻ 西班牙肉桂油條 Churros HKD68
去西班牙餐廳就梗係要叫西班牙傳統甜品Churros😆 即叫即炸外脆內軟非常好食！沾朱古力醬一齊食大滿足❤️ 甜度啱啱好唔太甜 而且口感真係好正！ 配埋雪糕更加好食🥰
✻ 廚師精選甜品 Chef's Dessert HKD88
甜品控嘅我另外叫咗廚師精選甜品😚 係士多啤梨拿破崙🍓 拿破崙口感酥脆 中間夾住吉士醬層次豐富～配埋香甜嘅草莓同埋雪糕可以話係perfect match✨
