影片
更多
2024-01-22
55 瀏覽
💡生蠔 (5款 每款2隻) x 車厘蜆 x 北海道活赤貝 生蠔可以按一早排列好嘅順序由涼至濃味慢慢品嚐，個人喜好會落檸檬汁，但唔會落茄汁～Tia Maraa Pearl x 2 $72的的骰骰，但口感都係飽滿，因為出售前仲會轉去其他地方降低鹽度，所以係5款入面最淡味。簡單嘅海水味，仲有清新嘅甜味，好似一首歌簡單但好聽嘅鋼琴前奏。Speciales Lambert No.2 x 2 $86肉質肥厚 可能係有種礦物味，唔似鹽死鹹，慢慢散發出嚟嘅海水鹹味，都幾有層次Josephine No.2 x 2 $92味道最清甜 蠔味香濃Masses No.1 x 2 $106 香濃飽滿Cocollos No.0 x 2 $126 蠔身肥美，帶子位都好鮮甜侍應仲親自教我哋起蠔，終於學識點樣完美起出帶子, 叉仔打斜用力刮開帶子位，非常感謝佢嘅出手相教～車厘蜆 x 2 $96原來車厘蜆係美國及加拿大唯一一種可以當刺身食用嘅蜆，鮮味好濃，甜味係屈段慢慢出嚟。北海道活赤貝 $78橙紅色好夢幻，食落肉質爽厚，點少少豉油wasabi已經好夠～💡清酒蒜蓓煮活蜆湯 $238蜆肉大大粒，勁清甜又冇沙！湯底可以飲埋㗎
💡生蠔 (5款 每款2隻) x 車厘蜆 x 北海道活赤貝
生蠔可以按一早排列好嘅順序由涼至濃味慢慢品嚐，個人喜好會落檸檬汁，但唔會落茄汁～
Tia Maraa Pearl x 2 $72
的的骰骰，但口感都係飽滿，因為出售前仲會轉去其他地方降低鹽度，所以係5款入面最淡味。簡單嘅海水味，仲有清新嘅甜味，好似一首歌簡單但好聽嘅鋼琴前奏。
Speciales Lambert No.2 x 2 $86
肉質肥厚 可能係有種礦物味，唔似鹽死鹹，慢慢散發出嚟嘅海水鹹味，都幾有層次
Josephine No.2 x 2 $92
味道最清甜 蠔味香濃
Masses No.1 x 2 $106 香濃飽滿
Cocollos No.0 x 2 $126 蠔身肥美，帶子位都好鮮甜
侍應仲親自教我哋起蠔，終於學識點樣完美起出帶子, 叉仔打斜用力刮開帶子位，非常感謝佢嘅出手相教～
車厘蜆 x 2 $96
原來車厘蜆係美國及加拿大唯一一種可以當刺身食用嘅蜆，鮮味好濃，甜味係屈段慢慢出嚟。
北海道活赤貝 $78
橙紅色好夢幻，食落肉質爽厚，點少少豉油wasabi已經好夠～
💡清酒蒜蓓煮活蜆湯 $238
蜆肉大大粒，勁清甜又冇沙！湯底可以飲埋㗎～我同男朋友都係黑椒控，呢個重黑椒嘅湯底飲落辣辣地又暖胃，尤其食完生蠔飲更適合。勁合我哋嘅重口味，但怕黑椒辣嘅人就唔好飲咁多個湯了。
💡龍蝦忌廉意粉 $198
碟邊圍住龍蝦肉超吸引，龍蝦肉簡單調味，彈牙鮮甜。意粉收汁收得好好，每條都掛晒汁，忌廉味濃但口感又冇令人覺得膩，食到一條不剩。
💡House White Wine x 2 $156
白酒清香，唔會偏酸偏甜，送蠔一流，唔會喧賓奪主。
張貼
